ديوان الشاعر ندى بن خلف الدويهم الشميلي

**عبدالله 100** · 12-04-2009 14:11

السلام عليكم ورحمه الله وبركاته

حياكم الله

الشاعر نداء بن خلف الدويهم الشميلي الشمري

شاعر من الشعراء البارزين شعريا بالجزاله التقليديه ان صح التعبير

مما جسد في روحه الشعر التقليدي حبه وعشقه للبر وحله وترحله مع ابله

رغم انه ليس بكبير سن مواليد 1965

ولا اريد ان اطيل عليكم اترككم مع قصائده

هات القلـم يعـل يمنـاك ماتشـل
يا شـوق غـروٍ حافـظٍ للامانـه

بنت الرجال اللـي ظلالـه يظلل
عنـود صيـد ولامشـة بالخيانـه

اضبط حروف القـاف ولاتعجـل
ابسند لبونايـف واجنـب اهدانـه

ودي معـه لوبـس ساعـه تعلـل
نبي الجـواب وساعةالصفرحانـه

ونـدرس امـورٍ مالقينالهـا حـل
كثـر النقيلـي بالعـرب واللعانـه

نقايـلٍ تحتـار فيـهـا وتبـحـل
حتى المرة عنهـا تشيتـم لسانـه

شـوارب علـى الرذيلـه تفـتـل
عسـاه للخيبـه وتلقـا المهـانـه

على الذي يهديـه لنصـح يزعـل
وعن المكارم هـا كعن بـه زمانـه

وسيلتـه كلـه ذهانـات وحـيـل
ما عز نفسـه راضـيٍٍ بالطمانـه

لوترفعـه يـم الكواكـب ترجـل
من اسفل الى اسفل موقعه وحضيانه

ذيـل الجعـر لوتعدلـه ماتعـدل
لوحـط بالبنـدق يظـل اعوجانـه

ياليت مـن جابـه عقيـم وترمـل
اخيرمـن اخباثـا وفيهـا ذهانـه

تلـو ولاهـي للرجاجيـل مدهـل
شربـه احثـال ولاتقلـط اسمانـه

حكي النميمـه مزرعلـه ومشتـل
يوجـه التهـمـه بلـيـا بيـانـه

ومن قبل مايصدق رجـلٍ ليـازل
واليوم من يكذب ايسولـف بشانـه

واخترت عن بعض التفاهات منهل
ترا الرجل دايـم احصانـه لسانـه

ولاني على طبع الخلايـق موكـل
وكل جلد قالـو بينتـه بنضحانـه

وحسبي ولي الكـون منلـه تبتـل
يجعل خطا غيري لنفسي صيانـه

وعسى المزون بكل الاوطان تنهل
ويكثر نوار الكـرش والديدحانـه

وتربـع الفطـر وسنمـه تجمـل
وتشبـع مـن المليـح واقليقلانـه

بعلـو فيحـان مشتـي وحــول
يم الحقـي والا النظيـم احدرانـه

ربيع قلبـي قولـة اليـوم نرحـل
تسعيـن كيلـو والمعشـى ظمانـه

وحلايبك صفر ومعه لون الاشعـل
يا زين صفقـة جلهـا وامشيانـه

حلو اثرها باوسط الروض يبتـل
يطربك ضريس الفحل واهدرانـه

اخير عندي من سمـاع المسجـل
لوغنتـه ديانـا بصافـي ثمانـه

واطرب لروضٍ يوم عشبه تشكـل
بين الخشيبي والمصنـدق مكانـه

ماصار به غنـام ولانـزل احلـل
بس ام سالـم تعجبـك بروجحانـه

وعز الله ان مخاوي الـذود مامـل
صورة منه ولا مسلسـل جمانـه

اشكر ولي الكون اعطـى وكمـل
سبحان من فضله جزيـل وحنانـه

هذا وخير الهـرج مـا قلـل ودل
وافضل صلاة على النبي بختمانـه

سفير الطنايا

قيلـك يبـو حـجـاج هـيـض شجـونـي
لا هنت يـا سـارح نضايـض بليهـان

ترخـص لكـم يالقـرم حـتـى عيـونـي
ممنـون لـك بالـي طلبتـوه يـا فــلان

يـا عـل مـا تجـري علـيـك الغبـونـي
يـالـي عـلـى لامــا معـزيـك شفـقـان

قربتـك لـو تشـرى فانـا لــه زبـونـي
والله لاشـريـهــا ولانــــي بـنــدمــان

يــا عــل يفـدونـك جمـيـع العـفـونـي
شرواك عـن حـر اللواهيـب مزبـان

مـواقـفـك يـالـقـرم بـــه تشـكـرونـي
سفيـر شمـر تسـتـر الـوجـه ديـقـان

يـا مزبـر فطـاح الغـنـم بالصحـونـي
لــك الثـنـا يالـقـرم والفـعـل بـرهـان

عـلـى يـابـن حـجـاج تــرك تـمـونـي
مــازال مــا عـمــري تـقـفـاه ديـــان

امــا طـريـق الــذود دونــك ودونــي
يـا عنـك مانـي صافقـه دون فيحـان

صـفـرٍ مـغـاويـرٍ ركـبـهـا الجـنـونـي
ياقـامـت العـلـيـا تـسـاقـط كـحـيـلان

يـا عـنـك رعيـانـه يـبـي يسقطـونـي
يـــا درهـــم الاول وطريـقـهـا بــــان

تــقــول دون الــعــوج لا تـاقـفـونـي
هـاك التـلاع الــي محـيـره بفيـحـان

مـدهــال حـثــات الـوبــر وصـلـونـي
راح المقيض وبينت رخـم الامـزان

واليوم يابو حجاج رخصـه عطونـي
حيثي على شوف الطعاميس ولهان

وربــعٍ لـيـا مــن جيتـهـم يفرحـونـي
ببيوتـهـم تلـقـى الرجاجـيـل ديـــوان

لرباعـهـم بــراس الـنـبـأ يرفـعـونـي
ويجذبـك بالرفـه مــن البـعـد دخــان

