غزل x غزل ..... عبدالمجيد الشمري

**عبدالمجيد الشمري** · 12-08-2010 05:05

اشتقت لك والشوق ياملعن الشوق
______ يركي على كبد المعنّى قزازه

الجوف كله تطلبك حق موثوق
______ والله ولا له دون لقياك عازه

إما تجين وينبض القلب ويروق
______ و إلا تعاف الجوف كل (الإجازه)

**عبدالمجيد الشمري** · 12-08-2010 05:10

هلابك يالعشير اللي ورود الكون تنسب له
______ هلابك ياغنى قلبي هلابك يا أجمل أحبابه

هلابك عد ما الخلفه عقيد القوم تحلب له
______ هلابك عد ما شدّت بيوت الطيب بأطنابه

فرحت بشوفتك فرحة رعاة الذود بالربله
______ يا أول عشق عايشته وحبيته مع أتعابه

حبيبي ناظر عيوني من غيابك غدت ذبله
______ حرام اللي فعلته بي ترفّق طالبك يابه

أنا مالي من الدنيا عشيق أنصاه وأتعب له
______ سوى قلبك .. ونياته .. وتفكيره .. وترحابه !!

**عبدالمجيد الشمري** · 29-08-2010 09:59

.

.

آخر رسـالـهـ //

يا بنت أنا جسمي نحل من غيبتك ردّي علي
_______ جفّت دموعي وانثنى عزمي عقب قو العزم

برتي بهقوة صاحبك يا أم السواير و الحلي
_______ واليوم توديعك لزم .. يعني لزم .. يعني لزم

ما عاد به علم صملي .. لو عادة القلب صملي
_______ ذود المصايب درهمت على الحشا ترزم رزم

قالت / تمهّل .. قلت أنا / ما باق بي كود مهلي
_______ قالت / تندّم .. قلت أنا / قلبي قوي ما ينهزم

قالت / وحيد .. وقلت أنا / ربي يخلي لي هلي
_______ قالت / تضيع .. وقلت أنا / بصعد على راس الحزم

وأقفيت عنها منتصر .. والقلب ( عزه ) ممتلي
_______ نادت . . و لا جاوبتها . . ( للعز ) كلّي محتزم

الله يحاسب من ملى قلبي و أنا قلبي خلي
_______ والله يعاقب صاحبي .. كانه على الصده جزم !!

.

.

عبدالمجيد

**عبدالمجيد الشمري** · 10-10-2010 06:10

احتمال انساك بس تدري متى ؟!

لا اتركوني ربعي بقبري وحيد ..!

**عبدالمجيد الشمري** · 03-01-2011 05:05

ليه كل الناس نامت .. الا أنا للحين صاحي ؟!
اااااخ من بعض الظروف اللي تشيّب بالحواجب

ما سهرت أسمع غنيّه وازعج بصوتي وآلاحي
انتظار اللي عشقته .. صرت أحسّه شي واجب !!

**عبدالمجيد الشمري** · 03-01-2011 05:10

سالفة عشقي معك ماهي عشق
_____ سالفة عشقي معك طيش وجنون

في خفوقي من فشق عينك فشق
_____ وفي عيونك سر تعذيب العيون

مدمن ٍ حبك لو انه ما نشق
_____ بودرة وصلك مشى الدرب امغبون

لو يُرش الماي في وجهه رشق
_____ ما صحى منك ولا هم يحزنون ..!

**عبدالمجيد الشمري** · 03-01-2011 05:12

صمدت محبتها .. تريدُ عناني
_____ فهربتُ مغرورا ً بفعل ٍ حصاني

لا تسألوني لما وكيف وربّما
_____ جنّ الفؤادُ فعشتُ يوما ً جاني

يا ربّ هذا ثلثُ ليلك قد مضى
_____ والماءُ يهطلُ .. والحيا أحياني

ان لم تجبني يا الاهي فانّني
_____ لن استحقُ مكانتي وكياني

ذهبت حبيبتي ربّي سقها راجعه
_____ فأنا بغيبتها بئيـسٌ عااااني

أبصرتها ذهبت وجئت لمرقدي
_____ والقلبُ منفجرا ً من الأحزان ِ

ربّاهُ لا تجعل مكاني موحشا ً
_____ فغيابها عنّي .. محلُ هواني

قد جئتها طربا ً فتهتُ بحبها
_____ فذهبت منفيا ً بعقر ِ مكاني !!

لم أدّخر شيئا ً ولم أستكثر
_____ انّي لمجنون ٌ بنثر ِ حناني

لم تدّخر شيئا ً ولم تستكثر
_____ حتّى قتلتُ مكانتي بلساني

هل يا ترى يدّي من اللؤم ِ احتست
_____ هل غامرت .. هل جفّفت ودياني ؟!

هل يا ترى حرمت عيوني منامها
_____ هل جازت الاحسانُ ..بالنكران ِ

وآ حسرتاهُ أتيتُ مرفوع العلم ..
_____ فذهبتُ مكسوووفا ً من الخسران ِ !!

**عبدالمجيد الشمري** · 04-01-2011 21:26

احفري بين المحاني وادفنيني
______ وش حياتي دون قبر ٍ في حشاك

وان بغيتي يا غناتي تتركيني
______ اتركي في خافقي جملة غلاااك

لو شعرتي بس لحظه في حنيني
______ ما تركتيني كذا .. ماشي وراك

ادري اني غلت روحي في يديني
______ من كلامي ما بغيت الا رضاااك

يشهد الله مابي الا حاجتيني ::
______ فلّة حجاجك .. معا قوّة وفاااك

لا تلوميني ترى اللي مبتليني
______ روحك السمحه وخوفي من حلاك

رحت فيها والمصايب تحتريني
______ كل ما هبهب على صدري هواك

ينشدوني كل ابوهم ويش فيني
______ ما دروا بانّي محلّق في سماك

غاب نجمي من يساري لا يميني
______ من يساري لليمين انا فداااااك

اعشقك عشق المشكّك .. لليقيني
______ عشق شهدك لك .. ولحمرة شفاك

ان قدرت اجيك .. والا فاعذريني
______ بعتذر لك .. لو يبكّيني خطااااك

هذي القصه .. وهذي مقلتيني
______ علّها يا بنت .. تثبت لك غلاااااك

عاد روحي .. وان بغيتي تتبعيني
______ هاتي الخافق .. وتفكيري معاك ..!!