بسم الله الرحمن الرحيم
طرت علي بعض نماذج الهياط الزايد اللي بعضهن يرفع الضغط
يعني للامانه قولة انا بن فلان وانا ابن فلان ( احسه مرض )
وخصوصا اغلبهن يقالن بمواقف مايستدعي هالشي ![مُتَتَهوِل](images/smilies/a.gif)
وتلقى اليا جاء الموقف الملزم يعني ( ياحك عود بعود ) قطم.. ![Smile](images/smilies/smile.gif)
ايام كلية المعلمين بحايل الله يذكره بالخير
صار عندنا بحايل ترم صيفي للي عليهم مواد
واكا السنه اول مره يصير بحايل
واكتبّت علينا امة محمد من الشمال والجنوب وهل الشرقيه من كل جهه
قبل كليتنا كله شمر .. بالتالي صرنا نتشفق الشمري ![Smile](images/smilies/smile.gif)
جتنا خلق بعضه نعرب حتسيه وبعض ماندري وش تقول ..!!
خصوصا ( المهايطيه كثرو )
جيت اكا اليوم وانا ادخل اول محاضره كان عندنا كيمياء حيويه
وكان الدكتور برفسور مصري اسموه محفوظ الله يذكروه بالخير
رجل فاضل
دخلت الا هالوجيه مادري وشم وانا اتبرز واقعد لحالي .. مستنكرن هالوجيه![Smile](images/smilies/smile.gif)
سأل الدكتور سؤال وجاوب واحدن ورى على السؤال ..!!
وكان هالواحد جالس وحاطن رجل على رجل
قال الدكتور : ئوم وأف ( قم وقف ) ![Smile](images/smilies/smile.gif)
(طبعا المفروض من الاساس يوقف احترام للدكتور خصوصا انه رجل كبير بالسن )
وهو ياقف وهو يقوم لوه هياط ..!! ![مُتَتَهوِل](images/smilies/a.gif)
ابك توقفني بين الرياجيل وانا بن صنهات.. ( مادري وشو صنهات تلقاوه شايبن ملعون ابو عفنٍ مايفيص الريال )
وهو يقوم يخثردز :ابك الرياجيل عكفان الشوارب ماوقفوني ( طيب عسى ماشر )
المصري المسكين انباه مايدري وش السالفه ..!!
طيب وش المشكله يالحبيب احد اهانك ..!!
( يعني مثل الاشكال هذي قسم بالله ودك بالكرسي )
.........
وهذا واحدن من الربع بالرياض
يقول طلعت من المطعم انا وخويي اليامار اكا السياره سادتن على سيارتنا وسيارتن بجنبه
يقول وحنا ناقف نتحرى راعي السياره اللي سادن علينا ..
بهاللحظه وهو يجي راعي السياره اللي بجنبنا .. قال وينهو صاحب الكرسيدا
يقول قلنا هذا حنا مثلك مسدودن علينا ونتحراوه
يقول مافطنا الا الصبخه الا الرجال يصبخ الكبوت
(انا ابن معيتق فكاك البل ماصارت لاقبل ولا اللحين)
يقول وحنا نلتفت عسى ماشر يافكاك البل الموقف مايستاهل يمكن الرجل عندوه ضرف
اصبر شوين ..
يقول وهو يسدرنا انا ابن فلان وانا ابن فلان ..ّّّ!!
يقول شوي اليامار هالعباد هالمنتش اللي ماتقول لوه انزح وراك ..!!
اثريه راعي الكرسيدا وهو يسلم علينا قال اسف ياشباب
يقول وحنا نلتفت للمهايطي اليا مار ساكت
يقول وانا اروح يموه قلت يابن معيتق فكاك البل هذا هو .. عندك ياوه ![Smile](images/smilies/smile.gif)
قال: والله لو مالدنيا محكومه وبه قصاص تشوف اللي يرضيك .
يقول قلت يابن الحلال ماقلت لك اذبحوه ابي شلـــوطي او كف ماحدن قاصك عشانهن
قال يارجال خلها على ربك ..!!
يقول وهي تقفل معي مشوين مسدرنا وهذي تاليته يقول وانا اخربه هههههه
قلت لابوك لابو معيتق وراك لابو مخرك المخر يالطقوع الامسح
وهو يركب سيارتوه وينحاش هههههه
الهياط مرض نسأل الله السلامه ![Smile](images/smilies/smile.gif)
جاء طاريهن مشوين بالاستراحي
قلت خلنا نجضعهن بهذا
احترامي
المفضلات