رتيج بشــرم الشـــيخ

**ريتاج** · 09-03-2009 01:01

السلام عليكم ورحمة الله وبركاته .....

ياجماعة الخير طرة لي سااالفه ههههههههههههههههههه..
خوذو الساالفه..

نزلت تحت يم جدتي...

الا اسمع خناااقه وتنااافخ وحاالته حااله..

: انا مااقلت لتس لا تدقيين اعرست بشررم الشييخ الحيين طخ << سكرة السمااعه

انا قمزن قروون الاستشعاار ×قرون الشفاايه×

وانا ادخل عند جدتي..واهلي به ووارحب به .. وكل شيين قلته له..

جدتي: هلا والله ببنيتي..

: اييييييه وعلوومتس ..

جدتي: ماامن علووم يااوليدي..بس خويااتس قووليلهن لا يدقن عالبيت ابلشني ياملا الهنقري

:ابشري ...اخر الأخباار طيب..<<مصرره اعررف منهي اللي اعرست وبشرم الشيخ

: ابد ياوليدي ايه صح عنزي ام ضرووس جاابت وغدين يفضخن العقل
سميت حديهن رتااج<< لاحظو الاسم ..

: وانا يطرن عيووني من سميتي..

جدتي:وغدة ام ضرووس..

: لا لا قوولي غييره جدتي واللي يرحم واالديتس لاتطريين هالساالفه لاحد..كما هي السويدا..

جدتي: اي بالله هي بشحمه ولحمه..

: وغربااالتس ياارتيج ..

جدتي: شفتي غلااتس ياابنيتي عندي<< خووش غلا

:اي بالله ..يووم انا اتشحدتس ابي تسمينن على حدى فرووخ بشاار عيتي لييه ام ضرووس..
ماابي خليهن لوغداان بنااتس اسم الله..
وانا اطلع تنحت ولييه تسمي بي وغد ام ضرووس..

مر يومين على الساالفه..

الا الرسااايل كبن علي كب .. " الف الف الف مبرووك يااعمري تبركيين "وزي كذا
وانا معصبه انتشر خبر رتااج بنت ام ضرووس يااملا المااحي يووم انا وجعاانه ما انتشر خبري زي هالساالفه
هذا وانا محذرتن جدتي ..

الا دق الموبايل تبعي.. وانا معصبه ما ارد على احد ..اخااف يتطنزوون..
زين السالفه رتااج بنت ام ضرووس اوييح قلبي..

الا وحده من صديقااتي تدق دق..وانا شااطفه..
ارسلت لي رسااله" يالمرووحه مااني ميتتن عليتس ولا انا حااسدتس ردي بس ابي اباارك لتس كش وجه"
بعد كش وجهه .. ان رديت انا اوريتس يالمرووحه..
وتدق واعطييه مشغوول..
وترسل" ايييه مشغوول الله يالدنيا اياام الكول مي وش علينا اكييد عند البحر منتي يمي"

وغرباالي وش به وش بحره ما اخبر بحاايل الا بحييره أجا ومااعمري شفت به ماء يابسه

وترسل"طيب لا فضيتي دقي علي بس ابي اعرف متى صارة الساالفه ولي يااسرعتس"
انا قلت لا الساالفه به انا.. وكاان بعد
وادق عليه: السلام عليكم

صديقتي: يالخااينه يالسخيفه تري مني مكلفتس شيين بس قطعه كاكاو وماء حتى ما ابي عصيير
مو انا قاايلتن لتس ننقش مع بعض.. يالسخييفه ولي يااسرعتس قبل اسبووع وانا شاايفتس بالمدرسه مسررع ..
متى امدااتس جهزتي..
:اصبري وش بتس.. تطنزيين علي انا قاايله وشووله اضييع رصيدي على نااس مااتستااهل ..
انتسلعي قلعه تقلعتس..
وانا اسكر بوجهه..<< يااقويه
وترسلي رسااله" أسفه رتيج مادريت انتس مغصووبه على العرس والله اسفه"

اويييييييييييحي وش عررسه ..
وانا ادق :هيييييييييه وش عرسه ..
صديقتي: اسفه رتييج امسحييه بوجهي ..
: اصبري وش الساالفه..
صديقتي: مدري وصلن خبر انتس بشرم الشييخ..
:انا بشرم الشيخ وش مودينن هنااك..
صديقتي: ويلي وش بتس مو انتي بشرم الشييخ اجل وينتس
: والله يااحبيبتي بحووش بيتنى اتقهوى..
صديقتي: جيتي حايل متى ما امداتس..
: لييه انا طاالعتن منه ..وانا تطريلي سالفه جدتي بالتلفوون
قلت اصبــــــــــــــــــــري كما انا اللي بشرم الشيـــــخ جدتي اللي قاالت لتس
صديقتي: اييييييييييييييه

وانا انصفر ... ويطيح الجوال مني<< بزعمي احمسكم..

