سر حبي ليك غامض سر حبي ماانكشف

[غالب]

سلام ياجماعه
وشلونكم
عندي لي سالفتن أدري إنه خربطه مار أبي أقوم أكتب مواضيع ريتاج وحليل مهم أحسن مني

قبل يومني بثاني إبتدائي
كان عندي لي سيكل أبيض رامبو الله يذكره بالخير
وكنت مشهورن به
ماعمري سابقت أحد ألا أسبقه
وكل واحدن يقول لي عطن إياه أبي آخذ عليه فره
أعيي
تخبرون ذالن عليه
المهم وبيومن مروح
وأنا راجعن من المدرسه
وهو يجيني أكا الواحد بخامس ابتدائي
وهو من ضمن اللي طلبوني أعطيهم السيكل بس إني عييت
وهو يشقلن
وأنا أقوم وأقعد أخانق
وهو يصكن أكا الطراق اللي طشر مخي
وليا والله أنا ياخويكم أكا الحين لساني طويل
وألعنه وأشتمه
وأنا أقول له وش تبي بي ياخي
وهو يرد علي وقال ليه ماتعطيني سيكلك
قلت له ماني معطيك إياه
وهو يصوت لخويه
وضرب وضرب بي
وأنا أبتسي وأبتسي وأبتسي وأبتسي وأبتسي وأبتسي وأبتسي وأبتسي وأبتسي
يالعنبوهم تقل قلوب يهود
تسيف مارحموني
والله وعقب مادبوني
وهم يمشون ويخلوني منجضعن على القاع
وأنا أروح لأهلي وأنا أبتسي
وهي تمر الأيام
وبعد مرور حوالي سبوعين
وأنا أروح للدكان على سيكلي الحبيب
وأنا أودزف السيكل عند الباب وأنا أدخل
وأنا طالع وبيدي عسكريم وعصير ربيع
وليا والله السيكل
السيكل الأبيض
بس محله
يعني إنسرق<<تسيف<<
وأقعد أبتسي بتسين ولا بتسي واحد قالوا له إنه يبي يفطس بعد نص ساعه
وأنا أقوم أدوره أكا اليوم
ويمر ثاني وثالث ورابع يوم
تسيف حسيت إني اللي مع النمر الوردي
هذاك اللي خشمه طويل ودايم يلبس كوت بني
وعقب حول السبوع وأنا ألقا اللي صفقن أكا الحين هو اللي سرق السيكل
والله وأنا أفزع لي حول ثلاث عيال كبري أكا الحين من خوياي
وحنا نهجم عليه وحنا نحوسه
وأنا من كثر ماني منغث منه وأنا أروح آخذ لي كوب وأملاه تراب(مهو لوجيهكم) وأنا أقوم أغرف من التراب بأفمه
والله أنا أرجع على اللكزس البيضاء
قصدي السيكل الأبيض
وأسوي أكا الليله إندومي وأجيب لهم ببسي عايله وعسكريم اللي به خمس حبات بريال
وأعزم اللي ساعدوني
ونتعشا
ونلعب سوني
ونركب على حوض جمسن لجارن لنا يامي
وهو يطلع علينا ويدبنا بلنا شوحط لياما غدت ظهورنا زرق
وحنا نروح لبيوتنا وحنا نتصبر ماودنا نبتسي تخبرون حنا رجال عمرنا 8سنوات<اسم الله عليك<<
ويوم جا اليوم اللي بعده وأنا أطلع بسيكلي
وهو يجي الولد اللي دبن شارين له دباب
وأنا بسيكلي
وهو يطاردن
ومن شارع ليا شارع
وأروغ عنه
ويوم أبعدنا شوين
وأمشي مع وسط الشارع
والله وهو يصدمن بالدباب من الكفر الخلفي
وأنا إجي على التنده
وليا والله أنا بنص الشارع
وهو يجي راعي أكا الكابرس يفحط
وهو يقش السيكل وبغا يصدمن أنا واللي صفقن مار الله ستر
ومن أكا اليوم
ماأداني السيكل
صابتن عقده نفسيه
بعض المرات ليا قالوا سيكل أنز

وسلامتكم

واستلموا سلامي

[يـــوسف]

اياحبيبي والله ياسناعيسو فاضخين قلبك اللي عيونهم زرق

بس والله ماأدري تقل ماخشت مزآجي انهم مخطين عليك كذآ بدون سبب


ننتظر ريالوه يعلمنا بالسبب الصحيح

وهو يطلع علينا ويدبنا بلنا شوحط لياما غدت ظهورنا زرق

وبعذر تسبد تسبدوه ههههههههههههههههه
عاد الحين من الوناسة تلعبون بسيارة الرجال



الحمدلله على السلامة وعلمن وين رآع الكابرس نبي ناخذ حقك


توسد إحترامي

[غالب]

اياحبيبي والله ياسناعيسو فاضخين قلبك اللي عيونهم زرق
زرق وخضر وأحيانا فضيات

بس والله ماأدري تقل ماخشت مزآجي انهم مخطين عليك كذآ بدون سبب
ياولد لاتدقق


ننتظر ريالوه يعلمنا بالسبب الصحيح
أوه ياملا الريح ياريالوه




وبعذر تسبد تسبدوه ههههههههههههههههه
عاد الحين من الوناسة تلعبون بسيارة الرجال



الحمدلله على السلامة وعلمن وين رآع الكابرس نبي ناخذ حقك

يسكن فوق الجبل

توسد إحترامي

هاته
دوك
استلم سلامي

[ندووو]

