جوالڪ تـ ح ـت المـ ج ـهر

[ريتاج]

8
8
8
8
رووح حاايل ام عبيد هههههههههههههه

اتوقع كاان مني غلاطانه...



صراااحه جواالاات فلاوييه..

يووسف تكسره بالعاافيه

بس كله كووم وجواال العرووب كووم ثااني ههههههههه

العروووب يمين ضحكت ياامااا تشطبت تسبدي...

ووه الله يخليلتس جواالتس..



شييييييييييييييع

[تركي الزياد]

السلام عليكم ..

::


::


::


1/ ماهو نوع جوالك ؟

N0KIA NAVIGATOR القديـم << أحس إنه أفضل من الجديد ..



2/ ما اخر صورة تم التقاطها ؟( لك الخيار بطرحها او وصفها)

صـورهـ لـ صديق عزيـز .. و الممرضين يدخلونـه غرفة العمليـات .. الحمد لله طلع بالسلامه << فا ا ا ا ا ضي يصـوور

3/ كم رقم مخزنـ عندك ؟



176 رقم

4/ ما اخر رسالهـ تم تلقيها <<<حتى لو Call me

من ولـد عمـي .. مرسل لي خبر .. يقـول .. مجلس الشورى يلزم أرامكو السعوديه بمنح السعوديين المزايا التي كفلها نظام العمل << خلاص اذا صرت بارانكو < على قولتهم .. لازم تعرف كل شي .. يـاااااااوكـ ..

5/ ماهي الرسـالهـ رقم 6ولاحظ / ـي 6 بالتحديد ؟
وسـآئـط .. من ولد خالتي .. مرسله الصبح .. صباح الخير ياوجه الخير يامالك القلب .. ويانور الشمس وشعاعه .. ياشذى الورد وأطباعه ..




6/ من ضمن الاسماء في جوالك .. هل يوجد اسم غريب او مضحك لاحد اصدقائك .. اذكره لنا؟

فيه وليش ما فيه

عايد سطحه
FOOLISH MAN
ياليـيـيـيـيـل

7/ماهي أعلى فاتوره قد تجاوزتها او كمـ هو حدك الائتماني ؟واذا كنت بطاقات شحن .. كم تستهلك في الشهر؟


يوم كان معي فاتورهـ صقعت 1000
والحين على البطاقات اشحن بـ 100 وتقعد معي
تقريييبـاً 5 أيام .. ويمكن تطول لـ أسبـوع
والحين راجع للفاتـورهـ بس خليته للدوام فقـط !

8/ ماهو اسمك بالبلوتوثـ ؟


والله ما أدري اصبروا ..


ايــه .. TuRkI

ههههههههه





9/ ماهو الثيم الحالي لجوالكـ ؟


ثيم الجوال الأصلـي
بس حاط الخلفيه عـلامة هيـونـداي





10/ماأكثر ماتستخدم / ـي في الجوال

مثلا المنبه , الحاسبه , البلوتوث , الملاحظات ، الرسائل؟

والله أكثر الإستخدامات .. المنبه .. الرسائل .. الملاحظات

11/ آخر بلوتوث استقبلت / ـي ماهو ؟




مقطـع لـ شمري بـ سلاح الحدود ..

هههههههههه


شف بالله هذي خمسمية ريال ندفعه شهري .. هي عيشتن هذي .. تزدر بيضاوي .. أنا أول مرتن أشوف تزدر بيضاوي هههههههههه الله يرررجه

12/ كم عدد الرسائل بالصندوق الوارد .. وكم عددها بالصادر ؟



الوارد 130 والصادر 36






13/ رسالة لن تقوم / ـي بمسحها أبداً ولماذا ؟



محاولات شعريه بيني وبين صديق .. الي دخل غرفة العمليات فوق 8888 .. هههههههه الله يشفيه .. لأني أحس إن هـ الأبيات قريبـه من قلبـي جـداً ..


أبياتي

وا صاحبي هذا مكانه و ذكراه
لا جيت رايح للدوام اللعيني

ذكرني الهاجوس ملقى لقيناه
ذكرني الهاجوس غابر سنيني

كل ما أدرج بالخط ألقى بقاياه
كم لوحة ترشد ديار الضنيني

حسبي على الأيام سود سواياه
تخلي العقال جن(ن) هجيني

ياليت ما شفته ولاطاري(ن) جاه
ما تصفي الأيام لأهل الحنيني

ما جاد لي (حظ) ولا جاد شرواه
ولا عاد ينفع ذكر صافي الجبيني




رد صديقي أو أخـي الـذي لم تلـدهـ أمـي ماجد القحطاني ..