هــذا هــوا بـالـي وكـحـل العـيـونـي
ويالله برجـعٍ يـعـم جمـيـع الاوطــان

وليا اخضرت يـا صاحبـي اذكرونـي
بزيـارةٍ تجـلا عـن القـلـب الاحــزان

عجـل علـى الـي لجيـتـك يحتـرونـي
والله ديــن انــي لـكـم حـيـل ولـهـان

وصــلاة ربــي عـــد مـــا يهلـلـونـي
عـلـى نـبــيٍ سـنـتـه خـيــر بـرهــان

هذه القصيده مشابه لقافيه عبدالرحمن ولكنها كتبت قبل شاعر المليون بزمن

وعنوانه

يتلون شايب شمر

هات القلم نكتب جديد المواضيـع
سطر المعنـى حسـب ماتخيـل

اوجـه ابياتـي لبعيـد المراميـع
جمـل المحامـل لثقيلـه يشيـل

نسل عبدالله مركع القـوم تركيـع
يماهفا فـي ساقتـه مـن ذليـل

عقيد جمعٍ كل ابوهـم صعاصيـع
دليل ركبٍ يـوم يبـس الصميـل

بن جحفل نطاح وجيه المداريـع
مهو منلي عـن لزومـه امثيـل

مزبان من ضاقت عليه المطاليـع
عن واهج الرمضا زبنت الضليل

من روس قومٍ يفصمون المصاريع
نطيحهـم تلقـا جـداه التـويـل

بعاد المدالـي طيبيـن المفازيـع
غنـاة رجـل مابكوشـه حليـل

سيوفهم مثـل البـروق اللواميـع
يتلون شأيب شمـر اخـو دليـل

ياعزوتي من لي ليالي واسابيـع
لانام انـا بالليـل ولانـي مقيـل

ولامشغلن فكري جديد المواضيع
ولامهوجسٍ في زودهـا والقليـل

بلاي من غضن غضيضن مريبيع
هو السبب مانـي عليـه امتعيـل

من فرقته كثرت علـي الروابيـع
يالله تجمعنـي بضـاف الجديـل

هو منوتي من زاهيات المفاريـع
وش عاد لويقسي علـى الخليـل

عنق الغزال اللي زها بالمرابيـع
امسأيح المجرور شـرق السليـل

ابو نهودٍ فـوق صـدره نواسيـع
ولاقيلـه ملعونـت ابـو الشليـل

مصيونتٍ مادوجة مـع مجاميـع
ولاقيل شيفة مـع اقرانـه تفيـل

لولو ومرجان وذهب فيه ترصيع
من الماس تجمعهن صفات الغزيل

ياعاذليني فيه لاسمـع ولا طيـع
لوكان مزبـور الردايـف بخيـل

هذا وانـا مابـه ادور المطاميـع
سبة وجـع قلبـي لبعـده اخيـل

خلي سكن فيحان وانا وراقريـع
واداوي جروحي بشـف المهيـل

ماغير احاول اضيع الوقت تضييع
اقرا لبـن لعبـون وبـن سليـل

ابي من ابو حجاج نصحٍ وتشجيع
بنصحك يخف الحمل لوهو ثقيـل

مهي علـومٍ يجمعونـه تجاميـع
ياصارت القسمات قسمك جليـل

ياسارح خلي ميع القلـب تمييـع
ذبيح انا السرجوف وخصرٍ نحيل

شربت انا من مر كاسه طراقيـع
سهوم عينـه يـم قلبـي اتميـل

طوعتني ياذابـل الريـق تطويـع
وانا احسبنـي شاطـر وامتحيـل

انعش فـوادي يانسيـم الذعاذيـع
من نفحته كـان الهبـوب متكيـل

لبيك كل الوقت من غيـر توديـع
مابانـت النجمـه وهـل الهليـل

مضمون قافي مذيلـه بالتواقيـع
ويالله بنـوٍ لـدار خلـي يسيـل

وختامها عسى تجـي بالتسانيـع
ابنطنـخ ولعقـال راسـي اميـل

ومصٍ من صافي ثمانه طراقيـع
يما يـروح مـن الفـواد الغليـل

لعينك والله اطوع الوقت تطويـع
مع النيـاق مخادنـات الرحيـل

وعلى المزاج اشرع البيت تشريع
غرب الحفر يمخيل البرق خيـل

على دياري ماعلى منـه والريـع
ربعي معشية الضيـوف الحويـل

على ربيع العوج خلج ومجاويـع
ولاني على ديار الخلايق وكيـل

قسمي وعزي كل عودٍ له جذيـع
شمـر و لالـه بالقبأيـل مثيـل

خصيمناغصبٍ على خشمه يطيـع
لو كان من فوق الجـواد متخيـل

وصلاة ربي عـد ماقيـل للبيـع
مانسنس الغربي وهـب الشميـل

على النبي ماصار عزاء وتشييـع
ومادلع الوالـد صغيـر العييـل

وهذه قصيده موجهه لقبلان الشراري لي عتق رقبه بدهان رحمه الله ولكن مالله كتب

دوك القلـم سطّـر مـن القـاف.. مضـمـون
انخـا بهـا زحـول الـرجـال.. الـشـرارات..

صيحة فزع.. نبي صدى الصوت.. تعطون
تـكـفـون يـاالاجــواد.. للـطـيـب حــــزات..

القـالـه الـلـي مالـهـا ضــرس.. و سـنـون
تــدرون لفـعـة شــر.. و ابلـيـس مـامــات

مهـي.. "علـى دحـلـي" علـشـان تطـنـون
و لا هي آخر القالات.. و يا كثر ما فـات..

نسعـى لكـم بالطيـب.. و الـنـاس يسـعـون
و انـتــم رجـــالاً.. تـدركــون الـجـمـالات..

قـبــلان لـــك الـنــاس بـالاســم.. يـنـخـون
و اسمـك تعمـم.. بالـدول.. و المحـطـات..

