السلام عليكم ورحمة الله وبركاته
يالله صبآح خير يالربع ياحلو النوم بدري تسيف تحس إنك آدمي وبشر <_ لاياشيخ
يالربع تصدقون بالله توي آدري إن سوالفنا وجلدنا للخرفان والبنات المصالات غاثن الكثير والكثير
المهم ماعلانا
عطنا وآحد باض وحليب كافي بآرد <_ ابوووك يالجو
هذآ يالربع بوه لوه واحدن نزغه أو بالاصح دعوتن على أهله
كل ماشاف له بنت يحسبه تغازل وكل ماشاف ولد يحسبه يغازل
وعنده خلق الله كله منتهيه زين امه وابوه سلمو منه
المشكلة وصلنا مرحلة ان البعض صار يفتخر بعلاقاته
وصار الولد يعتبر روحه مسوي إنجاز لا رقم بنت ولا تعرف على بنت عن طريق النت
وبعض البنات صارت تفتخر انه سفله
زي وحده تقول موتو قهر انا بكرآ مواعده خويي ههههههههههههههههههههههههه
اللهابو تربيتك صدق ان ابوتس ومتس ربوك تربيتن عوجآ
المهم هذا خوينا صدف أننا معزومين بالنسيم <_ صورة المهيني مسوي علامة النصر
ومرينا من عند سوق حجاب <_ ياملا السيل ياعجيزن غشتن باعت علي لي زبد من ايام جدتي عزباء وجدي مبلشهم
وزحمة الطريق وغثاء وهو بجنبي يراعي للسوق ماخذيت شوين الا هو فاتحن الباب ومطبتس
ياولد يافلان اللهابو هالمبسم وين تبي ولا يرد علي
وآراعي لزوله ياسبحان الله تقل طوير ماء وكريعاته وشميغه ياويسي ههههههههههههههههههه
وأنا أصفط وأدق عليه ولايرد يعطيني مشغول
تصبرت وقلت ياالله خلن انتظر توم كروز نبي نشوف تاليته
ماخذيت نص ساعه الا هذا هو يدق ولوه نهيت ويركض ويقول وينك وأوصف لوه المكان وهو يجيني تقل كريعات صخل
الا والله خويي بدون عقال والشماغ متلولسن برقبته وحدا النعول الله يعزكم ماهي بوه
وعوينته بداية زراق حمرا من البقوس ههههههههه
العلم يافلان وش بلاك
قال لاابد بس سوء تفاهم يالله امش امش بسرعه ويتلفت وله نهيت منفضخ قلبه ههههههههههههههههههه
عآد عيىا يعلمن وش صار بوه وماعلمن الا تو
يالربع تسيف ماسكينه الهيئه ومليخينه ومسطرينه
يقول ياخي قهرتني عيت تاخذ الرقم يوم جيت ابحطه بيده غصب وهي تصيح الا على
وقفت جيب الهيئه وهم يتطابقون
وأجي ابنحاش وانا انخمع بلي بسطه وهم يقمزون فوقي ومنين يوجعك ههههههههههههه
قلت يما غدت سبلتك تدرج ؟؟
وهو يراعي لي ويصد ياربيه مايحب هالكلام رقيق
آبشركم بادي الولد يعقل <_ يالله طلع بكفالة قبل كم يوم ويبي يتوب
عاد اللي حل السالفة يالربع شنوح خلق الله صارو يفتخرون برداهم وبذنبوهم ؟؟
شلون صارن بعض البنات يفتخرن بإنهن رخيصات ؟؟
أغلبنا إبتلاه الله بهالشي بس الشي الحلو إنك تعالج خطاك مو تستمر بهالشيء
يالربع انا ماأسوي نفسي مطوع بريده بس هذآ كلام العقل ماهو كلامي ولا كلام الشهوات والرغبات ,, ولا أنا طاقن مخي وقاضي علآجي مبطي بس مرات يشبك فيوز العقل عندي وأصير مؤدب
إذا الله إبتلاك بشيء حاول تستر نفسك وحاول تتوب مو تجاهر بهالشي وتفتخر إنك تسوي شي غلط ... أنتي يالبنت لاتحسبين الولد لاقالك ماعليك من كلام الناس انا احبك تحسبينه صادق .. كل اللي يبيه بنت تشبع رغباته وشهواته وفيه بنات يرضن بإنهن يصيرن كذآ لأنهن سآفـــ...ت
بعدين رآعي لوجهك تقل ممصع شيحه صم الله ع الفضل زين أهلتس يتغذون معتس ههههههههه
وأنت ياأخوي الزقرتي الرقيق<_ حلوه الزقرتي صح
تأكد انك زي ماسويت ببنات خلق الله رآح تشوف عقوبة هالشي بخواتك ببناتك
الله يمهل ولا يهمل
وثق تمام الثقه إن هالبنت ورآها رجال وعيال أجواد وأقل شي حط لهم إحترام بغض النظر عن بنتهم اللي ماصانت نفسها ولا حشمتهم
عن أبي هريرة –رضي الله عنه- قال: قال رسول الله صلى الله عليه وسلم: "كل أمتي معافى إلا المجاهرين، وإن من المجاهرة أن يعمل الرجل بالليل عملاً، ثم يصبح وقد ستره الله عليه، فيقول: يا فلان: عملت البارحة كذا وكذا، وقد بات يستره ربه، ويصبح يكشف ستر الله عنه".
توسدو إحترامي
رد مع اقتباس
المفضلات