بسم الله الرحمن الرحيم
[poem=font=",6,,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يقول من يشفق على النوماسـي = ويمشي مع اللي دايـمٍ يمشونـه
ولايقبـل النمـام والبـلاسـي = ولابينهم في كـل مبـدا مونـه
ويشوم عن درب الردي والخاسي = واكيد هم عـن صفهـم ينفونـه
مع الرجـال الوافيـه مجلاسـي = اللي مباديهـم تجـي مضمونـه
مامنهم اللـي للمراجـل ناسـي = مسيرهم بالطيـب مـا ينسونـه
ويبعد عن الخـراط والهلاسـي = اللي مقام الطيب يجلـس دونـه
راع الردا يصبر على الافلاسـي = وجدواه ينظـر حاقـره بعيونـه
وامره ماهو بالمجتمع حساسـي = ويقبل شروط الـذل والمهونـه
به فرق بين السيف والامواسـي = واهل الوفاء تاريخهـم يحمونـه
افعالهم وامجادهم لـه ساسـي = وقصر العلا بايمانهـم يبنونـه
وانا خوي اهل الوفاء والباسـي = اهل العـزوم وسيـر ةٍ مامونـه
وهل الطولات ترفـع راسـي = والنفس بالخـوة لهـم ممنونـه
ماخاب من هو للوفاء غراسـي = اهـل الزراعـه دايـمٍ يجنونـه
والياحصل لاصحابهـم لولاسـي = صديقهـم بارواحهـم يفدونـه
اما ضعوف القـوم والاهياسـي = تاريخهم فعـل الـردا والخونـه
[/poem]
الشاعر/ سميحان بن فهد السويدي
رد مع اقتباس
المفضلات