العـفـو عـــن الـمـقـدره.. امـــر مـسـنـون
يا مدوّر الحسنـى تـرى الوقـت مـا فـات..

اجــــارك الله.. يــــوم لـلــحــق يــدعـــون
عـلـى صــراطٍ فـيـه.. فــوزٍ.. و كـبــوات..

اذخـر دعـى عــودٍ.. مـعـه نــاس يـدعـون
و امٍ لـهــا فـــي تـالــي الـلـيـل.. آهـــات..

و اذخـــر دعـــى نـــاسٍ بـمـكـه.. يـلـبـون
يـدعـون لابـنـك بالجـنـان.. العـريـضـات..

و فـرضٍ عليـهـم.. للـشـراري.. يحـجـون
و عند الحرم.. ترفع.. أكف الضراعـات..

بدهـان دخيـل ابـوك.. و بالعمـر.. مـديـون
و اتـديـن لــك شـمّــر.. و تـغــز رايـــات..

و مـن مــات مـاهـو راجــعٍ.. لــو تغـلـون
عـسـاه تمـحـى عـنــه.. كـــل الخـطـيـات..

مـعــروف بالـدنـيـا.. و لـلاجــر تـلـقــون..
نـعـيـم مـــا يـفـنـى.. و طـيــب الـمـلـذات..

و كـم دمعـةٍ.. تسكـب فـرح يــوم تعـطـون
و كــم قـولـة نـعـمٍ.. بنـسـل الـشــرارات..

نومـس ربوعـك.. وا عسـى بـه تـفـوزون
هــذا مـيــدان المـرجـلـه.. و الـمــروات..

و انـتــم بـتـاريـخ الـبـطـولـه.. اتــعــدوون
صــيــارمٍ مــثــل.. الـحـصــون الـمـبـنـاااة

عرضـك نزيـهٍ يالشـراري.. و مصـيـوون
ذبـحـة شــرف.. مـابـه عليـكـم معيـبـات..

حكـم القـدر نافـذ.. كمـا السـيـف مسـنـون
مــا تفـيـد ذبـحـة واحــدٍ.. بــوه ***ـشـات..

تــرا القـضـى.. قـولـة عطـيـنـاه لـعـيـوون
شيـوخٍ نصـونـا.. مــن بعـيـد المسـافـات..

مـــا انـتــم زبـــونٍ.. لـلــردى لا تــــردون
مــا صــار مثـلـه.. قـالـةٍ.. لــه دعـايـات..

تــروا الـرجـال.. تخـلّـد الفـعـل.. هـلــوون
و يشهد لكـم بالعـرف.. بيـن الجماعـات..

قولوا عطينا.. طيب.. و الغيـض مدفـوون
و الاجــر.. عـنـد الله.. جـزيــل العـطـيـاات

عـلــى اللحـااوي..مـدخـلـه.. لا تـقـولــون
دخـيــل للحـيـيـن.. و قـبــور الامـــوااات..

قـومــوا بواجـبـكـم.. عــنــه لا تـخـلّــوون
تكفون يا شيـوخ العـرب.. و الشـرارات..

حطـوا بنـا معـروف.. و بالطـيـب تـجـزون
الـطـيـب.. بالـطـيّـب.. تـروهــا تـجــارات..

و صــلاة ربــي.. عــد مــا هــم يـطـوفـون
علـى النبـي.. اجــزل ســلام.. و تحـيـات..

