ماحسبت حساب يالرؤس الذليله = والاخوه دم وجهي ماطعنها
**
**
**
**
**
[poem=font=",6,white,bold,normal" bkcolor="darkred" bkimage="" border="double,10,white" type=0 line=0 align=center use=ex num="0,black""] دار فكري واعتلى سرج الاصيله = مهرتن تليت بيديني رسنها
لاصهلت بالمعركه بنت الكحيله = من صهيل الخيل معروفً لحنها
مهرتي لادكت الميدان خيله = دشت الجمع الغفير ولا شحنها
مهرتي تشريفها مارضى بديله = مالها الا الفارس اللي ذاد عنها
فارسً لامن قبس نار الفتيله = مااحترى عفو الصدور ولا هدنها
له حضور وله مقام وله قبيله = والمراجل من صغر سنه ضمنها
لارتكى للمعضله لوهي ثقيله = شالها والمتن مايهتز منها
عاش من عينه على راس الطويله = والرديه لاسقى ربي وطنها
شمت عنها يوم عشاق الهزيله = بالهزيله طشها ابليس وفتنها
الجزيله بالمواقف تستويله =ياصدورً طيبي الفايت غبنها
ماحسبت حساب يالرؤس الذليله = والاخوه دم وجهي ماطعنها
مايخون الزاد من نفسه نبيله = والجذور الفاسده يظهر عفنها
ليه نشره والردى اصلاً فصيله = عرقها ضخ الردى دم ورهنها
الردي يبقى ردي مافيه حيله = وكل نفسً مالها غير امعدنها
ان وقفت اخيل براق المخيله = امطرت لي والذخيره بمخزنها
وان جلست اروم حد المستحيله = ونظرتي سبع الكواكب تحتظنها
عاش راسي للتسامح والفضيله = وابتعد عن زمرة الغدر ووثنها
بالامانه عيت النفس الاصيله = واحتميها لو غدى روحي ثمنها
اجمعو خيل الاماني كل ليله = والكرامه لحفوها في كفنها
ماجمعكم طيب .. تجمعكم فشيله = ياوجيهٍ دمها البارد دفنها
مايبرر غاية النذل الوسيله = خانه المبدى لو الكلمه وزنها
وان بغيتوا زبدة الهرج ودليله = مهرة الخيال بيديني رسنها[/poem]
شاعرها الشاعر المميز منصور الرويلي
رد مع اقتباس
المشاركة الأصلية كتبت بواسطة نورة الشريف
المفضلات