كلوه نفر كويس

**ماجد** · 10-04-2009 19:39

انا اليوم قررت اكتبلكم موضوع
مع اني عارف بانوه لازم اعطي غيري الفرصة ليثبت نفسه لكني عجزت اصبر

المهم
اليوم رحت للبقاله ومريت ثلاجة البيبسي ولفت نظري شكل المرندا الجديد
على طول رجعت طعش سنه ورا
تذكرت ايام الطفوله والتنسيم << اقول طلع التيل الي بمخباك
وتذكرت اجرامنا بالعمال
اول كنا اذا شفنا الهندي مر بسيكل نلحقوه ونحط عصا بلكفر وشوف وشلون يطيح على وجهوه
ومره كنا حاضرين مبارة برى الديره طبعا المحترفين ماعندهم سياره وبما اني مشجع قوي خذيت ثلاثه معي بددسن الغماره << يازين ريحهم قبل المبارة
المهم يوم خلصت المبارة وحنا نمسك خط الرجعه لديره وقبل مانطلع من عندهم واحد من المحترفين الي معي حذفلوه هندي بقوطي شاني وهو يصكوه بظهر وصياح الهندي لياهلحين براسي << يعنني تأثرت
ياربع تسيف ماأبعدنا 10 كيلو الا امبير الحرارة مجمع الامبيرات حقات السرعه والبنزين وجايبهم عندوه من زود الحراره

ومره تولجنا هندي ساكن بالحديقه تخبرون من العمال الي ينظفونه
ياربع جميع انواع الطرطعان انفجرت عندوه
والمسكين مسكر على روحوه بالغرفه
المهم كنت بحالة استعداد وماسك بيدي الطرطعانه الي عليه صورت هدهد او مدري حمامه
وهو يولعه حدى المقرد الي معي وانا مانتبهت وهي تنفجر بيدي
المشكله انوه وقت عيد << الدب ماهموه الا المفاطيح

يوم طرت على هالسوالف وانا افوت ثلاجة الببسي وروح للكوكا كولا
وهو يطري علي واحد من العيال لغز لوه لغز عند شيبان
اللغز يقول ( فيه شايب حطينه بغرشة كوكا كيييييييييف تجي ) قاله باهلهجه
تسيف يالربع الرجل يطرد ويقوم من المجلس بسبة لغز
ونفس الشخص راعي اللغز فلقلوه هندي بغرشه كوكا

اويلي يالهنود مقرود من عاداهم

وسلامتكم

**مخآويه العـ ج ـآيز** · 10-04-2009 19:50

<< يازين ريحهم قبل المبارة

هههههههههههههههههههههه الله يهديك عصبن عنك هههههههههههههه فقعتن ضحتس ..

**عجايب بنت الشايب** · 10-04-2009 20:08

ماااااااااااااااااجد يكتب موضوع

او لا لا

اقول احجز اول كرسي

لأول فلاويه عروسه ترد على اطلق فلاوي عريس

>>> معاريس 2009 كووووووووووووووول مررررره

ماجد قسسسم تمنيت اكون مشرفه دقيقتين اثبت موضوعك وانزل من الاشراف

نياهاهاها

لي نكسه

تبرد قلبي

طحياتي

**εïз خزامى εïз** · 10-04-2009 20:27

ههههههههههههههههههههههههههههههههههههههه
ههههههههههههههه
اخييييييييرن موضوع ياهسوووووووب
اولا:
تستآهلون اللي جآكم لانكم شريرين
ليه ماسكين هالمساكين المغتربين؟؟؟!!!!
ووين المتعه ؟؟
<< طرى لها يوم انهآ صغيره يمزحون مع الشيبان والعجوزات ههههههههههههههه "اوب" الهنود
عشانهم مايعدون هههههههه
ثانيا:
المباراه بين مين ومين؟<< قرت محترفين ولا تدري وش القصه
ثالثا:
ليه تطول كذا ماتنزل موضوع
من دخلت مالك الا موضوع واحد
وهذا الثاني
؟؟؟!!!
لا عآد تعيدهآ عآآآد ...بلييييز
رابعا:
انت للحين شرير وتهاآوش الباكستانيه والهنود والا لا؟
اعترررف ههههههههه
....
هنا وعافيه عاللي شربته
موضوع فلآآآوي وذكريات حلوه
كل ابو دآيم رح للبقاله
ميــــــــــــــــــــــــــــــــــــــ ــــــــــــــــــــــــــــرسي مآجد....
مره شكرا

**هايس الشمري** · 10-04-2009 20:28

هههههههههههههه

اضحكتنا يا ماااجد..!

كل الشكر

**السنعوووسيه** · 10-04-2009 20:49

هههههههههههههههههههههههههههه

ايا المجرم

يعطيك العافيه يا مبدع

عاطر ودي

0

**ريال الفسحه** · 10-04-2009 20:50

اللغز يقول ( فيه شايب حطينه بغرشة كوكا كيييييييييف تجي )

مهو القلم ؟

**فتى البيداء** · 11-04-2009 00:35

ماجد الله يتوب علينا قل أمين .. رجعت الذاكرة لأيام العمال ..

مره من المرات كنا ندور بالشوارع ألي به عمال .. << طبعاً ندور عمال

نشري لنا طبق بيض ونجلدهم به .. الله لايواخذنا ..

مرة من المرات الفجر حنا مواصلين من البارح علشان هالغرض ..

ولا ذاك المصري قاعد بدرجة محل ..

توه صاحي من النوم .. << يحتري أحد يشغله باليوميه

وأنا أطلع له من الدريشه حقت الددسن وأقوله (أزيك ياباشا ؟؟ ) ..

وهو يتعدل الحمدلله أزيك أنــ ...... وأنا أتحماله وصكه بكالبيضه

وهو يغدي وجهه تقل خريطه .. ياحول ..

لكن المفروض أننا نتابع أعيالنا وأخوتنا لايسيأون للعمال علشان يعكسون صورة

الأسلام عندهم .. ويحسنون صورة أهل السعودية وتمسكهم بأخلاق الدين

فلو نظرنا إلى كم شخص أتى ليسلم وارتد من سوء معاملة المسلمين له ..

وكم شخص رجع لبلاده ولم يستفد شيء من مجيائه من حيث تأثيرنا

عليه من حيث تصحيح العقيدة ومن حيث تطبيق الدين في حياتهم اليوميه ..

فلو نظرنا للعمال وصلاتهم لوجدنا أنا أغلبهم لا يصلي ألا يوم الجمعه ..

يحسب أنه لتلبس وتطيب وصلى الجمعه يكفي عن كل الأيام ..

والبعض يجمع الصلاة فيصليها في أخر الليل .. لا يعترف بصلاة بوقته ..

أخيراً ماجد أنت مقل بالمواضيع مع أنك ظريف ..

وتقبل مروري ..

**حيل حليل** · 11-04-2009 00:44

اكوووووووووي اكووووووووووووي

لعنبووو بليسك يالجعص
مابغيت تكتب لنا موضوع يالنذل
وبعدين ياملى الجنة البارده ورى مامغطت موضوعك شوين
لاني غاسل يدي انك تنزل لنا موضوع ثاني
لنا شهر وحنا نشحذك تنزل وبالموت نزلت <<<<< وش علمي تقل احاتسي لي كرين

اما سالفة الامبيرات هذي كوم لحاله
احس كلهن قلطن عند امبير الحراره

ماجد تخبر شورتاتنا اللي مكتوب عليهن ميرندا بالهافمون
مسوين فيها مطقمين المرجج

ياحلو علومك يالعشير