**عبدالله 100** · 12-04-2009 14:13

تابع
الى متى وحنا نعيش بخنوعي

يالشمـري ماينفـعـن الدمـوعـي
ولو صحت باعلى صوت ياهل الحميه

يالزوبعـي كثـرة علينـا الفجوعـي
مصابكـم مـهـو بهـيـن علـيـه

من دمعتك قامـت تكسـر ضلوعـي
واقـول ويـن اللـي بهـم غايريـه

اجهر بقول الحـق ونـخ الجموعـي
مـن لانصركـم لا رحـم والـديـه

اجسادنـا تفـداك كلـه دروعــي
ولـو صنفوهـا بقولهـم ذي جنيـه

يهوم صدري وقاصرن عنك بوعـي
من دونكم صـارت حـدود اجنبيـه

من دونكم اعـوان بـوش ٍ تروعـي
سـدودٍ بوجـه مناصريـن القضيـه

تجمعـة مابيـن كافـر وشيـوعـي
واهـل الكراسـي والنفـوس الدنيـه

كبـار البطـون مشكليـن البلوعـي
جزم القـرود افضـل منهـم سجيـه

مافيـه بالميـه واحـد جـزوعـي
يقـول فعـلٍ تفعلونـه..... خطيـه

الى متـى وحنـا نعيـش بخنوعـي
من القهر نجـرع كمـا سـم حيـه

حكامنـا مـن اي جنـسٍ ونوعـي
اظن عـن التعريـف ماهـي غنيـه

إمـا سبـات نعيـش ولا ركوعـي
وحنا بفلـك ثالـث تـدور الرعيـه

كراسـي ماجـاه غيـر النـدوعـي
والكـل منهـم ماوثـق مـن خويـه

يسفـه جمعـه وللمعاديـن طوعـي
ظعنـا ولا نـدري منـيـا هـويـه

مرثيه بالامير الراحل طلال الرشيد

دوك القلم سطر من القاف وامليـك
من حر مابي عبر الفكـر ماجـاك

ياطير غلبـت الرجـال بمباديـك
تمثلـت قـول الطنايـا بسيمـاك

ياطير اختارك حـرٍ قنـص فيـك
ياطير والله حيـر العقـل مبـداك

ياطير حرمت العشا عقب راعيـك
هذا الوفا لكف الذي قبـل عشـاك

ياطير ياطير السعـد راح واليـك
وامصيبتك ياطير واكبـر بلـواك

راح الذي كفـه بكفـك ايماشيـك
باحساسه المرهف خذامنك واعطاك

باسما المعانـي والتـودد يناجيـك
ياما ملك حسك ومن طيبه اهـداك

حقك على من حضر موتك يداريك
وبقرب اميرك يحط قبرٍ لشـرواك

راح الامير اللي اكفوفـه تواسيـك
واخترت درب الشيخ والموت لباك

لو ينفدي ياطير بالعمـر ترضيـك
تاطا الصفوف من الطنايا للادراك

ولوهي مواجه كان الايـام تنبيـك
نسل الجنازه من العدا كان عشـاك

عم الاسى شمرومن كـان يغليـك
ياامير ياللي يرفع الراس طريـاك

الله عسى يامير من النـار ينجيـك
في جنة الفردوس يطيـب ملقـاك

ليت القدر من طلقة الغدر منجيـك
وليت القدر يسمح لمن كان يفـداك

حيثك عمود البيت والناس ترجيـك
يابو اليتاما طاب فعلـك ومسعـاك

ومرحوم ياللي كامـلات معانيـك
باعلى هضاب المجد شيدت مبنـاك

من اخوات نوره والله اللي معليـك
الوف ماتساوي مع الارض ما طاك

لو تنفدي ياميـر بالـروح نفديـك
على المكارم والي العـرش قـداك

لك فرجةٍ مارجعـه دمـع ناعيـك
وختامها ماسُطـر القـاف لـولاك

وصلاة ربي عد مـا مـدة ايديـك
على النبي اعداد ماقـص مسـواك

خبر عاجل

جانا خبر عاجل جديد على التـو
طازج من الساحة مباشر وتـوه

شوهد اعلوج البوش بفعله تمـادو
ياكبره حتـى بالرجاجيـل سـوه

اللي تعشـو فيـه واللـي تغـدو
وطيت أعراض العرب قهر وقوه

عاثو فساد والعرب طفو الضـو
يـا علـةٍ محـد تأمـل ابـروه

فرات ودجله بابخس السعر بيعـو
تبت يد الخايـن مرافـق عـدوه

انا وجاري وجار جاري تواطـو
وش قصت الخاين يمثـل سمـوه

زعما العرب بالبيت الابيض تربو
وش يصلح اللي لنصارى غـذوه

المايـده خنزيـر وللخمرشربـو
وكل المسارح لطف العرب جـوه

بالحان جكسون والحثالـه تغنـو
ويملي لهم الواجب نخوه وخـوه

أهل ال****ه للخسيسيـن جـرو
كيف الشرف باعوه ونسو المروه

وش عذرنـا لحفادنـا ياتمـلـو
تاريخ اسود ما ينومـس قـروه

ما يرحم التاريـخ اقـوام هانـو
اعدادٍ بـلا عـده جثـث تعـوه

اقعد صلاح الدين قل تف واخسو
العقم احسن من سـلالات سـوه

ويالمعتصم لعوراتنا الناس شافـو
وعهدت عمر نسيت واعلن اغدوه

برائـه منكـم ولنـار طــردو
زعامـه بسـم الافاعـي تـروه

بسفل صقر وجيه العماله تشـوو
انفض اغبار الدنس بنسف العبوه

واغسل ادران اللي علينـا تجنـو
بعواصف يسابـق البـرق نـوه

وتجاهل الي عن المكـارم تخلـو
ولا يجتمع دينان بـرض النبـوه

.مبايعه للي عـن الخـط شطـو
في صيحةٍ ترفـع بالاقطـار دوه

نعلـن برائتنـا وعنـا تنـحـو
تخسـا وجـوه بالغـذاره تشـوه

وعلى النبي بختام ما قلت صلـو
عـداد خطـوط بالطبيعـه تلـوه

الخروج عن المالوف

ابـسـأل الصفـحـات عـــن كـلـمـة الـــذوق
كــــان الـمـضـايـف عـنـدهــم يـاهـبـونــه

امسيـت اديـب واصبـح الصبـح مسـروق
مــــن يـــــورد الامــثـــال لا تـسـفـهـونـه

وشـنـوح منـهـو طـالـب الـحــق مـحـقـوق
بــإمــلاء شــــروطٍ جــايــره تـرهـنـونـه

ياصـار رواق البيـت مــن قـبـل مشـقـوق
شـــــقٍ تـــوســـع لـيـتــكــم تــخــرزونــه

مـانـي منـافـق ولا تـربـى عـلــى الـبــوق
وخـــارج عـــن الـمـألـوف لاتـجـرمـونـه

عطني عسل واعطيك انا الصاع مطبوق
والـقــيــح لــيـــت رفـاقــنــا يـجـرعــونــه

عـلــى الـبـذائـه سـابــق مـانــت مـسـبـوق
والــلـــي تـغــنــى بـالـغـلــط تـشـكـرونــه

بضاعة فسـاد ليـه تعـرض علـى السـوق
اردى الـبـضـايــع نــاســنــا يـمـدحــونــه

خـربــت بـــابٍ بـالـهـزيـلات مــطــروق
اشـــوف دروبــــك شــايــكٍ يـزرعـونــه

وعــن الـغـلـط تعـوضـنـي خـــوة الـنــوق
مــــــع الـنـشــامــا بـالـفـيـافــي زبـــونـــه

