صعيوان الولد النظيف

**حيل حليل** · 11-03-2009 03:31

انك تكون رجل عادي نحييك
انك تلبس شماغ نحبك
انك تدقه لطمه لا مانسمحلك
والله لو انك مراتسي لك حمام ماعملت هالعمله

مشكلة بعضنا فاهم المرجله غلط
تلقاه يقول عيب اذا شافك كاشخ
يعني لازم يكتبون على ثوبي امانة مدينة الرياض عشان اصير رجل
تجي من عنده متعطر يصد عنك <<< مثل ابو جعل اذا شم الطيب مات

من جد والله ياعندنا ناس رايحه فيها
لاتصير خكري <<<<<< سنايدي يايوسف والشرشحه اللي مشوين
ولاتصير وصخ
لانك يادبشه ماتعترف بشي اسمه وسط

قسم بالله لو تجيه طاير وتشوته ان نص معالم جسمه تختفي
العن شكله واحد دخلته سونا صغر خشمه
واول اقول ياكبر خشم هالادمي
اثري طلع نصه وصخ
من صغر خشمه الحين صرنا نسميه الافنس

يوويلي تسيف يالربع بعضهم ليا منك نشيته
عدك ناش لك تيس
علي بالحرام ان تنعمي والله لو نظرك سته بسته الا يجيب اجلك
اخبر مره واحد معلق ثوبه ومنتفخ الثوب
قلت احلى يافلان صاير اماراتي انت ويا هالقماش
نغزن خويي اللي جنبي قال اي ثوب اماراتي يالحول
شلون تجي ثوب اماراتي وقلاب

لا والمشكله مصفط بجامته البنيه جنب المشب
ابوتس يالبجامه المتعددة الاستخدام
نوب يخليه بيدز ونوب شرشف وبعز الصيف عشان يحلله يقلبه ستاره
وعاد شف محل الركبه ببجامته
قسم بالله تقل راس وغد من كبر الورمه اللي بمحل الركبه

وبعدين يالربع هالادمي غريب
بالعاده الواحد اذا صخن يقلب وجهه احمر
تسيف هالادمي يقلب لونه اخضر حتى الدكتور شك ان بهالمروح مادة الكلوروفيل

اهيب وجه
واللي قاهرن وفاقع مرارتي
كاتبين له بكرت العائله ان لون خشته حنطي
ابك هذا لون خشته ارطاوي ويكرم الارطى <<<< اخترع لون جديد

انا شكلي ابحط صورته بهذا
واكتب تحته لاينصح بمشاهدته لمن هم اقل من 18 سنه

المفروض يحطون على وجهه علامه مثل اللي بالفنايل
عشان تعرف هو مقبل عليك ولا مقفي

اخبر العام قالوا لي العيال عندنا مباراه ونبيك تلعب معنا
انا قلت خلاص ماهنا خلاف
المهم جيت الملعب يمار خوينا مولع له زقاره
ومتكي ورى القول يتحرى المباراه تبدى <<< مايدور عنده تسخين الشغل حار بحار
تسيف ليا هالحين وهو يلبس فنيلة الهلال اللي مكتوب عليه سمارك

عاد بدت المباراه ومسك خوينا الجناح
وتشوف له غبره اذا جنح تقل ددسن بله ريغى

حلولاة من خذا هوز المطافي وحشره بله زاويه وروشه لياما يتفل العافيه

متكي حسبي الله عليك هيضتن على هالصبح
وقلت خلن اجضع لي موضوع

**ماجد** · 11-03-2009 03:56

ياخي اكتب تحذير
مايصير كذا افرض اني ولد كول ودرعمت هنا << تذكره بماضيه القذر
بعدين هذا لازم تصارحه ياخي
علموه ان في شي اسموه محيط وكائنات حيه تعيش وسط هذا المحيط < مهو فاهم نفسه علشان يدرك كلامك

حليل
ياطخمة حيي هاطخمة
ياخي انت انسان مهذب ومن النوع الي مستحيل يقلب نمرة الس.... لازم شغلك 100%

لاهنت يالذيب

**فتى البيداء** · 11-03-2009 04:04

حليل خويك هذا أعرفه .. لا وتراه بالبدنيه يلعب بالبجامه علشان يحلله صتز ..

وشف محل اركبه متقطع الله ياخذ وجهه .. بس عاد هالأشكال أحب لي من

حقين يوسف ألي يقول التفكير ألي يقولون (أمممممم) أو مادري وشي ..

