/ Windows 7 /

**روح حايل** · 16-04-2009 10:58

هلا بالورد كلوه

الله يسلمتس نورتي والله

**قمر اللــيل** · 16-04-2009 23:56

مشكوره روح خلنا على الاولاني ياحبي له بس.......

بلا فستا بلا الاصدار السابع

متاقلمه معا.......>>> xp

دمت بخير

**ابو فارس** · 17-04-2009 01:25

مافيه الا تغيير سطح المكتب
يعني لو تحط على xp
ثيمات لسطح المكتب يطلع معك يجنن مثل هذا

لكن قرأت انه تم تأمين بعض الثغرات الموجودة بالفيستا

الصور تظهر الشكل فقط
ولم يذكر خصائصه الفنية

شكرا لك
ودمت بخير

**ابن جشعم** · 20-04-2009 18:56

اللي يهمنا المضمون اكثر من الشكل او المظهر

مشكورة على البشارة الجميلة يالجارة

تحياتي

**ملامح شمري** · 28-04-2009 00:46

من ناحية التغيرات بهيكل النظام ..

تلافوا كل أخطاء الفيستا , و يكفيه ذاكرة رام 1 غيغا عشان يشتغل بدون
مشاكل ( الفيستا تتطلب 2 غيغا ) ..

اهم ميزة صرحوا فيها قبل يوم او اثنين موب متاكد متى بالضبط ..
انهم بيدمجون فيه نظام ويندوز اكس بي مع حزمة الخدمات الثالثة sp3 ..
يعني بيعطونك نظامين بسعر بنظام واحد و تقدر تشتغل عليهن من نفس
النظام بوقت واحد.
وهي حركة تسويقية اكثر من كونها ميزة . عشان يجذبون مستخدمي الاكس
بي الحاليين و بالاخص قطاع الاعمال و الشركات اللي تستخدم هالنظام .و
موب ناوية تغيره بسبب تكاليف تحديث بنيتها التقنية من اجهزة و خلافه .

نسخة rc1 بينزلونها رسمي بعد اسبوع و يوم , لكنها متسربة من اربع ايام
تقريبًا بالنت .. وذا رابطها تورنت للي بيجربها :
http://www.mininova.org/tor/2521167
لتفعيلها استخدم ارقام نسخة ويندوز سبعة BETA 1

- - -

من ناحية برمجية ..

* وندوز سبعة اسرع باقلاع النظام من فيستا بمراحل
* ويندوز سبعة يستخدم نفس كيرنل فيستا ( الكيرنل تقدر تعتبره عقل النظام واهم جزء فيه )
الفرق انهم اضافوا عليه تعديلات و تحسينات ولا غيرو فيه بشكل جذري او
جوهري .

* الكيرنل فصلوه عن بقية اجزاء النظام من واجه رسومية و خلافه ..
وهالشي زاد من عامل الامان فيه و من استقرار النظام وثباته . هالخاصية
كانت غير موجودة بانظمة ميكروسوفت السابقة و موجودة من قبل عقود , بانظمة لونكس و يونكس .

* سرعة استجابة النظام زادت , لانهم خلوا الثريدز THREADS , مدري والله
وش اقرب ترجمة لها بالعربي , الناتجة عن كل اجراء او عملية او بروسس
PROCESS تكون اقل . وهالشي قدروا يسونه لانهم جمعوا التبعيات او الـ
DEPENDENCECIES سوى بوقت الشتغيل واللي محتاجها النظام بس .

* الواجهة الرسومية بدل ما بيتم معالحتها مرتين مثل قبل , مرة من الكيرنل
و مرة ثانية من كرت الشاشة . بتتعالج مرة وحدة فقط من كرت الشاشة و
الكيرنل اصبح غير مسؤول عنها .
و المخرجات او النتيجة او الفائدة من هالتغير , ان الواجهة اكثر استقرار و
اسرع من واجهة فيستا .

* الكيرنل صارت تدعم الى 256 نواة معالج CORE ..

كل اللي اجروه عملية تحسين لكود الكيرنل , ازالوا مكونات و فصلوها من
الكيرنل مثل USB STACK و NETWORK STACK واللي سبق ذكره
اعلاه و غيره من ناحية التعامل مع المهمات و العناوين او TASKS و
ADDRESSING بالذاكرة . و خلوا الاشياء الضرورية فيه بس .
وعميلة تطويره صارت اسهل لكونهم فصلوا كل مكونات النظام
عن بعض . ولا هم بمرتبطات مثل انظمتهم السابقة XP , VISTA ...etc
و ذا بالمختصر المفيد .

Ciao