يتابع

**عبدالله 100** · 12-04-2009 14:14

هجينيه

جلاده 2009

دهورني الله مـع المقـرود
اللي سبـا الحـال مافـاده

بأول شبابه صغيـر نهـود
لواعنـا القلـب واجهـاده

اموت ياسلهمـت بالسـود
عـدي علـى نـار وقـاده

ادومبي القـاع يالمجحـود
يعـل عشرتـك مـاعـاده

ماترحم العاشق المسـرود
رجله على الرجم معتـاده

اطرق على بابك المسـدود
غـلاك ماينفـك طــراده

قمت احتري يومي المشهود
قرب الاجل حـان ميعـاده

حمدان ايصل نعيم العـود
اللي مثل وصـف جـلاده

يادرهمت والنقـا مـردود
يزهيبـه الطـوق وقـلاده

اعيـذهـا بالله المعـبـود
ياجت مـع الشعـل وراده

تشوش ياركبلـه المشـدود
من السطـر تقـل هـداده

يازين زولـه تقـود القـود
بعلـو فيـحـان مــداده

لادود مـن يحسـده لادود
حـظ الصيايـد ماصـاده

عسى الغضي يفهم المقصود
الفـاتـنـه ليـبـهـا راده

والله مااذخر عنه مجهـود
لو زاد سومه على حـداده

نحاني عنكم قليـل الـزود
ونفسـي عيـوف ونقَـاده

محدود عن شوفته محـدود
لو حاربت عينـي ارقـاده

صبرٍ صبرته مهو محمـود
ولا عيـن الخيـر قصـاده

عدي عن العافيه مطـرود
علي اصروف الدهـر زاده

مظهود من سبته مظهـود
كانه عـن الحـال نشـاده

الله بيـومٍ يجـود الجـود
يحـط كفـه لـي وسـاده

في سنة الله منـا مـردود
مع نهج الاسـلام واعبـاده

صح النوم

يقـول مـن عـدى بـروس الطـوالا
فـي شرقـي الامـنـح طـويـلٍ تـعـلا

نـزال عطـن الـبـوك ودن الــدلالا
ياشوق مـن قرنـه علىالمتـن فـلا

اللـي جبينـه مثـل وصـف الـريـالا
بنـت الزحـولـه ملحقـيـن المـخـلا

من روس جمعن يشربون الزلالا
رجالـهـم عـــن واجـبــه مـاتـخـلا

لصـديـقـهـم دمــاحـــتٍ لـلـخـمــالا
فضلان حمول الخيل زبن المجـلا

حـزامـي ليـامـن الـعـدو اسـتـزالا
قصيـرهـم ارجــال الدويـلـة تـعـلا

لجارهـم يـامـا رفــو مــن خـمـالا
مـدلـلـن لــــو كــــل يــــوم يــــزلا

حمـولاٍ يحملـونـه تظـيـم الجـمـالا
بـعـال المبـانـي مـارضـو بالـمـذلا

وعلومهـم تحكـا جنـوب وشـمـالا
تـاريـخـهــم مـــــدونٍ بـالـسـجــلا

وجيراني اللي مـن كـرام السبـالا
امدلهـيـنـي عـــن خـلـيـلٍ وخــــلا

دالـه ومستانـس بـوسـط الـحـلالا
مـعـظـم نـهــاري لـرعـايـا تــمــلا

واقــع صحـيـح ولاتـخـيـل خـيــالا
بالحـر وعـدي ساكـنٍ وسـط فــلا

نتـلـي هــوا ذيــدان صـفـرٍ جــلالا
ولاسعـلـنـا عــــن نــجــومٍ تــــدلا

بالقـيـظ ماشـقـنـا لـنــوم الـظــلالا
ولاهـمـنـا غــــروٍ عـلـيـنـا تــغــلا

وشعاد لو تزهـي بحسـن وجمـالا
يعوضعنـه ذودٍ عـلـى العـقـم فــلا

واليا مشى كـردوس ماهـي تتـالا
ولاقــيـــل طـيــاحــه بــعــيــدٍ اولا

نشـرب قــراحٍ ماشربـنـا الثـمـالا
وان غـبـرة لابـــد مـاهــي تـجــلا

فـي صايـة المعـبـود رب الـجـلالا
محيي الهشيم الميـت بديـم وطـلا

اطلبه يعيـد الوقـت املـح بسـوالا
ويـقـعـد غـــرافٍ لـلـدلـي وتـمــلا

لـي طلبـتٍ ماهـي منـاوي اخـبـالا
تسعين عـام السيـف مغمـد ابغـلا

وين انت صـح النـوم جـم الهبـالا
كان الكنـب مغويـك والفـرش زلا

وصــلاة ربــي عـــد نـجــمٍ تـــلالا
عـلــى نـبــيٍ دايـــم ٍ مـسـفـهـلا

يامبرقعه الانبار لاتستغيثين

يمبرقعـة النبـار لاتستغيثـيـن
خلي عيونك عن عربنا معصوببه

يابنت ارجال(ن) بالشدايد صعيبين
بنت الدليم اللي علينـا امحسوبـه

ويابنت زوبع عمى عين الضديدين
وابنت تميم اللي عمـاره جلوبـه

وبنت الجنابييـن سقـم المعاديـن
ويابنـت امثلـث سنتـآ شنعوبـه

ويابنت الحارث كان شمرعزيزين
شيخ الطنايـا سمـح الله ادروبـه

أمرشحينـه لـو زعلـو كثيريـن
هذا ابن ضاري كان اشتدة خطوبه

بطل العرب في ثورته عام عشرين
انقلتـرا بكـاه بفلـم(ن) حكوبـه

ولاعربنـا خامدينـآ اوميتـيـن
ماعرفو مطلع شمسها من غروبـه

نداك والله هـز حتـى الشياطيـن
بس الريسـا المشكلـه مادروبـه

ماهم ابعالمنـا ولاهـم ابداريـن
حتى استنكار المجزره ماهرجوبه

اهبوو.. يخدام بـوش الملاعيـن
حتى العجم اموركـم مارضوبـه

يالعن ابوكـم برقـو يالسلاطيـن
شوفو اجثـث اخوانكـم مثلوبـه

والله خرجتو عن القيم وملة الديـن
