" جات لِكْ بنتْ "

**عواد العلي** · 23-04-2009 21:58

المشاركة الأصلية كتبت بواسطة بتول آل علي

[align=center]

،

التصرّف بحكمة، لا يعني عدم التصرّف !

،

[/align]

[poem=font="Simplified Arabic,5,white,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

يا ابوي ظَهْر الليل ما يسنِد البنتْ = وآنا عَجاج الدّمع يسرق مَنامي
يا ابوي وانْ يرضيك حالي ليا هنتْ = واللهِ ما أرضى يِمسّك .. كلامي
وانْ كنت يا جعلي فِدا راسك أذعنتْ = آشبّع عيونك، لَوْ القلب ضااامي
وآحسّ لفح البرد لين العظم، وأنتْ = تشعِل لي كبريت الأمل .. من حطامي
داريت عنّك دمعتي لين ما .. بِنْتْ = هذا بحر عيني من الكبت .. طامي
شينة سنيني بس انا ما بعد شِنتْ = عشان خاطر حيّ ينبض أمامي
وزانَت أموري بس والله ما زِنْتْ= فستاني الضيقة و روجي صيامي
بنتِك أبوي و سمّني كيفما ( كِنت ) = اليوم انا .. ضاقت عليّ الأسامي
كفّيت يالغالي و وفّيت و أحسَنتْ = والحين أنخر لك وِفا من عظامي
لو أنكِسِر .. لكنّيّ لْجيرتِك صِنتْ = حتّى و لو ظهري من الشوك دامي
ولو شفتِني يا ابوي ع الآآآه أدمَنتْ = خمري صبِرْ، واشْرَبْه لآخر هيااامي
هذي أنا من بشّروا: " جات لك بنت " = إلين صِرت اتْحَرْث أرضي بْغَمامي!!
هذي أنا من بشّروا: " جات لك بنت " = إلين صِرت اتْحَرْث أرضي بْغَمامي!!!
[/poem]

،

مُحبّتكم أهل القلب

الدهور

الشاعره / بتول آل علي
( الـد هـور )
أمتطيت الشعر جمالاً

كلمات عذبة وقصيدة أقل مايقال عنها
راااااااااااااااااااااااااااااااائعه
كالبحر الهادر بأمواجك المتلاطمة
العاتية نعم و لا غرابة
فأنت سيدة الحرف و الكلمة
أتيت إعصارا
فبت زلزالا
لك مني كل التقدير

**سنجار** · 23-04-2009 22:26

ابيات جدا رائعه

ومعاني صادقه

صح لسانك

لو أنكِسِر .. لكنّيّ لْجيرتِـك صِنـتْ

حتّى و لو ظهري من الشوك دامـي

**المسافـر** · 24-04-2009 00:05

وآحسّ لفح البرد لين العظم، وأنـتْ
تشعِل لي كبريت الأمل .. من حطامي

داريت عنّك دمعتي لين ما .. بِنْـتْ
هذا بحر عيني من الكبت .. طامـي

شينة سنيني بس انا ما بعـد شِنـتْ
عشان خاطر حـيّ ينبـض أمامـي

ألدهور

دام إبداعك ...

**بتول آل علي** · 26-04-2009 13:10

المشاركة الأصلية كتبت بواسطة عبدالله الجعيثن

انا هنا معجب جدا...وعلى راسي هالرد

والشاعر/ الشاعره يبين في مثل هذه المواقف.

،

شهادة من استاذ بحجمك هي والله أجمل شهادة

شكرا يا ابو غازي

جعل مثواك الجنة

**بتول آل علي** · 26-04-2009 13:11

أخي الفاضل

ماجد علوان

و يخجل الردّ هنا في تجلّي هذا الحضور المخجل

شاكرة مرورك و نورك

أختك

الدهور

**ضحوي الاسلمي** · 26-04-2009 14:54

.

بتول ..
رفيقة الحرف منذ زمن ..
كنتي ومازلتي .. متجدده بروح الشعور والاحساس ..

باامانه ..
اوجعتي ذائقتي عندما قرأت :
هذا بحر عيني من الكبت .. طامـي .. !!

حسيبك الله ..

**مشعل العبدالله** · 29-04-2009 00:01

[align=center]
كفو يالبتول كفو

::
::
قصيدة رائعة .. من احساسها ، إلى عُمقها وقافيتها

البتول / بحق كان هُنا الشعر

دُمت ِ بشموخك

م . ع
[/align][align=center][/align]

**بتول آل علي** · 03-05-2009 01:48

استاذي الراقي

خميس صلفيق

كان مروركَ من هنا بلسماً و قراءتُكَ شفاء

تأكد أنكَ لم تمر من هنا مرور الكرام

ولي كل الشرف و الفخر بذلك

و شكرا لقراءتك الواعية .. جدا ..

أختك

الدهور