خويك يقولون أنه مرة أطحله ألي بجنبه يحلفون أنهم يحسبون أنهد جدار طين ..

تحياتي حليل حليل ..

**εïз خزامى εïз** · 11-03-2009 04:30

ههههههههههه
هههههههههههههههههههههههههههههههههههههههه هههههههههههههههههههههههههههههههههه
هههههههههههههههههههههههههههههههههههههههه ههههههههه
ههههههههههههههه
مآآ ادآآني اللي ليآ كشخ كشخ
من النوع اللي بيلبس علاقي تحت الثوب
ههههههههه
هههههههههههههههههههههههههههههههههههه
اي والله صحيح اللي كاشخ ومهندم هذآ "اوب"
لازم تصير وسخ وريحتك حوش غنم عشان تصير سنايدي هههههه<<هي تنقال هنآ
حليل بروح اقرأ موضوع يوسف هاللي هيضكـ
ميرسي على هالفضفضه الصباحيه
....
cy

**صعوة فسفورية** · 11-03-2009 05:40

وربي .. اللي يلبس من زارا انو كشخة ..

اغلب لبسي من هناك ههههههه

لكن .. اللي يهرني لاجاك الواحد لابس ثوب ازرق وش يحس فيه ذا

ههههه .. ولا متكشخ وجالس بالبحر ههههه

يعني اكره الرجال لاجاك في بيته لابس سروال وفنيله

يعني يلبس تي شير ت وشورت او برمودا

ولا طلع .. ع حسب المكان وع حسب الناس اللي يقابلهم

اذا والله طالع .. للشغل يلبس ثوب واذا راح للمسجد

واذا طلع البحر .. يلبس الجينز والقميص والجاكيت الكشخه

واذا راح الممشى لبس ملابس رياضه

وهكذا .. هذا اللي حبيت اقوله

ويعجبني الرجل اللي مهتم بنفسه
يعني عطور .. ويحلق دقنه من ربوع لربوع

لان الله جميل يحب الجمال

والنظافه من الايمان < تذكرت ايام المدرسه ههه

**يـــوسف** · 11-03-2009 05:47

^
^
طيب فيه ناس يحلق يالليل يقوم الصبج طالعتن له لحية وش يسوي

حيل حليل الله يرج عدوك تسيف مراكي له حمام هههههههههههههههههههههههههههههههههههههههه هههه

المشكلة بعضهم ماعنده حل وسط ياولد دلوع وكول ولا وصخ ريحته تجيب لك القولون واذا طولت بجنبه رآح تندعم حاسة الشم بمنخرك

مبددددددددددددددددع يالحليل

توسد إحترامي

**صعوة فسفورية** · 11-03-2009 06:05

طيب فيه ناس يحلق يالليل يقوم الصبج طالعتن له لحية وش يسوي

^

تطلع حلوة لونها اخضر

**روح حايل** · 11-03-2009 06:13

هههههههههههههههههههههههههههههههههههههههه هه

ياي ياربيه عالم وصخين

<<< برااااااااااااااا

**حيل حليل** · 11-03-2009 06:22

^
^
انتي علاجتس عند يوسف

الا تعالي وش علمتس هجيتي
والله ياعليتس شكل وانتي تركضين انتي وجلالتس الادهم
طرى لي وانيت لجدي اكا السنه مركب له شراع

بعد زول
<<<<<طيح الميانه

لاهنتي اخت روح على المرور

**حيل حليل** · 11-03-2009 06:24

المشاركة الأصلية كتبت بواسطة ماجد

ياخي اكتب تحذير
مايصير كذا افرض اني ولد كول ودرعمت هنا << تذكره بماضيه القذر
بعدين هذا لازم تصارحه ياخي
علموه ان في شي اسموه محيط وكائنات حيه تعيش وسط هذا المحيط < مهو فاهم نفسه علشان يدرك كلامك

حليل
ياطخمة حيي هاطخمة
ياخي انت انسان مهذب ومن النوع الي مستحيل يقلب نمرة الس.... لازم شغلك 100%

لاهنت يالذيب

وشوله اكتب تحذير
خله يدخل وينفضخ قلبه عشان يتوب هالرخله

ماجد ياتسبد من مشى هالتسبد<<<< هالخبول واحد يرفع والثاني يكبس

لاهنت ياجدي على المرور