.. كل ما أقفيت ناداني تعال , و كل ما أقبلت عزم بالرحيل ..

**بالمختصر..** · 15-04-2009 00:21

.
.

هذا حظي ..

.. كل ما أقفيت ناداني تعال ,.., و كل ما أقبلت عزم بالرحيل ..

..

يااااااااربي أحس إن حظي مستقعد لي .. كل ماأبي أسوي خير ..

أستغفر الله بس ..

..

بـ رمضان كان عندنا فطور و قلت أبي أحط لـ هندي البقاله و أرسلوه ..

حطيت لوه من كل طبخه .. و حطيتوه على جنب ..

يوم قرب الآذان تخبرون الزحمه و الحوسه .. نسيت لا أرسلوه للهندي ..

قلت مو مشكله أرسلوه عقب التراويح .. و نسيت بعد

ياااالله بعد مو مشكله بكرا أرسلوه من فطورنا .. و هم بعد نسيت

خلص رمضان و أنا نيتي كل يوم أبي أحط لوه ..

عاد يقولون الشياطين تصفد بـ رمضان , أجل هاللي مستقعد لي وشو

مافيه غيروه ..

حظي

..

نفس الرمضان قلت لأخوي وش رآيك تعزم أستاذ ..... ؟ هو صديق أخوي

قال : الله يرحموه

توفى و أنا مدري

عاد الله يرحموه كان دايم يقول لأخوي مشتهي طبخ البيت ( هو عزوبي و مغترب )

بعد حظ

..

قبل يومين دقت أختي و تسولف معي .. قالت : قولي لأمي تدعي لي عندي إختبارات

<< طبعاً تدرون به لقافه

يوم قفلت السماعه .. قعدت أدعي له

ثاني يوم ع المسنجر ألا تقولي تأجلت أختباراتنا لـ بعد الإجازه

احم احم ترى مادعيت لتس

قردت أختي

..

و قبل فتره قريت موضوع عن الصدقه و التبرع و أجره ..

تذكرت إن حسابي بوه مبلغ حول الـ 100 ريال << و تبي تبرع بعد !

قلت ماني محتاجته ليه ماأحوله على حساب مؤسسة ( إنسان )

طبعاً التحويل عن طريق الهاتف ..

أنا لخبطت بين الرقم السري حق بطاقة الصراف , و الرقم السري حق خدمة الهاتف المصرفي مدري شسمه !

طيب غلطتي مره مو مشكله ..

تعيدين الرقم نفسوه مره ثانيه ليه ؟ قمة الغباء

و قمة الإصرار عالغباء أعيد الرقم للمره الثالثه

و يلغون بطاقتي , بغوا يحولوني ع الموظف بس طبقت السماعه ..

حظي حلو صح ؟

..

لا و هكاليوم حلمت إن ولد خالي يقولي حظتس حلو والله ..

أدري إنوه أضغاث أحلام نفثت عن يساري ثلاث و رديت نمت

.
.

**بنت الجبل آخت القصيد** · 15-04-2009 00:26

ههههههههههههههه

انا من اشوف موضوع لك ادري انه بالمختصر المفيد

ماشاء الله عليك سرد رررااايع يابنت << ابوك يالفصحى

.
.

لاهنتيش

**الشبث** · 15-04-2009 00:29

الله

كل هذا فيتس وجالسه معنا

يالله يالله قووووومي من هنا يالجربا ااااااا

يالله لا تبلانا

اعنبو بليستس وش مسويه بعيشتس انتي

انا حرقت بسه وحده حظي قام يعرج

انتي شمسويه

حارقه قاطوة الحاره كلهم

ويييييييييييييييييييييييييييييه بسم الله علينا تفو علي بصم الله

واللي يرحم ابوتس لا تطرين العزيمه ولا تدعين لي ولا اشوفتس قدامي

بس ممكن طلب

ابيتس الليله تكوفريني مداعي

ابيتس تدعين علي حما حيلتس

>>>تشوفون اذا ماطقيت لكزس باتسر وبيت

يالمقرووووووده ههههههههههههههه

الله لا يحرمتس الاجر

وتقلدي تحيتي

**أحمد** · 15-04-2009 00:39

[align=center]
هذا والله الحظ الزين

اخذتي اجر الهندي

واجر تبرع لليتيم

واجر ان اخوتس ترحم على ميت

وانتي متربعه بالبيت

ووفرتي مية ريال

وتاجلت اختبارات اختس عشان تذاكر

والله كويس

بس بالله عليتس اختي بالمختصر لاتقولين الله يعطيك العافيه انا ماني ناقص بيني وبين الانقراض شعرة معاويه لاتجيبين راسي بدعوه

وتري مكاسي اسم على مسمى
[/align]

**بالمختصر..** · 15-04-2009 00:40

المشاركة الأصلية كتبت بواسطة عطرالقصيد

ههههههههههههههه

انا من اشوف موضوع لك ادري انه بالمختصر المفيد

ماشاء الله عليك سرد رررااايع يابنت << ابوك يالفصحى

.
.

لاهنتيش

هههههههههههههههه يا زين الفصحى

مرورتس يكفي يابعدي ..

.
.

**بالمختصر..** · 15-04-2009 00:43

المشاركة الأصلية كتبت بواسطة الشبث

الله

كل هذا فيتس وجالسه معنا

يالله يالله قووووومي من هنا يالجربا ااااااا

يالله لا تبلانا

اعنبو بليستس وش مسويه بعيشتس انتي

انا حرقت بسه وحده حظي قام يعرج

انتي شمسويه

حارقه قاطوة الحاره كلهم

ويييييييييييييييييييييييييييييه بسم الله علينا تفو علي بصم الله

واللي يرحم ابوتس لا تطرين العزيمه ولا تدعين لي ولا اشوفتس قدامي

بس ممكن طلب

ابيتس الليله تكوفريني مداعي

ابيتس تدعين علي حما حيلتس

>>>تشوفون اذا ماطقيت لكزس باتسر وبيت

يالمقرووووووده ههههههههههههههه

الله لا يحرمتس الاجر

وتقلدي تحيتي

هههههههههههههههههههههه

الله يرجــك ( بكرا يعقل الشبث , يجيكم لابس نظارات و بيدوه كتاب )

لا هنت ..

بس ماغثيتن عشان أدعي عليك لازم من قلب أدعي

.
.

**بنت الجبل آخت القصيد** · 15-04-2009 00:44

آآآآآآآآآآآآآآآآآآيه تذكرت شيء<<< تشاهق من الضحك
تخبرين يوم ترسلين لي رساله عن التعيين

كلمت الوزاره اليوم قالو بس نمتحن اللي معهن الخبره

هل لتس دخل بهذا

.
.

**بالمختصر..** · 15-04-2009 00:46

المشاركة الأصلية كتبت بواسطة الجثري

[align=center]
هذا والله الحظ الزين

اخذتي اجر الهندي

واجر تبرع لليتيم

واجر ان اخوتس ترحم على ميت

وانتي متربعه بالبيت

ووفرتي مية ريال

وتاجلت اختبارات اختس عشان تذاكر

والله كويس

بس بالله عليتس اختي بالمختصر لاتقولين الله يعطيك العافيه انا ماني ناقص بيني وبين الانقراض شعرة معاويه لاتجيبين راسي بدعوه

وتري مكاسي اسم على مسمى
[/align]