الشيء بالشيء يذكر
مرة من المرات مبطي أيام مراهقة الشيخوخة دخلت الشات في الياهو ولقيت لي وحدة تعزمني للمحادثة بلغة العلم سام قلت هذي هي صيد أسعد لامن شاف ولا من درى إلا الله وقلت ربي أكرم من خلقه يمكن يسامحني ويمكن أن يستر علي ويعفو عني وقلت ياولد على الأقل مار تكسب لغة ومن تعلم لغة قوم غتقى شرهم مثل ماثور الله الله.
المهم قلت هلو قالت هلو ماي سويت لوفلي فرند إستغربت من سرعة هالعواطف قلت هذولا والله الناس الطيبين هاو آر يو أند مي آي نو يور نيم ، قالت آيم فاين أند ماي نيم أز مارقرت ماودي إغثكم في لغتهم السوقية لغة قلت لها كم عمرك وهل أنتي متزوجه وهل عندك صديق فكان جوابها بأنها عزباء وتبحث عن صديق عربي يوم عرفت بأني عربي وقالت تحديداً أبيه من السعودية ماريد إلا سعودية بالعبايه مخفيه مابغى غيره مهما يكون المهم سعودية حجاب بن نحيت.
والله وانا افل الحجاج معها قلت ممكن تحطين لي صورتك قالت أبشر وهي تضع هكالصورة الي لوشافها الخميني قط العمامة مثل القمر قلت لا ياولد توه قام حظك وهات أشوف من هالزلخ والملخ وساعتين وهو يجي وقت الغداء قالت ممكن تنتظرني نصف ساعة اخوي جاي ولا يحب العرب وخايفة يشةف جهازي ثم يغير علينا أحلامنا التي ممكن أن تتحقق إن شاء الله.
قلت سمي ولاتبطين وأنا الله يجيركم أتسمر بالمكتب دون أن أذهب للغداء خايف تجي بعدي ثم ماتلقاني وبعد ساعة ولعة اللمبة مارقرت هلو هلو آه آي مس يو توماتش مارقرت هويريو ونت وآي يوم لفت مي الون.
قالت آيم سوري وتقوم تعتذر بنت الحلال وتخبرني بأنها مشتاقة لرؤيتي بأسرع مايمكن في بريطانيا أو في أي مكان في العالم ولا أخفي عليكم ذبحتها في الكذب والشلخ خليت نفسي ولاراغب علامة وحطيت لها صورة هاني شاكر أيام شبابه وشخلتها شخل .
ويوم جاء العصر يمار أبي الحرف وأخطيه من الجوع والتعب وصارة عيوني تدمع .
قالت لي ويش رأيك تروح تشوف وغدانك أحسن لك من هالخرطي يراغب وتقول هالشيء بالخط العربي الجميل ، تهولت قلت أنتي ويش بلاك قلبتي عربي قالت إستح على وجهك من هالكذب وهالشلخ وتاركن غداك على شأن الشات قلت أنتي من أنتي ياهاذي ؟
ياوالله أسمع الضحك والصياح في مكتب خويي قالوا تعال ياراغب نحن زملائك نتناوب على محادثتك نبي نشوف هالرزين أثريك خرطي.
قلت قولو ا والله قالو والله بعد تعال شف الصورة الي حنا أرسلنا لك شفها عندنا وأنا أقوم أبتسي وأتوب عن الشات من هاكاليوم إلى اليوم.
وسلامتكم.
رد مع اقتباس
المشاركة الأصلية كتبت بواسطة منصور الغايب
المفضلات