اجهادكـم حقـآ عليهـم بـدوبـه

نبي انعرف باي الاحزاب راضين
اشياع بوش وزمرته وش لقوبـه

اسيادنا لوامـر بوشـآ امطيعيـن
ولمناصر الاسلام صارو اعقوبـه

على المواطن بالاوامـر شديديـن
حتـى الجهـاد وملتـه شككوبـه

مانتم على كراسـي الـذل باقيـن
ترو الخزايـن عندهـم برقوبـه

شربتو كاس الذل ولراس حانيـن
تاريخكم بصفحات سود رسموبـه

اسود وقاتـم ومظلمـآ يالردييـن
مايبهج صدر امترخه ومن قروبه

الى متى ياطالـب الحـق والديـن
ارض المفاسد بسيف خالد تجوبـه

غززززززززززززززززززززليه

سراي ظلما والجهيلي دليله

يا سيدي عفـواً اذا منـت ناسـي
انت الجلالـه والسمـو والفضيلـه

ولك السعاده وفوقها تـاج راسـي
وانت الزعيم إجباري امرك نشيلـه

أرفق علي لا تصير ظالـم وقاسـي
منهو؟ يتشفى فـي مغثـة خليلـه

خذ من هوى ليلى لقيس اقتباسـي
عالج امور الحب بأحسـن وسيلـه

خذ نصف جور الحب وبعض المأسي
تر العـدل بالظلـم اكبـر فضيلـه

اذكرك كل الوقـت مانـي بناسـي
حتى وانا بالفـرض طيفـك نخيلـه

يبو ثمـانٍ كنهـن نضـم ماسـي
والخـد بـارق مزنـه مستخيلـه

الصـدر نابـي والفـواد متواسـي
وسحري وذبحي بالعيـون الكحيلـه

والردف شدٍ حيل بخمسة حواسـي
والنار كنـه فـي مثـان الجديلـه

اهـم فيهـا ويمنعـن قـو باسـي
اخشى السوالف والعلـوم الرذيلـه

مهي قريبه مـن فريقـي وناسـي
عذبت نفسـي والمسافـه طويلـه

عفيفـةٍ ماعاشـرت كـل خاسـي
يالله عسى الناتج تصيـر الحليلـه

واشف من خمر الشفاتيـن كاسـي
واقعد احسـب الـف ليلـه وليلـه

لوماملكت من الدهر كـود فاسـي
وسادي كفه والغطـا مـن شليلـه

وما حصل يخليف اعلـن افلاسـي
اليا خسرت النفـس يدنـو رحيلـه

إلشوفتـه يخليـف زاد الحماسـي
سـراي ظلمـا والجهيلـي دليلـه

نجهر انا ويـاه طـول الحساسـي
ياصـار بالميـدان خيلـي وخيلـه

إلبس ادروع الحرب وخوذه وطاسي
يافزعتـي كـان المـوارد قليلـه

مثلـك حزامـي مايفيـد اللحاسـي
لشوفتـه مامـن وسيلـه وحيلـه

من لامني بالزيـن حـدر مداسـي
مـدور الغلطـات انــا قبيـلـه

يتابع[align=center][/align]

**عبدالله 100** · 12-04-2009 14:18

[align=center]
بشرا فيحان

عصر الاحد نطيت عال الشواهيق
رجم (ن) بشرا فيحان لمثلي يروقي

يـمـا رقـابـه مـــن اسـبــور ومخـالـيـق
عـسـى عـلـى ديــاره تـلـوح الـبـروقـي

تمطـر علـيـه مــن العـشـاء لتشـاريـق
مـــن مـدلـهـم رادم (ن) لـــه طـبـوقــي

وتــربــع الـدنـيــا وتــزيــن الـتـوافـيـق
ويسـتـر خـاطــر مـــن حـلايـبـه نـوقــي

صفر (ن) غلاهـا لاجـي(ن) بالمعاليـق
مراح (ن) قديم غرسة (ن) له عروقي

مالـفـقـت مـــن كــــل ذود(ن) تـلافـيــق
متـكـامـلـه عــلــى مــزاجــي وذوقــــي

مـمـشـاه عـجــل وياركـبـلـه مـطـافـيـق
قــــدام مـقــهــوره تــغـــاور فــروقـــي

إمـرواحـهــا مـاسـوقـوهـا الـمـلاحـيـق
يـاجــاه راع الـصـنـف لمـثـلـه تـلـوقـي

ولاجـمـع اطـرافـه طــوال السمـاحـيـق
ولالـقـي ذهيـبـه خـامــل(ن) بالفـلـوقـي

ربـيــع يـجـمـع عــاشــق بالمـعـاشـيـق
ويـجـيــك مـنـهــو للـبـشـايـر يـسـوقــي

الصاحـب الـلـي نـايـف(ن) بالمخالـيـق
مــن متعـبـي نـبـي نتـقـاضـا الحـقـوقـي

الــلــي مـشـانــي حـبـهــا بالـمـطـابـيـق
الله جـعـل مــن سـبـة الـتــرف عـوقــي

كـبـلـنـي بـحـبـالـه ولامــــن مـطـالـيــق
مستـاسـر(ن) وانــا لاســـره شـفـوقـي

صافـي ثـمـان وزاهــي(ن) بالمخانـيـق
لــه فــن بالتـرويـض زيــن الـطـروقـي

ابــو نـهـود فـــوق ظـلـوعـه مشـاقـيـق
متـمـرس(ن) لقـلـب المـولـع سـروقـي

عـيـن اشـقــر متـحـفـز(ن) للمطـالـيـق
في مخلب(ن) ضار(ن) لقص الحلوقـي

ولـيـا نـظـرة الــردف اسـكـر ولا فـيــق
ويـهـيـم فـــي بـحــر غـرامــه خـفـوقـي

كرهة ممشـا الغـرب ممشـاي تشريـق
غصـب الـقـدم عـلـى اتجـاهـه يسـوقـي

امشي ولا ادري دون فكر(ن) وتبريـق
هـــاوي ولانـــي بالـمـحـبـة امــروقــي

صـافـي ومعطـيـهـا عـهــود ومـواثـيـق
يامـشـغـلـي حــــذراك بــالــك تـبــوقــي

وصـــلاة ربـــي عـــد مـــادار تـحـقـيـق
عـلــى الـنـبـي اعــــداد نــــو يـسـوقــي