قدتي تعمل كدااا مستحييل تطلع اشعاات عني وغربااالي

من الحمقه بغييت اعدم وغداان ام ضرووس وبشاار معااهم وغنمه كلهن..
يالله بالله صححت الاشااعاات اللي طلعت ..
اشووف البناات يرسلن لي قصاايد اثري الساالفه به بلااا ..
ياملا الهشله ..

اعووذ بالله ماار انتشرة بيووميين بس ..
عوذا الله يكفينا من شرهم..
بالله وش اعمل ..احرق حضيرة غنم جدتي ولا وش اعمل؟؟؟

طولت عليكم هههههههههه
شع شع
شيييييييييييييييييييع

**مصقال** · 09-03-2009 01:26

ريتاج

تستاهلين هذي نهاية الشفاية

بس ماعليك رب ضارة نافعة

**فتى البيداء** · 09-03-2009 02:08

أعوذ بالله تلقين روحتس تمرضين ولا أحدج ينشد عنتس .. بس يوم جت

هالخبريه تناقزن تقل معزا .. أعوذ بالله والله ياعليكن إشاعات يالحريم ..

ريتاج وشو بشار ؟؟

**εïз خزامى εïз** · 09-03-2009 03:18

هههههههههههههههههههههههههه
الخبر هذآ اهــم عندي من غيرهـ
يعني لو وحده تعرس
اكيييييييييد الكل بيدري هههههههههههههههههههههه
مبروكـ روووتي ... ماعلمتينآ
اوومااذا اول مره يرسلون لك قصايد... هههههههههه
بزعم بيصيرون رومانسيين ههههههههههههههههههههههههه
هههههههههههههههههههههههههههههههههههههههه ههههههه
يآحلوهآ جدتكـ والله انهآ تغليكـ يوم تسميهآ ريتآج
سولآفه رووووعه ...
روووتي

.
adddddddu

**بسمة العز** · 09-03-2009 09:52

المشاركة الأصلية كتبت بواسطة ريتــ حائل ــاج

السلام عليكم ورحمة الله وبركاته .....

عليكم السلام ورحمة الله وبركاته

ياجماعة الخير طرة لي سااالفه ههههههههههههههههههه..
خوذو الساالفه..

يازينهااا سوالفكـ

نزلت تحت يم جدتي...

الا اسمع خناااقه وتنااافخ وحاالته حااله..

: انا مااقلت لتس لا تدقيين اعرست بشررم الشييخ الحيين طخ << سكرة السمااعه

انا قمزن قروون الاستشعاار ×قرون الشفاايه×

وانا ادخل عند جدتي..واهلي به ووارحب به .. وكل شيين قلته له..

جدتي: هلا والله ببنيتي..

: اييييييه وعلوومتس ..

جدتي: ماامن علووم يااوليدي..بس خويااتس قووليلهن لا يدقن عالبيت ابلشني ياملا الهنقري

:ابشري ...اخر الأخباار طيب..<<مصرره اعررف منهي اللي اعرست وبشرم الشيخ

: ابد ياوليدي ايه صح عنزي ام ضرووس جاابت وغدين يفضخن العقل
سميت حديهن رتااج<< لاحظو الاسم ..

اووووف

: وانا يطرن عيووني من سميتي..

جدتي:وغدة ام ضرووس..

: لا لا قوولي غييره جدتي واللي يرحم واالديتس لاتطريين هالساالفه لاحد..كما هي السويدا..

هههههههههههههههههههههههه

جدتي: اي بالله هي بشحمه ولحمه..

: وغربااالتس ياارتيج ..

جدتي: شفتي غلااتس ياابنيتي عندي<< خووش غلا
وش عليه الحين يتسمون باسمك ياريتاج الحين ماتشوفيننا من زود الغرور
هههههههههههههههه
انا حتى الحمامه ماحد سماها ع اسمي والا انتي عنز

:اي بالله ..يووم انا اتشحدتس ابي تسمينن على حدى فرووخ بشاار عيتي لييه ام ضرووس..
بشار هههههههههه
ماابي خليهن لوغداان بنااتس اسم الله..

وانا اطلع تنحت ولييه تسمي بي وغد ام ضرووس..

مر يومين على الساالفه..

الا الرسااايل كبن علي كب .. " الف الف الف مبرووك يااعمري تبركيين "وزي كذا
وانا معصبه انتشر خبر رتااج بنت ام ضرووس يااملا المااحي يووم انا وجعاانه ما انتشر خبري زي هالساالفه
هذا وانا محذرتن جدتي ..
ههههههههههههههههههههههههه

الا دق الموبايل تبعي.. وانا معصبه ما ارد على احد ..اخااف يتطنزوون..

زين السالفه رتااج بنت ام ضرووس اوييح قلبي..

