هلالي تحول نصراوي

**ابو ضاري** · 19-03-2009 01:51

من هذا المنتدى الكريم والغالي على قلوبنا

فاني الان اشجع النصر للاسباب التاليه

1-يعترفون بالحقيقه عكس الهلال

2-لا يتنرفزون ولا يتهاوشون ويتناقشون بواقعيه
3-اثبات بالادله

4- بطولات ياخذونها بدون الحكام

5-صراحه مهجد الهلال ايام ماجد الله يذكر ايام ماجد والكبارى بخير
6-يكفيك اكثر جماهيريه من الهلال

لاحد يزعل واللي يبي يتكلم يجيني انا مع ابو ماجد

**شام** · 19-03-2009 01:55

وانا انضم معكم ايضاً للنصر
وبالتوفيق للنصر دوووم
بانضمام الاخ ابو ضاري له

**ابو ضاري** · 19-03-2009 02:02

المشاركة الأصلية كتبت بواسطة شام

وانا انضم معكم ايضاً للنصر
وبالتوفيق للنصر دوووم
بانضمام الاخ ابو ضاري له

شكرا شام على هذا الانضمام ....ترانا نشجع الكرامه السوري ههههههههههههه

**عبدالله المهيني** · 19-03-2009 02:44

ساتر الله عليك

والله يقنيك بركة النصر

**أحمد** · 19-03-2009 02:56

[align=center]
عمي الضاري

والله انك انسان رياضي بمعنى الكلمة

الجمهور الهلالي يكرهك بالهلال

اقسم بجلال الله اني هلالي سابق

وتركت تشجيع الهلال بسبب جمهوره واعلامة

زين اخترت النصر لانه راجع للبطولات وبتصير وجه السعد عليهم يابو ضاري
[/align]

**بسمة العز** · 19-03-2009 03:08

ليه كذا؟
ماني مصدقه؟؟<<<<مصدومه
توقعتك تتكلم عن يوسفوه
اكيد تمزح هذا اكيد صادوه ..
الضاري من اثر عليك؟؟ ضاري والا.. >>>الشبث
ع العموم بالتوفيق لك
اخ عزيز سوا هلالي او نصراوي
احتــراامي لك..

**أبو روز** · 19-03-2009 03:08

من حقك أخوي الضاري تغير ميولك الرياضي

ومن حقنا نعبر عن وجهة نظرنا أيضاً تشجعيك للنصر لا ينقص عدد مشجعين الهلال

جماهيرية الهلال لا تقارن بالاندية الأخرى .

أما كلامك عن النصر لدي قصة حزينة على مشجع نصراوي اصيب بالهم والغم سأنشرها في القريب العاجل
إني خائف عليك من انهيار عصبي أو ارتفاع ضغط الدم بعد تشجيعك للنصر

**مشــــعل** · 19-03-2009 04:29

الضاري + شام

الله يعينكم اجل

احلمو بالبطولات

**منصور الـ ع ـطآوي** · 19-03-2009 05:09

الضاري بالتوفيق لك مع النصر مع اني اشك ان النصر وارهم توفيق

بس عندي ملاحظه بسيطه

بطولات ياخذونها بدون الحكام

حكم سعودي و حكم اجنبي قلتو تاخذونها بالحكم

اذا تكلمنا عن الحكم قلتو هذا عذركم بالحكم

و الكل يشوف بعينه اغلاط الحكام

و اللحين فيه برامج خاصه عن الحكام لعرض الاخطاء بعد

بس الكلام الي يروح يرجع وهذا رجع كلام خذيتوها بالحكم

الي يسمعكم شايفين ادارة الهلال يعطون الحكم فلوس عشان يفوزونهم بالمباره

و الهلال ما يحتاج حكام عشان يفوزون

الدعيع << عميد اللاعبين
ياسر القحطاني << افضل لاعب باسياء
المرشدي << افضل لاعب بالخليج
التايب << ما يكون فيه مباره حماسيه الا موجود فيها التايب
عزيز << اهم لاعب بالهلال و المنتخب
ويلهمسون << مستواه من افضل الى افضل
وغيرهم كثير

^
^
^

هذولي بالهلال و تقولون حكام بعد

الحكم الكل يشوفه و يعرف اذا هو اخطاء بالتحكيم او لا

و اذا ما يعرف يتابع برنامج على اي ار تي متخصص عن اخطاء الحكام و خبير تحكيمي الي يتكلم عن اخطاء الحكام

و اخيرا بالتوفيق لك مع النصر و الله الله بالصبر

لازم تصبر

تحياتي لك

**حيل حليل** · 19-03-2009 05:22

كان الله في عونك يا اخ العرب
هع هع هع هع <<<<<<< على هالضحكه كاني مراتسي ابو لهب

والله يالضاري
حلو انك تشجع فريق انت مقتنع فيه
لكن بصراحه اول مره اشوف هلالي يتحول نصراوي خصوصا انه الغريم التقليدي للهلال
وانا اهنيك بصراحه على قرارك وادعو ان الله يلهمك الصبر

انا عن نفسي يعجبني حاجه وحده في النصر
لانه جمهور مخلص لفريقه والدليل مباراة الوحده
يعني فريق توه مهزوم في النهائي وجماهيرهم ماليه الملعب في مباراه عاديه
بصراحه جمهور مجنون

قرارك شجاع لكن بتكون عواقبه وخيمه
وان شاء الله النصر يرجع لسابق عهده وتكون وجه خير لهالفريق