مرثيه بالشيخ زايد بن نهيان

عطنا القلم يا شوق زاهي الدواوير
مرثيـةٍ حـقٍ علينـا نظمـنـاه

نبي نعزي نفسنـا بزايـد الخيـر
لو العـزا مايعيـد شيـخٍ فقدنـاه

مرحوم ياشيخًـا خذتـه المقاديـر
يالله عسى في جنة الخلـد مثـواه

ومجار بالله من لهايـب زمهريـر
في جنة الفردوس يطيـب ملقـاه

حكم القدر نافـذ وللعمـر تقديـر
يوم الأجل محتـوم ولابـد تلقـاه

مايعود زايد لو بكتـه الجماهيـر
يومه محدد وامر ربـي رضينـاه

انـا لله ياكبرهـا مـن مخاسيـر
أنصح ولاة الأمر حنـا خسرنـاه

عوق العديم ولا يهـاب الطوابيـر
وحد شتات وأُسُسْ الحـق أرسـاه

كلٍ شهد لـه بالفضيلـه وبالخيـر
يعطي العطايا ولا يتأمل بجـزواه

يسعى لجمع الشمل ورص الطوابير
تغمـده ربـي برحمـة ونـجـاه

دوكم

دوكـم عناويـنٍ تصـدر للاخبـار
المنطقه الخضـراء دخاخيـن فوقـه

سمعوبهـا دوة صفـارات الانـذار
مـا فكتـه قـوات بـوشٍ وطوقـه

ماهي بخضرا واسمها قصف الاعمار
القاعـده لــه المنـايـا تسـوقـه

جوها رجـال مايهابـون الاخطـار
قذايـف الهـاون تشابـه بـروقـه

رفعو رايات العز في وجه الاشـرار
بسـم الله اكبـر اطلقولـه اسبوقـه

من تورا بورا استلهمو نصر الاخيار
مع استعمال البوش ارض محروقـه

خلو عليهـم السمـا والوطـا نـار
وعميلهـم نرجـو مـن الله يعوقـه

لابـد مـن يـوم يوخذبـه الـثـار
عميل بـوش جلستـه مـا تروقـه

وش عاد لو هلهل على ذبح الاخيـار
المـر اللـي ذاقـوه لا زم يـذوقـه

يطلق علـى مثلـث الخيـر فجـار
متأمـلٍ اشبـاح بــوش تعـوقـه

اهـل الفلوجـه لقبوهـم بالانصـار
افعالهـم مـن قـال مسلـم تشوقـه

وتر قولة الارهاب مهي لهـم عـار
من ارهب عدوه جته كامل احقوقـه

لابد مـا تمضـي وتـدور الادوار
والشمس عقب الغيم يصفي شروقـه

اهل القيـم والديـن ابـلاد الانبـار
الله اكـبـر رافعـيـن خـفـوقـه

عسى عليهـم دايـم الخيـر مـدرار
ويجنون من زين المنابـت عذوقـه

وضع انبطاح

قال الذي مـن جـور الايـام قاسـا
وتجرع المر لحظـة جوهـا شيـن

وفصل علـى قـده مقـاس الباسـا
وعشنا السعـاده بالمغـرات زاهيـن

ولاطا على جرف هيـار وخفاسـا
اقطف زهر زملوق ورد ورياحيـن

مهما اجتهـدت ايامهـا مـا تواسـا
تصفي معك لحظات وتستافي الديـن

امـرٍ غريـب ولاقوتـه السيـاسـا
هذا التعجب ناضعـه بيـن قوسيـن

ومهما فعل مـن كـان قـوي باسـا
لابد من الطيحـه ولـو بعـد حيـن

العبره فـي صـدام بعـد الرياسـا
امـحـدد ويحاكمـونـه رديـيـن

راحـت بطـولات تثيـر الحماسـا
تصفق له بالشارع ألـوف وملاييـن

كـم واحـدٍ غنـا بفعلـه وهـاسـا
بطل العرب صدام عـاش لفلسطيـن

تاج على الهامـات للعـرب طاسـا
تاريخ شاهد رغـم انـوف الذليليـن

من عقب سيف العرب شفنا انتكاسـا
عشنا بوصمة عار وبالذل راضيـن

واحسرتا نجرع مـن الـذل كاسـا
على يدين البـوش وأذنـاب لاجيـن

ابنوك المراجـل اعلنـت بالفلاسـا
وضع انبطاح انعيش قطعه وخاسيـن

حتـى المناهـج غيـرة والدراسـا
آمنـا بالله ياخلـيـج السلاطـيـن

خميس انـا قدمـت ورقـة قياسـا
هذا اختبـار لقدرتـي كـم تعطيـن

دقـق معـي الوقـت فيـه إلتباسـا
من يستر السوئات نلبـس وعاريـن

اعرف ابو صلفيق قـوي المراسـا
جملت فواصل وين هي فضخت العين

عقب هذاك اشـوف مامـن حساسـا
هي واضحـة وإلا نـدون براهيـن

تقول هـون ماعلـى النفـس باسـا
اقـول كلمـه تحتهـا حـط خطيـن

لك قـدرة الاشبـاح بتسييـر ناسـا
والكوكب الأحمـر تعليتـه اسنيـن

مـن معرفتكـم نقتبـس اقتبـاسـا
وختام صورة حمدهـا قولـة آميـن

دقت

دقت نواقيـس الخطـر يالجهيلـي
وتر كل نـاسٍ تتجـه يـم ناسـه

صفي ابصف اللي يداري الزميلي
من منطق علم المعرفـه اقتباسـه

مثلك عسى ياخليف عمره طويلي
اعطيتني التوجيه مثـل الدراسـه

ولاهان مشرفنا بهرجـآ جزيلـي
في منطقه يفرض علينا الكياسـه

وذيبآ تسمى في شـراف يعويلـي
قوله بـلا تعليـق شفيـت كاسـه

أوردة من دار الحديـث ابسبيلـي
وكلآ يفصل من الملابس اقياسـه

ولي منهجـآ ماغيـره ياعميلـي
لو قلتلي اتـرك امـور السياسـه

راعو المجازر وحكمولي ابقيلـي
تمارس على الاسلام بكبر شراسه

شوفو الحريم تصيح بصوتآ طويلي
وتنخا العرب ياناس باعلى حساسه

ياشفت لطـم اخدودهـن ياغليلـي
تذرف ادموع اللي ابصدره حماسه

والحصن يميز صوتها بالصهيلـي
والهون دايم في حساس البساسـه

