متواضعه بحق من كُتبت بـه .. اتمنى ان ترتقي
لذائقـة الجميــــع ,,
.
.
.
طبعي كذا .. وان ما رضيت أوقد على قلبك حطب
,,,,,,,,,, ( أنا كذا طبعي كذا ) .. غريب ماني بأجنبي
متوقع ٍ طعن الخوي لو انه اسناااااااافي شنب
,,,,,,,,,, وشلون لا كان امّعه .. غبي غبي غبي غبي
اللي زعل بلا سبب !! يرضى كذا بلا سبب !!
,,,,,,,,,, وان كان ظنّه بأطلبه ؟؟ يبطي ولا جاه اطلبي
لا صاب واحدنا جرب بيصيب باقينا ( جرب )
,,,,,,,,,, لذا .. اذبحوا راع الجرب والا ترى يدبي دبي
(المشكله) لدغ (القريب) اليا لدغني ياعرب
,,,,,,,,,, والا البعيد اشوى شوي ما هو بمثل الأقربي
ترى البعيد اليا ضرب ..!! متوقعينه لا ضرب ,,
,,,,,,,,,, مير القريب اليا هفى مالي سوى مس اشنبي
أقرب قريب ان ما كسب (حب القرايب) ماكسب
,,,,,,,,,, لو يكسب كنوز العرب من المحيط الى الظبي
يا مقصدي فتّح ترى ما قلتها حقد وغضب !!
,,,,,,,,,, والا تراي اليا غضبت ؟؟ الله يكفيك اغضبي
أخذت مع نفسي عهد ما أخور لا ثار اللهب
,,,,,,,,,, أمشي على جمر الغضى والهم يسبيني سبي
لا شفت من ربعي رجل يمشي بلا حس وعصب
,,,,,,,,,, ما يفزع اليا شافني قاعد على روس اركبي
وانا اليا من قلت أنا ما عزني ( ربع و نسـب )
,,,,,,,,,, الله عزيز وعزني ما عزني ( جدّي و أبي )
فعلي شهد واللي جحد عجب عجب يا للعجب
,,,,,,,,,, كيف الجمايل تنجحد و انا أعتبرها مكسبي ؟؟
وانا الذي من عادتي لا استفزعوا وقت النشب
,,,,,,,,,, راسي على صوت البنادق لا تعالى يطربي
أطنى ليا شفت الرجل ما ياخذ حقوقه غصب
,,,,,,,,,, واطنى ليا شفت الردي يلعب عليّ بملعبي
يا صغرها في نظرتي .. دنيا هوامير الذهب
,,,,,,,,,, ويا كبرها في نظرتي دمعة مجاهيم العبي
أعراضنا نفزع لهن ,, لو ياصل الدم الركب
,,,,,,,,,, دون الرعاه ودونهن , راسي , ودقني , وشنبي
ماني براعي بهرجه و الكاتب اليا من كتب
,,,,,,,,,, اما يصون اللي كتب و الا تراه أغبى غبي
والأجودي يبقى أجودي لو يكرم بمي و رطب
,,,,,,,,,, والا الردي يبقى ردي لو يكرم بلحم الظبي
اما أنت يا راع الحكي ,, أوقد على صدرك حطب
,,,,,,,,,, تبطي عظم عن ماقفي لو تركب او تحبي حبي
افعل على ما تشتهي من ضمننا ما تنحسب
,,,,,,,,,, وارقص على (عود وطبل) طبي طبي طبطب طبي
ذيل السلق ما يعتدل وان اعتدل يبقى (ذنب)
,,,,,,,,,, حذرى تعود لغلطتك و افهم كلامي يا صبي
وأنا .. عليّ اطلب هلك يقضون من (راع الجرب)
,,,,,,,,,, وان ما قضوا ترى الجرب يدبي على الباقي دبي !!
.
.
.
وسلامة الجميع ,,
محبكم
عبدالمجيد بن محمد الشمري
( الأشمل )
رد مع اقتباس
المشاركة الأصلية كتبت بواسطة نورة الشريف
المفضلات