رحله سطحيه ....
السلام عليكم
وش اخباركم بعد هالعجاج الله يغفر لنا ويرحمنا برحمته
جايبه لكم سالفه من الفرن توه صايره
امس في الليل قال ابوي بروح للسطح وقال تعالي يابنيتي معي قلت سم ولبيه <<مطيعه ياحبي لي
ورحت معوه يبيني اساعده يابعدي هو
ويوم رحنا فوق واول مافتحنا الباب الا يجينا ذاك الهواء اللي يرد الروح
ويجلس ابوي يصلح اشغاله
واقوم ارش مع ابوي المويه على الجدار ويوم خلصت مساعده لابوي <<يبني غرفه<<لاصحاب الشفايه
قلت يابنت قومي سوي لتس مغامره في هالغابه
وبدأت رحلة الاستكشاف
وقبل مانبدأ استكشاف بيني وبينكم طار عقلي وطرت كلي <<امسكون لا اطير صدز
وجتن سكره من شفت الهواء البارد
ورحنا انا واختي وبدينا نستكشف لقينا احجار كريمه على الارض <<الله من الصدز
ولقينا برميل ونقوم نجمع بلك ويالله نشيلهن وحطيناهن فوق بعض
ورقينا على البرميل وااااااااي ياسلام وناسه <<تحقق حلمي
واشوف الشارع
وبعد شفت العالم من سطحنا <<تسذوب
ولقينا رمل واجيكم واحط رجليني (الله يكرمكم) داخله والرمل باااااااارد يازينوه
ونجلس نلعب بوووه وارسم قلوب وحركات <<تبي تعلمكم انه سوت شي
ورحت اكمل ولقيت سلم يودي للخزان واجي ارقى عليه وهناك جانا الهواء اللي يفضخ ضبنات العقل بغيت اطير
واجيكم وافك الشوشه واجلس الفح به يمين يسار لعل وعسى تصير حرير
وتركت شوشتي تتنفس له شوي مثل الاعلانات
ويوم شبعت شوشتي من التنفس وحست ان الرئتين تبعاته يبن ينفجرن
قالت شوشتي لرموشي يالله قومن جاء دوركن
مادريت انهم طاقينها سوالف ولاخلوني اسولف معهم
واشوف الا رميشاتي يرقصن وطلع اتفاق بينهم وانا ما ادري
بس هين اوريهم ان اخذتهم معي للسطح مره ثانيه
وجلست افكر واحلم بنفس الوقت اني اميره وجايه احضر مباراه ختاميه <<احلام بنفسجيه
يوم خلصت المباراه واقوم والووووووح بيدي الكريمه
واقولهم لاداعي لاداعي حلفت انكم ماتقومون
ويجلسون يصوروني وكلن يبي يصور معي << لاتفوتكم هاللحظه
وبينما انا بين هاللحظات اللي مايتفوتن ابد
ويمكن مايرجعن الا بعد سنين الله يعطينا طولت العمر
ماحسيت الا بالبلكه على راسي وبدال ما انزل وانا اميره والجماهير تصفق لي
نزلت وانا منفضخ راسي والدم يسيل من ورائي
ورجليني يوجعني من الرمل
مايستفاد من الرحله
1- لاجيتوا تحلمون احلموا على قدكم
2- لاجيتي تفكين شوشتس انتبهي لايكون فيه اتفاق بينه وبين رموشتس والا لاتاخذينهم معتس
3- اللي تبي شعره يصير حرير مثل الفلبينيات تسوي لوه استشوار سطحاوي
4- لا احد يحط رجلينوه داخل الرمل لاصار بارد والا بيجيه ماغص يمغص راسه
5- اللي يبي يشوف العالم من سطحنا لان مابوه الا هو يجي يدفع ثمن التذاكر والتذاكر محدوده لايفوتكم العرض
والعرض ساري حتى نفاذ الكميه
وآآآآآسفه على الاطاله
تقبلوا احترامي,,
رد مع اقتباس
المشاركة الأصلية كتبت بواسطة متكي ورا الشمس
المفضلات