,, الهياط الزايد مشكله ,,

[مشــــعل]

بسم الله الرحمن الرحيم

طرت علي بعض نماذج الهياط الزايد اللي بعضهن يرفع الضغط

يعني للامانه قولة انا بن فلان وانا ابن فلان ( احسه مرض )

وخصوصا اغلبهن يقالن بمواقف مايستدعي هالشي

وتلقى اليا جاء الموقف الملزم يعني ( ياحك عود بعود ) قطم..

ايام كلية المعلمين بحايل الله يذكره بالخير
صار عندنا بحايل ترم صيفي للي عليهم مواد

واكا السنه اول مره يصير بحايل
واكتبّت علينا امة محمد من الشمال والجنوب وهل الشرقيه من كل جهه

قبل كليتنا كله شمر .. بالتالي صرنا نتشفق الشمري

جتنا خلق بعضه نعرب حتسيه وبعض ماندري وش تقول ..!!

خصوصا ( المهايطيه كثرو )

جيت اكا اليوم وانا ادخل اول محاضره كان عندنا كيمياء حيويه
وكان الدكتور برفسور مصري اسموه محفوظ الله يذكروه بالخير
رجل فاضل

دخلت الا هالوجيه مادري وشم وانا اتبرز واقعد لحالي .. مستنكرن هالوجيه

سأل الدكتور سؤال وجاوب واحدن ورى على السؤال ..!!

وكان هالواحد جالس وحاطن رجل على رجل

قال الدكتور : ئوم وأف ( قم وقف )

(طبعا المفروض من الاساس يوقف احترام للدكتور خصوصا انه رجل كبير بالسن )

وهو ياقف وهو يقوم لوه هياط ..!!

ابك توقفني بين الرياجيل وانا بن صنهات.. ( مادري وشو صنهات تلقاوه شايبن ملعون ابو عفنٍ مايفيص الريال )

وهو يقوم يخثردز :ابك الرياجيل عكفان الشوارب ماوقفوني ( طيب عسى ماشر )

المصري المسكين انباه مايدري وش السالفه ..!!

طيب وش المشكله يالحبيب احد اهانك ..!!

( يعني مثل الاشكال هذي قسم بالله ودك بالكرسي )

.........

وهذا واحدن من الربع بالرياض
يقول طلعت من المطعم انا وخويي اليامار اكا السياره سادتن على سيارتنا وسيارتن بجنبه

يقول وحنا ناقف نتحرى راعي السياره اللي سادن علينا ..

بهاللحظه وهو يجي راعي السياره اللي بجنبنا .. قال وينهو صاحب الكرسيدا

يقول قلنا هذا حنا مثلك مسدودن علينا ونتحراوه

يقول مافطنا الا الصبخه الا الرجال يصبخ الكبوت
(انا ابن معيتق فكاك البل ماصارت لاقبل ولا اللحين)

يقول وحنا نلتفت عسى ماشر يافكاك البل الموقف مايستاهل يمكن الرجل عندوه ضرف
اصبر شوين ..

يقول وهو يسدرنا انا ابن فلان وانا ابن فلان ..ّّّ!!

يقول شوي اليامار هالعباد هالمنتش اللي ماتقول لوه انزح وراك ..!!
اثريه راعي الكرسيدا وهو يسلم علينا قال اسف ياشباب

يقول وحنا نلتفت للمهايطي اليا مار ساكت

يقول وانا اروح يموه قلت يابن معيتق فكاك البل هذا هو .. عندك ياوه

قال: والله لو مالدنيا محكومه وبه قصاص تشوف اللي يرضيك .
يقول قلت يابن الحلال ماقلت لك اذبحوه ابي شلـــوطي او كف ماحدن قاصك عشانهن

قال يارجال خلها على ربك ..!!

يقول وهي تقفل معي مشوين مسدرنا وهذي تاليته يقول وانا اخربه هههههه
قلت لابوك لابو معيتق وراك لابو مخرك المخر يالطقوع الامسح
وهو يركب سيارتوه وينحاش هههههه

الهياط مرض نسأل الله السلامه

جاء طاريهن مشوين بالاستراحي
قلت خلنا نجضعهن بهذا

احترامي

[ليلى بنت عبدالعزيز]

حلي اول وحده... راجعه

[يـــوسف]

عز الله مشكلة الهياط وخص اللي على غير سنع

بس أنا يعجبوني بعض اللي يقالهم مهايطيه يفقشونه فقش آشوا من غيرهم


والهياط أنواع

يعني لاوقفت على اللي ينتخي اشوا من الأنواع الثانية هههههههههههههههههههههه

يقول وانا اروح يموه قلت يابن معيتق فكاك البل هذا هو .. عندك ياوه

هذي يقاله نذاله يبي يقردون فكاك البل ههههههههههههههههههههههههه

والله لو هو فاغضن علمته ومخلي عيونه تصير بمحل خشمه تسان يصير ذنب فكاك البل بأرقابهم

[فتى البيداء]

أخوي مشعل صحيح الهياط ماله سنع بعض النوبات ..

نوبة به له حصان صلف حيل .. وأنا جاي أبساعد ألي يبي يرتسبه ..

وهو لذا غزل الحصان يعني مالك سنع .. وهو يجي عبداً منخره تديور به له تريله

وهو يبي يحاول ويمسك الحصان يوم غزل .. وهو ياخذ له كرباج ويسوطه مع

وراه وينتخي وأنا ولد ابراهيم (الفاعل التارتس) وهو يصقله الحصان ماكمل باقي

حتسيه .. وهو يطير بالهواء .. يوم غداء تقل قش مطلقه .. وهي تطعم ريقي ..


مشعل جبته على الجرح ..

[عبدالله الجعيثن]

انشد اللي بوسطهم...



بقيق...معقل ام الهياط بالعالم




الهياط مرض والعياذ بالله

[شنقل]

ابك توقفني بين الرياجيل وانا بن صنهات.. ( مادري وشو صنهات تلقاوه شايبن ملعون ابو عفنٍ مايفيص الريال )

يوويلللللللللللي <<<< فطس من الضحك

[الشبث]

خخخخخخخخخخخخ


يابري حالي يابن صنهات خخخخخخخخ




عزالله يا مشعل كل مهايطي من جنبه


تدري امنيتي اني امسك مهايطي واجضعوه بهذا لاهل الفله اخليهم يمزمزون عليه


خخخخخخخخخخخخخ








وعلى قولة يوسف


الهياط انواع








لاهنت يالذيب



وبالله كل ما لقيت نوعيتن من هالبشر اجضعه عندنا خخخخخخخ



وتقلد تحيتي

[حيل حليل]

مشعل بالفله
ارررررررررررررررررحبووا
<<<<<< قام يرمي

راجع لك يالذيب

[ماجد]

هلا بمشعل

يالغالي هالاشكال الي انت ذكرت
عندهم مشكله
وهي عدم الثقه بنفس
طبعا هذا ناتج عن ماضي الشخص المهايطي
كله تنكيل وعبوديه للغير
فاتلقاه يحاول بشتى السبل تجميل الماضي بلحاضر


الوكاد انهم مساكين ولو تقول لواحدهم ميو هج


حياك الله يالذيب

[مصقال]

مسالخير مشعل



هذولا ودك توديهم لنيويورك علشان الواحد مايمديه يهايط



ألا بعصا البيسبول يامار عجنن وجهه ولا أختصارا للموضوع طلقتن براسه



المشكلة ياكثرهم هالايام



اله يفكنا منهم ونستريح