مشوار الهندسة
من طولت الغيبات جاب الغنايم
الي هووو أنا
لي اسبوعين بسوي ثقيله عليكم بس ماش مقدر الفله صارت ادمان ماله علاج
/
/
/
مساء / صباح ليله السبت الكئيبة الحوسة
أخبار علوم وعلوم أخبار
مبروك ابوماجد و يوسف على فك حصار الفله
/
/
/
سالفة له شوين حالصتن >> بعد صلاة العشاء مباشرة
رحت للمكتبه
البرنس حماده يبي هندسة يقول طالع شكل جديد..ابية
أخاف تجيبين وحده حقت رخوم ولا بنات
انا الي بختار وطبعا كالعاده ماتذكر اغراض المدرسه الا بليل
وهو له خميس وجمعه ماذكر ابد
اقلت يله اعتبروا انها رحله ترفيهيه وتروح الشله كلها ومعنا زود وغدين
>> بدوية تسحب وراعينها
المهم ونا عند مكان الأقلام أدور باركر حبيب العائله
ولا وغد يدور رايح جاي وجاي رايح ويهذي مدري وش يقول
ونا التفت بشوف الشكل ابو صوت يحوم التسبد كنه يطلسم
سبحان الله رجعت الذاكرة عشرين سنه واكثر بعد
ثوب مصفر يابس ووسخ وزبيريات والله اني شفت شطوب رجوله >> قازته صح لابسه نظارات رايحه للمكتبه
وشدوق شهب متشققه وعقال وشماغ حق ابوه ..
وقعد اتفرج علية وودي اصيح ذكرت الأيام الخوالي ..ذكرت يمكن جاي من الجنادريه
واقعد احوس بشنطتي بعطيه علك مستكه ولا حلاو مصاص
وهو يبوسم الأقشر
ويحتسي مدري وش يقول
ويرز جواله >> قلت يمكن توه شاريه وضايع عن اموه
واقرب له
قلت هات ياحبيبي تبي ادق على الماما ولا أحد من أهلك
قال آآآآآآآآآه حبيبي تسلمين ياخالة غزال
ويقول اغنيه ايام زمان لطلال جعله بالجنه ::لا لا يالخيزرانه
ويقلب عويناته >> يحاول يغمز هو ووجه بس مايعرف
>> بغيت اطاه واسوي جريمهوفيني ضحكه عاليه وقويه
ويطلع بكت الدخان >> يعني رجال يع على من فهمه هالشئ
قلت لاحول ولاوقوة الابالله
مالقى الا هالعجوز يغازلها يع يع مليون..
ولا حصيص جنبي مسبله عيونها
قلت: هيه وش تناظرين انتي ووجهك ..!
قالت:ماما شكله كيوت حيل
قلت:ترى عبودي احسن حال من ذا
وهو مصر يعطيني الرقم ورانا ورانا
وهو يرميه على السواق الي جنب سيارتنا
ههههههههههههه
:
:
مايستفاد من القطعه:
الوغدان مايذكرون الي تالي الليل أغراض المدرسه
صارت الهندسه الي يبيها البرنس هندسة(العقيلي)>> تذكرونها خخخخخ
الوغدان في الأماكن العامه لازم الاهتمام بهم وتوجيهم توجيه صح
أكثر من وغدين بتسوق بيصير لك شتات وانفعالات وحركات
اعط طفلك جوال بس مع متابعه بدون علمه
اخيراً صار الوغد ونا الكاشير اكتشفت انه حوووول >> يالبيه تكفون
/
/
/
ليله سبت سعيده للجميع
سي يو
رد مع اقتباس
المشاركة الأصلية كتبت بواسطة السنعوووسيه
المفضلات