السلام عليكم ورحمة الله وبركاته
يالله حي الربع والربعات
يالربع أنا رجالن توه ردت لي روحي وابي امقس عليكم يما تموتون
هذآ منذ مبطيات السنون أي السنين وأنا جذع على أول طلعت سنوني بريء ماآعرف شي بهالدنيا <_ بس اسرق زقاير من رجل خالتي
وكانت السالفة تحديدآ في مدينة يقاله [ إبقيق ] <_ يقول الشاعر ,,,
ياأبقيق مايمدحتس من جاتس,,,, وأنا من اللي يسبونتس
عند جيران خوالي وغدن سفيه الله لايبلانا وإذا مسك الواحد يعضه يامع اباطه ولا مع بطنه
يتنقىا المكان اللي يدري بوه يبطي مايبرى ويغث راعيه <_ سفيه بس مواصفات أوربية
وتسلط علي من بد خلق الله جته فتره مايقول لأحد شي ولاتطلع جنيته الا اذا شافن
شككت بعمري قلت الله العالم ان بي مملكة جن يخلون جنونه يجوني
وهكاليوم العصير وهي تبلشن عجوزن لنا الا أروح للبقالة وهي تضيق بي الوسيعه
وهي اللي جنت علي هكاليوم الله يسامحه بس
تقول قدام الحريم ترن يوسف منخرع من فلآن <_ أويلي ياقضبته الحين ابيه ههههههههههههه
وأنا آنطنخ وأحط ثوبي بسروالي والبس الطاقية <_ لزوم الكشخه عنده تخبرون عرق ابو يمن
وأوقف عند باب الشارع وأدخل وأطلع كل شوين اشجع روحي آخر شي وانا انفلت ركض مابيه يقضبن <_ من السرعه ماأحس اني ألمس القاع
تخبرون إبقيق به نوافذ وطريق البقالة لازم اهزع مع لي نافذ يوم دخلت النافذ وابعدت عن منطقة الخطر
واطلع ثوبي واقوم الحس يدي وادهن الجذله <_ ينذخ عند له حساويه
وأنا أعد الفلوس وخاشن جو عيوني قالبات شكل دولارات اعد كم يبقىا لي منهن
الا والله الصيحه وأنا اراعي يمار هذآ الهديفه ول الله لايحي هالطله
تسيف يالربع سعابيله يدرجن ومستانس يقول مثثثثكت ياويلك ويطلع له اصوات مروحه
أبنحاش عجزت يالربع تسيف سيقاني عيين يتحركن يبن يضيعن مستقبلي
وهو يقمز علي وهي تغدي لنا غبره <_ أقرب مالنا بساسن بينهم ثآر
وهو يقوم لي جعير ابي أحد يحس على دم وجهه ويفزع ماحولك أحد خلوووووووووو الحاره
وهو قاضبن مع اذني يسحبن ويده الثانية يبي يرفع به يدي يبي يعضن مع أباطي <_ يالربع حقي تكفون لايروح
وانا لي جعير حتى اذاني من القهر والظيم قامن يطلعن دموع
وهو يفتح باب بيتن مقابلنا <_ يعني مقابل مكان المعركة
الا والله هذي ام فلان اعرفه واقوم انخاه تكفين لايذبحن السفيه افزعي
وهي تصوت لبناته ووغدانهم وعيالهم وهم يراعون لي ويقولون ياويله الحين ياكله واللي تقول ياويلي حرآم ذبح الولد واللي يقول عضه عضه يافلآن
يهود مابهم رحمه تسيف وغيد بريء يجعر وينخا ولابهم اللي فكن
وفجاه وهو يفكن وينحاش وأراعي لوه متهول وش بلاه انحاش
الا هذا ولد خالتي ومعه كم وغد وينفلتون وراه
وهم يجيبونه لي ويثبتونه وأقوم استعرض عليه حركات سنوكا <_ هو المشهور وقته
وأراعي لوه قلت ابي اعضه جيبوه ... وهم يسحبونه لي وأراعي لوه وأقوم اجسه ادور المكان الزين اللي يصلح للعضه <_ مغلن عليه
قلت مابوه ازين من اني اعض جبهته أبي اخليه وسم
وأقوم اتدلع وأحط على المكان سعابيل علشان العضه تجي زينه <_ اللي قهرن انه يراعي لي ويبتسم ولاهمه شي يالربع هههههههههههههههه
وأنا اهنش جبهته ياوالله صيحته اعوذ بالله يسمعه اللي برحيمة
ويوم عضيته وخلصت وانا اقوم عاد اتدلع اصبخه كوع على قمزات ماسواه سنوكا ايام عزه
وخليناه يروح وراحت الأيام .
والعلم بوه يقولون اشتكو أهل الحاره عليه وعلى ابوه اللي مدشره ويقولون القواله انه رآح لعنك
هذآ وصل اللهم وسلم وبارك
توسدو إحترامي
رد مع اقتباس
المشاركة الأصلية كتبت بواسطة يـــوسف
المفضلات