غزل x غزل ..... عبدالمجيد الشمري

**عبدالمجيد الشمري** · 14-06-2010 03:46

آآآآه والدمعه وسط عيني تحير

____ ما تبي تنزل عشاااان تكفّها

تنتظرك تعود يا ريح العبير

____ والدموووع تغاااار لين تدفّها !!

**عبدالمجيد الشمري** · 14-06-2010 03:50

.

.

وانطفت كل شمعه .. من يدين الظلام !!

_____ غصب ما هو بكيفي انطفت يالخوي

جيت أدوّرك ضعت .. وما بقى بي كلام

_____ قمت اتمتم غميييضه كن ماني سوي !!

**عبدالمجيد الشمري** · 15-06-2010 02:14

انت واحد ما يفكر في مشاعر غيره !!

**عبدالمجيد الشمري** · 15-06-2010 02:33

قالوا : تحبه ..؟!

قلت :

أنا أمووووووووووووووووت به موت ..!

قالوا : طعنك ..!!

وقلت :

تفدااااااااااه روووووووحي !!

**عبدالمجيد الشمري** · 17-06-2010 03:41

الجادل اللـي عرقهـا يمـزج ( عمامـي بالخـوال )
لـو ترتفـع عنـي سمـاء أصعـد لهـا و أطولـهـا

يـا ليتنـي مـا شفتهـا قبـل العمـامـه والعـقـال
ما كان يـوم انـي كبـرت أرجـي سقـى هملولهـا

شفت الشقى مـن شفتهـا واعتنـت بالحـق الجـلال
وشلون أبوصف عرضها .. يا كيف أبوصـف طولهـا

مـن يـوم شفـت الظاهـره ردّدت : ( لله الكمـال )
سبحـان ربّ المسلميـن اللـي خـلـق مجدولـهـا

أسعى لهـا وأعنـى لهـا لـو تاصـل لحـد القتـال
وان متّ في صغـري فأنـا بيـن العـرب (مقتولهـا)

وان قالوا : أبعد يا فتـى مالـك نصيـب ولا مجـال
الحـرب ثـارت بالحشـا دقّـت عـلـيّ طبولـهـا

امّا مماتي دونهـا والحـظ مـال .. ومـال .. مـال
والا صـفـت لــي كلـهـا بجبالـهـا وسهولـهـا

رعبوبتي صفو المطر وأصفـى مـن المـي الـزلال
فخـر الأبـو فخـر الأخـو يـا كبرهـا بفعولـهـا

آخـر عشيقـه بالحشـا وأول عشيـقـه لا تــزال
وعـروق قلبـي كلهـا لا شفتهـا .. غـنّـوا لـهـا

ما أكذب ليا قلـت (البـدر) لا شافهـا يرجـع هـلال
وما أكذب ليا قلت (البشـر) لـو تشتـرط لبـوا لهـا

كم هيلـع ٍ لا شـد حملـه فـي عزيمـه قـال شـال
وان شافهـا .. يصبـح هزيـل ولا يشـلّ حمولـهـا

مدري علـى حـد الخيـال .. والا تعدّيـت الخيـال
بـس الوكـاد انـي أبـي كلمـه عجـزت أقووولهـا

محبوبتـي لـو شافهـا قيـس الـذي صابـه هـزال
مـا ضـم ليلـى بالحشـا ولا عـنـى لوصولـهـا

معشوقتي لو فكّـرت .. تصعـد علـى روس الجبـال
سااااح الجبل وأصبـح نهـر مـن داستـه برجولهـا

تلعـب علـي بملعبـي .. وأنـا يراودنـي سـؤال :
وشلون جابـت قولهـا !! وشلـون جابـت قولهـا ؟؟

أخلاق .. دين .. وزود علم .. وحلونه .. مع طيب فال
في شيمـة ٍ وسـع الفضـاء نظـرة حيـاء مسلولهـا

لا سلته .. صاب الحشا يااااما سبـا لـه مـن رجـال
هـزة سراجيفـي ولـع يــوم ان تـلامـع لولـهـا

أنـا ضحيـة سيفـهـا فديتـهـا عـيـن الـغـزال
تبطي ظروفي .. وان بقيـت ابعيـد مانـي حووولهـا

ان قالـه الله لاخـذه لـو تـاصـل لـحـد القـتـال
وان متّ في صغري فأنا بين العـرب ( مقتولهـا ) !!

**عبدالمجيد الشمري** · 17-06-2010 04:50

اليوم هذا غير عن كل الاياااام

من يوم ما شفتك وانا اعيش فرحه

خذيتي أحزاني وجبتي لي هيام

والقلب طاب بحضرتك طاب جرحه

لا دام بعدك يا اقرب الناس لا دام

ياللي لبستي عن لغى الناس طرحه

تتعب معاك أوراق و أفكار و أقلام

ويطول معاك الشرح لا ردت شرحه !!

**عبدالمجيد الشمري** · 17-06-2010 04:56

الذين يشاهدون الموضوع الآن: 2 (1 من الأعضاء و 1 زائر)

.

.

انا مدري وليه اغليك وليه امشي على شانك
طلبتك شوف لي صرفه ترى مليت من بعدك !!

زائري

انت المطر وانا الزرع

فلا تبخل ..

محبك

**عبدالمجيد الشمري** · 17-06-2010 05:04

يا هجوسي غردي من شان خلي
لحنّي جزل المعاني و اطربيها ..

جادل ٍ .. لا شفتها ينزاح غلّي
وارتدي ثوب السعاده و أفتديها

كلني فدوة هدبها .. كل كلّي
جل ربي من هل الحسد ايحميها

**عبدالمجيد الشمري** · 17-06-2010 05:16

الذين يشاهدون الموضوع الآن: 3 (1 من الأعضاء و 2 زائر)

يا مرحبا ً بالامطااااااار .. صباح الورد والتمر الحساوي والحلا والهيل ..!

كم انا مشتااااااااااااااااااااق لرؤيتكم ..

ودي ووردي