اعرف ترى صاحبكـ قد جاك ماجاهـ
دارت رحاة الــوقت بـيـنكـ وبيني

فعل الليالي ضحكًهـ ثم بكًاهـ
والموت عندهـ تحت حبل الوتيني

ماعاد لي غايهـ ولا فيهـ مشهاهـ
كني بعد فرقاكـ فارس طعيني

اذهن ترى صاحبكـ قد عز مبناهـ
مبنى الحجر ماهو بلبنٍ وطيني

وقت الشدايد كل عمهوج تنخاهـ
وسط الرمكـ من تحت حد السنيني

طالبك ياتركي زبون المخلاهـ
يامحزمي في معضلات السنيني

ارفق بحالكـ واطلب اللهـ معافاهـ
وابشر بشوفة بنت وضحى الجبيني

وسلامتكم





14/ ماهو الأسم رقم ((15)) المخزن عندك ؟



ABO-DHARI
0506

ولا ما يحتاج هههههههههه






15/ ما آخر رسالهـ قمت / ـي بإرسآلها ؟


اليوم أفرغ دمع عيني بالبكاء
ندماً على ما كان مني ويلتي

جفت دموعي من فواجع ما أرى
لكن صبري في الشدائد قوتي






16/ ماهي نغمتك الإفتراضيه والمفضله لديك ؟



مدري .. ترررا تررررا ..

من جوال الخير .. ولد عمي منهم .. وكل اسبوع جايبن لنا شي جديد .. الله يجزاهم خير



//



فــووووز .. أشكـر لك هذا الفوز


موضوع جميـل ..


تقديري

[بالمختصر..]

ههههههههههههه

فضايح




.
.

[السنعوووسيه]

الصرااااااااااااااحه موضوع رايق حيل هههههههههههه

فوز تسلمين والف شكر لتس











عاطر ودي

[&^^مهــــا^^&]

[align=center]
موضوع رووووووووووووعه

ربي يسلمك ويخليك يالغلا

تقبلي ودي,,
[/align]

[فوووز]

مرحبا يا أخ تركي الزياد .. تشرفنا بك..

2/ ما اخر صورة تم التقاطها ؟( لك الخيار بطرحها او وصفها)

صـورهـ لـ صديق عزيـز .. و الممرضين يدخلونـه غرفة العمليـات .. الحمد لله طلع بالسلامه << فا ا ا ا ا ضي يصـوور

حراااااام عليك هذا وقت تصوير .. اللي مثلك يهل العباير على خوية مهوب يصوره في هالموقف الصعب..
افرض انه جاه شي وش بتسوي بتحتفظ بالصورة والا وش بتسوي فيها..؟؟

//

فــووووز .. أشكـر لك هذا الفوز

موضوع جميـل ..

تقديري

الله يحييك..
حنا لازلنا بانتظار أم عبيد

[فوووز]

بالمختصر..
السنعوسية
& ^^مها^^&

الله يحييكم...
وننتظر تفاعلكم معنا خلوكم قريب..

[روح حايل]

جتكم ام الهكي اوم اوبيد




لي نكسه ان شاء الله .....


اصبروا حيي




مشكوره فوووووووووز

[روح حايل]

العروب




منتي اعجز مني

1/ ماهو نوع جوالك ؟

نوكيا ماعرف اسموه

2/ ما اخر صورة تم التقاطها ؟( لك الخيار بطرحها او وصفها)


عبيد خطيب سنعوسيه

3/ كم رقم مخزنـ عندك ؟

61 رغم

4/ ما اخر رسالهـ تم تلقيها <<<حتى لو Call me

من اختي : OK<< والله هذا اللي مكتوب

5/ ماهي الرسـالهـ رقم 6ولاحظ / ـي 6 بالتحديد ؟

من خويتي : ليه مارديتي على اتصالي ؟

6/ من ضمن الاسماء في جوالك .. هل يوجد اسم غريب او مضحك لاحد اصدقائك .. اذكره لنا؟

لا

7/ماهي أعلى فاتوره قد تجاوزتها او كمـ هو حدك الائتماني ؟واذا كنت بطاقات شحن .. كم تستهلك في الشهر؟

