تريليون دولار - لضعاف القلوب لا تدخلون
[align=center]
سمعنا في الأونة الأخيرة عن مجموعة العشرين وكيف انها سوف تقوم بدعم الاقتصاد العالمي
خلال السنوات القادمة بمبلغ ( 20) تريليون دولار .
الخبر يكاد يكون جديد علينا ،، مصطلحين قد لا نعرفهم ونحب ان نتعرف عليهم اكثر
اولا : من هم مجموعة العشرين ؟؟
مجموعة العشرين تتكون من الدول التالية :
الارجنتين واستراليا والبرازيل وكندا والصين وفرنسا
والمانيا والهند واندونيسيا وايطاليا واليابان والمكسيك وروسيا
والسعودية وجنوب افريقيا وكوريا الجنوبية وتركيا وبريطانيا
والولايات المتحدة.
والاتحاد الاوروبى أيضا عضو تمثله رئاسته الدورية والبنك المركزى الاوروبى.
اما كلمة ( تريليون دولار ) فنأخذها بالتدريج
( اللي فيه ضغط والا سكر والا تجلط في أحد الأوردة
نصيحتي لا يواصل معانا التقرير لأن فيه مشاهد تعور القلب
ولا ينصح الأطباء بمشاهدتها – وقد اعذر من انذر ) :
بداية خلونا نشوف الدولار :
^
^
يا حليلة دولار
والان خلونا نشوف العشر ألاف دولار ( 10،000) ونشوف حجمهاااا :
^
^
10،000 دولار
للحين الامور سهالات ان شاء الله
يا شباب ان شاء الله للحين الجميع يمر بحالة سليمة ما فيه اي مضاعفات ؟؟
الحين ننتقل لمستوى أعلى بكثير من الألوف نبدأ بالمليون دولار :
( خلوا الاسعافات الأولية قريبة منكم)
^
^
فقط مليون دولار
حلوين المليون دولار ما شاء الله كنها صندوق برتقال
ننتقل الحين لمستوى أعلى بعد ألا وهو ( 100 مليون دولار ) تجهزوا للإقلاع :
[
^
^
100 مليون دولار
لإحتياطات الأمان والسلامة ترى رقم الخط الساخن بالكويت ( 777)
بالدول الثانية يحاولون الاخوان يزودونا فيهم ،، للضرورة القصوى .
المهم اربطوا الاحزمة وراح نقلع لمتسوى أعلى من هالمستوى بالصورة بعد الان مع
( 1000 مليون = بليون = ملياااااااااااار دولار )
^
^
بس مليار دولار سهلين وحلوين
يا جماعه ما عليه حاولوا تتماسكون شوي
انا قلتلكم من أول شي ترى الأمر خطير
والصور شوي مرعبة ،، وراح تسبب ضغط وسكر وجلطات .....
اللي كمل ووصل للصورة هذي يستعد وويواصل الانطلاقة معانا
للحدث الأكبر وهو صلب هذا الموضوع وهو
( تريليون دولار أي ما يعادل 1000 مليار دولار )
يارب سترك .
^
^
وهذا هو ( تريليون دولار )
شوفوا اللي لابس أحمر كيف صار حجمه
يا جماعه واحد يتصل على الاسعاف لنقل المصابين في نهاية هذا التقرير .
اممممممممممممممممممم يعني 20 تريليون دولار هذي وش كبرها
في البداية :
دولار- افكر اشتري علبة بيبسي
10،000 دولار -اشتري سيارة
مليون دولار -اشتري بيت او اخليهم قسط بيت
100 مليون -اشتري قصر واسس شركة واشغل الجماعه معاي
مليار- لا بالله بسدد ديون الجماعه كلهم واسوي بدال الشركة شركات
تريليون -أشتري دولة بشرق أسيا والا في أفريقيا واخذ الجماعه كلهم ونسوي دولة
ونستقل عن هالناس ومشاكلهم ونتفرغ لأمور العبادة ونعين من الله خير
وكل يوم عشيات وغديات مفاطيح ( اعذروني من الصدمه صار تفكيري محدود )
تقبلوا شخابيط محدثكم واعذروني على فلم الرعباللي قدمته لكم
وان شاء الله يحوز على رضاكم
شامــ shaman ــــااان
[/align]
رد مع اقتباس
المشاركة الأصلية كتبت بواسطة شام
المفضلات