وأسوي أكا الليله إندومي وأجيب لهم ببسي عايله وعسكريم اللي به خمس حبات بريال
وأعزم اللي ساعدوني
ونتعشا
ونلعب سوني
ونركب على حوض جمسن لجارن لنا يامي
هههههههههههههههههههههههههه


يازينك اخرتها تعزم على آآآآآآآآآآآندومي
وسوني بعد



يس سولافه جونان


تحياتي

[غالب]

وأسوي أكا الليله إندومي وأجيب لهم ببسي عايله وعسكريم اللي به خمس حبات بريال
وأعزم اللي ساعدوني
ونتعشا
ونلعب سوني
ونركب على حوض جمسن لجارن لنا يامي

هههههههههههههههههههههههههه


يازينك اخرتها تعزم على آآآآآآآآآآآندومي
وسوني بعد



يس سولافه جونان


تحياتي

إيه سوني
ليه عندتس إعتراض
لا شكلتس مهو عاجبتس السوني

والإندومي وش به عاد تريه دخل موسوعة غينيس لأنه أسهل أكله بالعالم<<وززز طعععع<<<

واستلمي سلامي

[ريوف]

والله وهو يصدمن بالدباب من الكفر الخلفي
وأنا إجي على التنده
وليا والله أنا بنص الشارع
وهو يجي راعي أكا الكابرس يفحط
وهو يقش السيكل وبغا يصدمن أنا واللي صفقن مار الله ستر
ومن أكا اليوم
ماأداني السيكل
صابتن عقده نفسيه
بعض المرات ليا قالوا سيكل أنز


8
8
8

الحمدلله على سلآمتك بـ الحديد ولهو بـ العبيد .
والله مــآ ألومك يوم تنزّ .




اللي أعجبن العشآ اللي سويتوه لـ خويآك اللي سآعدووك
بـ دبّ هـ الرخمه << أيه رخمه كبر جدّي ويبي سيكلكْ .

بس إنك وآآفي مآيجي منّك قصوور وتقدّر المعروف اللي عملوه خويآك .

مغسي بوكو على هـ الموضوع الفلآوي .‘

ريــوفـ .

:

[صعوة فسفورية]

بالله عليك كم ( انا) موجودة

وأنا أروح لأهلي وأنا أبتسي
وهي تمر الأيام
وبعد مرور حوالي سبوعين
وأنا أروح للدكان على سيكلي الحبيب
وأنا أودزف السيكل عند الباب وأنا أدخل
وأنا طالع وبيدي عسكريم وعصير ربيع
وليا والله السيكل
السيكل الأبيض

سناعيسو سالفة صراحة رهيبه عن السياكل .. كثر منها ولاتحرمنا

[ابوعادل11]

والله سالفه ..... بس مايفيد دبجوك ... هههههه........ بس امووت انا بالولاء والمحبه لرامبوووو ... اااا اقصد السيكل .....

بس اقول تعرف ترفع غزال... ماضنيت والله شكلك دبي يومك ورور ...ههههه


ومن أكا اليوم
ماأداني السيكل
صابتن عقده نفسيه
بعض المرات ليا قالوا سيكل أنز




بسم الله عليكم ... تنز اجل هااااا


طيب

سيكل ...


سيكل ....


سيكل....خخخخخخ



هااا عسى مانزيت بس

[فتى البيداء]

وشو سيكل رامبو ؟؟ << الله يرحم أيام الجلبليتر + الفليبس ..

وش السوني ؟؟ والله ياخوك أنا فلاح ولا لي علمن بهالسوالف ..

ألي دبك وأخذ سيكلك وش يرجع ( والله أن به شيء أبالي ) ..


ياحليلك ياسناعيس أنت وعزيمك .. ليه ماكملته بفيشار ؟؟


ياحيف لو هو يوسف كان جارن لهم طرف من غنم ابوه ..

[غالب]

والله وهو يصدمن بالدباب من الكفر الخلفي
وأنا إجي على التنده
وليا والله أنا بنص الشارع
وهو يجي راعي أكا الكابرس يفحط
وهو يقش السيكل وبغا يصدمن أنا واللي صفقن مار الله ستر
ومن أكا اليوم
ماأداني السيكل
صابتن عقده نفسيه
بعض المرات ليا قالوا سيكل أنز


8
8
8

الحمدلله على سلآمتك بـ الحديد ولهو بـ العبيد .
والله مــآ ألومك يوم تنزّ .




اللي أعجبن العشآ اللي سويتوه لـ خويآك اللي سآعدووك
بـ دبّ هـ الرخمه << أيه رخمه كبر جدّي ويبي سيكلكْ .

بس إنك وآآفي مآيجي منّك قصوور وتقدّر المعروف اللي عملوه خويآك .

مغسي بوكو على هـ الموضوع الفلآوي .‘

خبري يقولون ميرسي وشنوحتس تقولين مغسي هو طالعتن لغه جديده يختي

ريــوفـ .

:

ياهلا ريوف
وساتلمي سلامي