الا وحده من صديقااتي تدق دق..وانا شااطفه..
ارسلت لي رسااله" يالمرووحه مااني ميتتن عليتس ولا انا حااسدتس ردي بس ابي اباارك لتس كش وجه"
بعد كش وجهه .. ان رديت انا اوريتس يالمرووحه..

وتدق واعطييه مشغوول..
وترسل" ايييه مشغوول الله يالدنيا اياام الكول مي وش علينا اكييد عند البحر منتي يمي"

وغرباالي وش به وش بحره ما اخبر بحاايل الا بحييره أجا ومااعمري شفت به ماء يابسه

وترسل"طيب لا فضيتي دقي علي بس ابي اعرف متى صارة الساالفه ولي يااسرعتس"
انا قلت لا الساالفه به انا.. وكاان بعد

وادق عليه: السلام عليكم

صديقتي: يالخااينه يالسخيفه تري مني مكلفتس شيين بس قطعه كاكاو وماء حتى ما ابي عصيير
مو انا قاايلتن لتس ننقش مع بعض.. يالسخييفه ولي يااسرعتس قبل اسبووع وانا شاايفتس بالمدرسه مسررع ..
متى امدااتس جهزتي..
:اصبري وش بتس.. تطنزيين علي انا قاايله وشووله اضييع رصيدي على نااس مااتستااهل ..
انتسلعي قلعه تقلعتس..

وانا اسكر بوجهه..<< يااقويه

لو انا مااقدر اسكر السماعه الا وانا عارفه كل الموضوع مهما كان
والله انك قوووووويه يارتوووج ههههههههههه
وترسلي رسااله" أسفه رتيج مادريت انتس مغصووبه على العرس والله اسفه"

اويييييييييييحي وش عررسه ..

هههههههههههههه عادي اعترفي
وانا ادق :هيييييييييه وش عرسه ..
صديقتي: اسفه رتييج امسحييه بوجهي ..
: اصبري وش الساالفه..

صديقتي: مدري وصلن خبر انتس بشرم الشييخ..
:انا بشرم الشيخ وش مودينن هنااك..

صديقتي: ويلي وش بتس مو انتي بشرم الشييخ اجل وينتس
: والله يااحبيبتي بحووش بيتنى اتقهوى..

صديقتي: جيتي حايل متى ما امداتس..
: لييه انا طاالعتن منه ..وانا تطريلي سالفه جدتي بالتلفوون
قلت اصبــــــــــــــــــــري كما انا اللي بشرم الشيـــــخ جدتي اللي قاالت لتس

صديقتي: اييييييييييييييه

وانا انصفر ... ويطيح الجوال مني<< بزعمي احمسكم..

قدتي تعمل كدااا مستحييل تطلع اشعاات عني وغربااالي

المصري طالع عليك جناااان هههههههه

من الحمقه بغييت اعدم وغداان ام ضرووس وبشاار معااهم وغنمه كلهن..
يالله بالله صححت الاشااعاات اللي طلعت ..
اشووف البناات يرسلن لي قصاايد اثري الساالفه به بلااا ..

ياملا الهشله ..

اعووذ بالله ماار انتشرة بيووميين بس ..
اسرع من البلوتوث ههههههه
هذي اخبار عرس اجل وش على بالك ههههههه
عوذا الله يكفينا من شرهم..
بالله وش اعمل ..احرق حضيرة غنم جدتي ولا وش اعمل؟؟؟

طولت عليكم هههههههههه
شع شع
شيييييييييييييييييييع

ياحليلها جدتك وش عرفها بشرم الشيخ ههههههههههههه

يسلمووو رتووجه ع الموضوع الروعه

احتراامي لك

**سمااا** · 09-03-2009 11:06

يالبى .. قرونتس :: و غنمكم ::

بس هذه سولافتك ... ما أمداك بديتي يا غناتي .. << من أصحاب السولافات الطويله ..

يا علك تعرسين صدتس بس بذاتا وش يوديتس لشرم الشيخ ....."

**بالمختصر..** · 09-03-2009 11:32

هههههههههههههههههههههههههههه

أحلى شي يوم تقول خويتتس : كش وجه .. شكله غارت

فاولتتس جدتتس بالعرس ..

ألف ألف مبروك مقدماً .. << تبي تنجلد

.
.

**شموخ الجهراء** · 09-03-2009 14:17

والله اللي كتبتي ماشاءالله عليج وتسلم يدج

جد قصه حلووه و تشد غصب

**&^^مهــــا^^&** · 09-03-2009 14:57

هههههههههههههههههههههههههههههههههههههههه

اجل ابشركم باركوا له تبي تعرس <<ياويلي منتس

<<اشاعه جديده

صايره مهمه من صارت سميتس بنت ام ضروس ههههههههههههههههههه

سلمي على جدتس

وياعل ربي يسلمتس على سالفتس يابعدي انتي

تقبلي ودي,,