اعلى فاتوره جتن طقت الالف وخمسميه تقريبا

هذا الكلام مبطي

8/ ماهو اسمك بالبلوتوثـ ؟

هيله يارمانه

9/ ماهو الثيم الحالي لجوالكـ ؟

فيس عبيد

10/ماأكثر ماتستخدم / ـي في الجوال

مثلا المنبه , الحاسبه , البلوتوث , الملاحظات ، الرسائل؟

تدرون اني بزنس والتزم بالمواعيد

يعني المنبه ، الحاسبه ، التقويم ، الرسايل

واحيانا اضرب بوه وغداني

11/ آخر بلوتوث استقبلت / ـي ماهو ؟

صوره من جوال رجلي

12/ كم عدد الرسائل بالصندوق الوارد .. وكم عددها بالصادر ؟
لازم اعد

الوارد<<فوق 300 تعبت وانا اعد والله هههههههههه

الصادر نفس الكلام حول الـ 300

13/ رسالة لن تقوم / ـي بمسحها أبداً ولماذا ؟

يمكن كلهن ما امسحهن الا اذا بدا يطلع بالروح

14/ ماهو الأسم رقم ((15)) المخزن عندك ؟

أم عموري العسل

15/ ما آخر رسالهـ قمت / ـي بإرسآلها ؟

( اليوم ماني فاضيه الا على الساعه 9-10 ) << شخصيه ههههههههه

16/ ماهي نغمتك الإفتراضيه والمفضله لديك ؟

نغمة نوكيا ماغيره

طرطنطن طرطنطن طــــــــــــــــــن

اختار بعدي

/ السنعوسيه فلتتفضل /

[السنعوووسيه]

انافد رااااااااااااااستس يا خويلتي وهــ بس يا حبي لتس


1/ماهو نوع جوالك ؟

N95

2/ ما اخر صورة تم التقاطها ؟( لك الخيار بطرحها او وصفها)
اخر صوره التقطته لربيع

3/ كم رقم مخزنـ عندك ؟

حوالي 150

4/ ما اخر رسالهـ تم تلقيها <<<حتى لو Call me
لو اغرق في بحر حبك
واشرب من عناك بحور
قسم بالله ما تنزل
غلاتك من شراييني

5/ ماهي الرسـالهـ رقم 6ولاحظ / ـي 6 بالتحديد ؟

ياعله مبروك انتبهي للمحاضره
لااجيتس انتف شوشتس
من مهاوي

6/ من ضمن الاسماء في جوالك .. هل يوجد اسم غريب او مضحك لاحد اصدقائك .. اذكره لنا؟

النشبه << اخوي

7/ماهي أعلى فاتوره قد تجاوزتها او كمـ هو حدك الائتماني ؟واذا كنت بطاقات شحن .. كم تستهلك في الشهر؟

حدي الاتماني 1000
اعلى فاتوره 3000<<بالغلط جتن

8/ ماهو اسمك بالبلوتوثـ ؟

خير انشالله

9/ ماهو الثيم الحالي لجوالكـ ؟

ماكو

10/ماأكثر ماتستخدم / ـي في الجوال

مثلا المنبه , الحاسبه , البلوتوث , الملاحظات ، الرسائل؟

المنبه

11/ آخر بلوتوث استقبلت / ـي ماهو ؟

ملاحضه من خويتي

12/ كم عدد الرسائل بالصندوق الوارد .. وكم عددها بالصادر ؟

والله يلهزن هالـ100
والصادر 4

13/ رسالة لن تقوم / ـي بمسحها أبداً ولماذا ؟

رساله من ابوي الله يخليه
بمناسبة النجاح كانت اول رساله تجيني
والجوال مابعته عشان هالرساله
وكثير رسايل تعز علي والله ماامسحه

14/ ماهو الأسم رقم ((15)) المخزن عندك ؟

مطعم الجندول

15/ ما آخر رسالهـ قمت / ـي بإرسآلها ؟
اطلب من الله يوم حضي عرفها
ماذوق فرقاها ولا ابكي عليها

16/ ماهي نغمتك الإفتراضيه والمفضله لديك ؟

نوكيا

كل الشكر اختي فوز

الشكر موصول للخاله روح حااااااايل

اختار بعدي مهااااوي

عاطر ودي