الفعل عـزم ولسيـوف الصليلـي
ومن نام بالخط كل من جاه داسـه

اجهر ابقول الحق وربـي وكيلـي
كم عام وحنا نعيش وضع انتكاسه

ونكان قولي كـذب هـذا شليلـي
احكم على من زل في قطع راسـه

من ناتـج الهجـان دوكـم قليلـي
ومن مدلي نيره نجازيـه ماسـه

تبنا وهونـا وطويـت الصميلـي
عن قولة تفآ في وجيـه الرياسـه

هذا زمانـآ يفـرض المستحيلـي
كثر النفاق وقـل بالنـاس باسـه

طفل الوفاء

صــــــدفـــــــه قــــــريـــــــت لـــصـــاحـــبــــي يـــــــــــــوم الاثــــنـــــيـــــن
ابـــــــــيــــــــــات شـــــــــعــــــــــر والــــمـــــعـــــانـــــي ثــــمـــــيـــــنـــــه

عـــنـــوانــــهــــا طـــــــفـــــــل الـــــــوفـــــــا بـــــــيـــــــن قــــوســـــيـــــن
صــــــــــــــــــح الــــــلــــــســـــــان وســـــــــلــــــــــم الله يــــــديــــــنـــــــه

لابــــــــــــــــــاس يــــــاشــــــاكــــــي غــــــــــــــــــرام الـــمـــحــــبــــيــــن
عـــــــــســـــــــاه مــــــاتــــــجــــــري عــــــلــــــيـــــــك الـــغــــبــــيــــنــــه

اشــــــاطـــــــرك بــــالــــدمـــــع مــــــــــــــن مــــقـــــلـــــة الــــعـــــيـــــن
يـــــــمـــــــا تــــســـــيـــــل اشـــــــعـــــــاب رفـــــــحـــــــاء ولـــــيـــــنـــــه

ويـــــمــــــا تـــــحــــــن اجـــــبــــــال حــــــايــــــل مــــــــــــن الــــبــــيــــن
وتــــعـــــيـــــد وقــــــــــــــتٍ مـــــــاضـــــــيٍ مـــــــــــــــن اســـنــــيــــنــــه

يــــــحـــــــدث عـــــــنـــــــاق الـــــــحـــــــب بـــــــيـــــــن الــجــبــلــتـــيـــن
ســــلــــمـــــى واجــــــــــــــا ورمــــــــــــــان يــــبـــــســـــط يــــديـــــنـــــه

تــــــحــــــيـــــــةٍ مـــــــــــــــــــن مــــــخـــــــلـــــــص لـــلـــمـــحـــبــــيــــن
حـــــــصـــــــل وفـــــــــــــــاق مـــــــــــــــع جـــــمـــــيـــــل وبـــثــــيــــنــــه

بــــــــــــاقــــــــــــة ورود مــــــــــــبــــــــــــروزه بـــــالـــــريـــــاحـــــيـــــن
لـــــعـــــشــــــاق مـــــضــــــايــــــف ابــــــــحـــــــــروا بــالـــســـفـــيـــنـــه

عـــــزلـــــه مــــــــــع انـــــجـــــوم الـــســـمــــا يـــســـمــــو الـــحــــيــــن
الـــــــــــــمـــــــــــــاء والــــــحــــــســـــــنـــــــا إمـــــخـــــادنـــــيــــــنــــــه

مـــــجـــــاب الـــطـــلــــب فـــــــــــي جـــــــــــزرةٍ بـــــيــــــن شـــطــــيــــن
تــــغــــريــــد وصـــــــــــــوت الــــــمـــــــاء وغــــــيـــــــره ســـكـــيـــنــــه

دعـــــــــــوة صـــــديــــــق ايـــــفــــــوز بـــــــــــه قـــــولــــــو آمـــــيــــــن
صــــــــافـــــــــي ولاعــــــــنـــــــــدي بـــــهــــــرجــــــي ضــــغــــيـــــنـــــه

واخــــتــــامـــــهـــــا اقـــــــــبــــــــــل تــــــحــــــيـــــــات مــــغـــــلـــــيـــــن
يــــــــــــــا اصــــــــــــــدق صـــــــديـــــــقٍ عــــنـــــدنـــــا ذاخــــريـــــنـــــه

وسلامتكم

جمع القصايد أضافها للشبكة العنكبوتية العضو (الشميلي في شبكةشمر قطر)
فجزاه الله خير لحفظ ونشر هذا الموروث الشعبي .أبو يوسف
[/align]

**هايس الشمري** · 12-04-2009 16:39

ابو فهد..!

من اعلامنا.. و شاعر يتوشح باالجزاله..!

كل الشكر يا ابو يوسف و الشكر موصول للاخ الشميلي..

اخوكم

**الحيمري** · 20-04-2009 09:51

ابويوسف تسلم لنقل قصايد نداء بن دويهم والله يعطيك العافيه وصح لسان نداء
الدويهم يرفعون الراس ونعم

فيه قحطاني مسردي من عبيده مسوي ضيفه لمجموعه من القبايل وكان من الظيوف الشاعر الكبير رضا بن طارف العقبي و ممدوح الخزعلي ولد محمد الخزعلي المعروف بالكرم وكنت من المعزومين

يوم قلط الظيفه القحطاني قال بالحرف الواحد ونحن قالطين سمو الف هلا ثم الف هلا واسمحو لنا من القصور وانت ياشمر والله لو نقلط جميع اللي عندنا مانلحق كرم ابو حواس عايد الدويهم

رد عليه ابو عبيد مامن قصور ياقحطاني ونعم وكل الموجودين ردو نعم بك وببوحواس