الرجل ذو السطل الأزرق اللي يعطي بخضار

**غالب** · 15-04-2009 23:40

اللــــــــــــــــــــــــه
يازين النت عقب ماالواحد داغن بله همبر جر لياما هو طالعن مع إذنه
يالله لك الحمد على هالنعمه
ياجماعه على طاري الهمبرجر
تروا ماكدونالدز يدعم اسراييل
اتركوه وروحوا لهرفي<<يازين نصايحك,أقول اطلع براا<<<<
هالحين الله يقلعهم تسيف الهمبرجر بـ16ريال
وهو كله قطعة لحم وخستين وطماطه
ظلم والعياذ بالله
ألا ياجماعه مادامي أطريت اللحم وما اللحم
هالحين العصفور ياكل نمل وألا لا؟
مدرس العلوم عندنا يقول ياكل دود ماياكل نمل
بالله وش رايكم بكلامه
هو صاج وألا تميس...قصدي هو صاج وألا لا

تروا هاذي بس المقدمه

توكم مابديتوا بإرعاف قلمي<<قصده بنزف قلمه<<
موضوعي هاذا أبي أهربد به على كيف كيف كيف كيوفي
واللي مهو عاجبه يضقع راسه بالجدار<<أحح<<

بستن من السنين البعيده<<تسذاب ماتم له سنتين<<
وبمثل وقتنا هالحين
طلعنا حنا والاقارب بهالبران
يعني ناس طالعين للبر
توقعون وشوله

يتشمسون مثلاً؟

يبون القمر الصناعي يصورهم؟

وألا يدورون الخوا جوا؟

رايحين يدوجون
إي بالله
والله ويوم جت الساعة حول 12الظهر وجينا نبي نتغدى
وهو يرسلن واحدن من هالمقرد اللي معنا
قالي رح للمحطة الفلانيه اللي شكل هاللون وهاللون وجب لنا ببسي
قلت خلاص
ايقفووووووا<<طالع من البريدز وآخذ علامة ممنوع التدخين<<
هذا الموضوع برعاية
الاتصالات السعوديه<دن دن دن دن دن دن داااااا<<
العالم يقول الشرق الأوسط,نحن نقول جينسيس(هيونداي)
الفله,عليها وخليها
جبنة كرافت,قال أنام قال
يالله كملوا<<دخل بالبريدز<<
يعني إنتم هالحين أكيد تدربون روسكم وتقرون ماشفتوا شي له علاقه أصلاً بالفله
تبدا زبدة السالفه يوم إني استلمت مفاتيح الددسن
وأنا أرتسبه ويوم مشيت به حول كيلو
أسمع لي نباح تسلب(وإنتم بكرامه) عند له شبك غنم
وكنت بعد أشوف لي رجيجيلن جالس و بجنبه له سطلن أزرق يعطي بخضار شوين ورا له طلحه
ماإهتميت منهم
الأمور ماشيه زي المنتاز المنتاز

وأنا إدعس راسي بالدرج أبي أدور لي شريط
وعلى ماجيت أبي أطلع الشريط
مافطنت ألا التسلب متكي معي بالغماره
أتريه لحقن ملعن الجد التاسع عشر

وأنا أزقح عمري فوووق مع الدريشه
وهي تروح السيارة له وحيفتن للرجال اللي بجنبه سطلن أزرق
وهي تصدم السياره الطلحه
وفك الله راعي السطل الأزرق
وعلى ماتوقفت السيارة وهو يطب التسلب مادن لسانه ماأدري ليه أحسه كان يضحك علي
وهو يتولج راعي السطل
ومن شجره ليا شجره
ونجش
وووونجش
ووليا هاليوم ماادري وش صار عليهم
يقولون إنهم وصلوا لمثلث برمودا واختفوا

يالله اضحكوا
أقول اضحكوا
إنت هيه ياللي قاعد بالزاويه ولابس شماغ ومتلطم
اضحك لا أهشم راسك هالحين

واستلموا سلامي

**عجايب بنت الشايب** · 15-04-2009 23:43

اوووووووووووووووووووووووووووووووول

**غالب** · 15-04-2009 23:46

^^^^^^
ياااو
والله من السرعه عند عجايب
^^^^^^^^^

واستلموا سلامي

**يـــوسف** · 15-04-2009 23:48

سناعيسو قآضي علاجك قسمن بالله هههههههههههههههههههههههههه

الحين يوم تدعس رأسك شنوح ماوقفت ياصار تدري انك مامن طول

أهم شي التسلب الله يعزكم متأكد مابوه عرق من الربع ههههههههههههههههههههههههههههه

أمحق من إرساله <_اقص خشمي تسانه يعرفك زين اللي ارسلك

لاهنتش ياكاتبنا القأطع

توسد إحترآمي

**يـــوسف** · 15-04-2009 23:48

عجايب آوريتس هين

**شامان** · 15-04-2009 23:56

^
^
^

ودي اصور مع موضوع سناااعيسوو

سناعيسو والله طلعلن لك يدين وصرت تعرف تكتب

انا ما اشوف الا رجولك ؟

**فتى البيداء** · 16-04-2009 00:36

وش سطل أزرق يعطي بخضار ؟؟

وش هو من حلاياك ؟؟

فك الله راعي الشجره .. ولا تسان تكتب من دار الأحداث ..

**أحمد** · 16-04-2009 01:20

[align=center]
سناععيسو

هههههههههههههههههههههههههههههههههههههههه هههههههه

انت تسوق السياره وانت واقف ؟؟؟؟؟

وبعدين ماوضحت اللي ورا الشجره ومعوه السطل ماتدري وش يعمل <<<< الله يدبل تسبد عدوك

تري مكاسي سناعيسو
[/align]

**ماجد** · 16-04-2009 04:20

ايقفووووووا<<طالع من البريدز وآخذ علامة ممنوع التدخين<<
هذا الموضوع برعاية
الاتصالات السعوديه<دن دن دن دن دن دن داااااا<<
العالم يقول الشرق الأوسط,نحن نقول جينسيس(هيونداي)
الفله,عليها وخليها
جبنة كرافت,قال أنام قال
يالله كملوا<<دخل بالبريدز<<

عليك خيااااااااااااااااااااااااااااال

سناعيسو انت بطل

**المسافـر** · 16-04-2009 10:22

[align=center]
ونجش
وووونجش

هههههههههههههههه ياويلي ياعيال ياعايد

هالكلمه تذبحن التنجيش تذكرن بلي سالفه سأسدحها قريبا

سناعيسوو يعطيك العافية يافلاان
[/align]