★ ☀ 二【«كشتة غير»】二 ☀ ★

**ليلى بنت عبدالعزيز** · 07-03-2009 00:11

السلام وعليكم ورحمة الله وبركاته
سلخير جميعاً
:
:
:
قدر الله علي وكشتنا خميس من الخميسات
تذبذبت مشاعري بالحزن والفرح >> بغت تصير قسيدة
المهم اجتمعت الوفود على كشته قريبه حوالي 50 كيلو برى المنطقة
بالعافيه طلعوا .. وببرود شديد
رحنا ..المهم
شفت ناس تحوم التسبد
كل واحد ووحده معهم لاب توب
والوغدان معهم سي بي سي (سوني)
والوغدان الاصغر منهم قيم بوي
والي مامعه شي.. جوال اموه ولا اخوة ولا وحدة من القاعدين
وبين يديهم كريم واقي عن الشمس بقوة 60% >> الشهاب والسواد موجود مستحيل يروح
وكل واحد قاضبن مكانه يمال الغنيمه قوموا تحركوا احطبوا >> لازم تشب ولا مايصير طلعة بر
وحنا على الغداء فيه بنات كثيرات حامت كبدهم من الذبان اولهم حصيصه
تقول ماما الذبانات وعااااات مره ياااارب ينقرضن مثل الديناصورات
قلت(سنة ذباب ولاسنة غراب)
واختي تقول يووووه ليت معنا فليت
وأنا ماعجبني الوضع قلت حماده احطب وشب النار وسووا القهوة عجل ياابوي
وتلتفت علي وحده تقول انتي ام ..انتي مرة أبوو
قلت لية يابعدي
انتي قاسية
قلت روحي تكفين ..
وانا اربط عباتي واسوي رابطه وغدان وعلى راسهم انا >>هلالي هلااااالي
رايحه جايه معهم من اول الشعيب احتطاب وتفلسف وهياط عليهم
اوريهم جحور الديبان والجراذية و ورويهم القرقاس وحميض (مرشدة براويه)
ونشب الضوء واسوي شاهي وقهوة واوسع صدري
ونلعب كورة وحبشه >> سويت جو للوغدان
والا الباقي مااااااااااش
وحده زعلة تبي المسلسل التركي وقاعدة بالسيارة اضراب
والثانية تلحق الخنافس والقعوس تصورهن وتقول ياربيييييييييييه >>ذكرت خزخز
والثالثة تبرد اظافرها
والرابعه تهاوش ليش غداكم لحم بعير ليش مو ستيك دجاج متى تطورون؟>> جاعت وكلت بسكوت ابو ميزان
والحريم الكبار عايشات جوو يصفقن ويهيجنن >>يالبيي قليباتهن
والشباب (طلاب جامعة سعود)ودي بعصا على كل واحد
تبطح وسوالف خاته وتاأأأففف الي يقول حر ولي يقول لا برد
ودهم يشبون فيني بها النار الي مولعتها>> ماجزت لهم
المهم الرحلة ماكملت ثلاث ساعات من طلعتنا من باب البيت الى رجعتنا
مايستفاد من القطعه >> أبلة مطالعة
1) ياتروح مع شياب ولا لا تطلع >> عاشوا الشيبان
2) ماتاخذ الجيل التالي >> ماصلين ويكدرون الجوو
3)العجز والوغدان هم الفرحين بالكشته
4) شب ضوء وتهيض وقل قصيده لو خربوطه
5) وهي الاهم اخواني الأعزاء طلع امك زوجتك اختك وغدان البيت ترى طلعت البر ترد الروح وتوسع الصدر وتكسب اجر بفرحتهم
البر بريرة والغثاء في الديره
صور من الكشته
لزوم البربسه مايخلونها

تتمشى وتتفقد الرعيه >> شفايه وربي

يحلم بالسواقه

7
7
7
لقطه اخيرة قطعت قلبي

؛
؛
لحظه ماقلت شي وقفوا لاتروحون وتخلوني
حصيصه من الرحله وهي تقول ماما انا صايدة شي بس بخليه مفاجاءة
تتوقعون وشو

فكرو

الي يجاوب له بطاقه شحن ام ريال

احجار كبار وحاطتها بشنطتها

تصبحون على خير ودوام سبت ممتع

**الشبث** · 07-03-2009 00:18

لي عووده

ومشكووره

مقدما على هالماضوووع ههههههههههه

وتقلدي تحيتي

**روح حايل** · 07-03-2009 00:20

اولا هنيا لك مازلت امرأه متمسكه بالتراث

ثانيا الصور يابعدي ماشفت الا اللي ماسك الدركسون

والكشتات من غير ناس قلوبهم حيه ويحطبون ويشبون نارهم وعععععععععع على هالكشته

يالله حملي الصور مرتن اخرى

**مصقال** · 07-03-2009 00:24

مسالخير ليالي

كان معلمتني ياشيتة

جايهم ومفحط عليهم ومخليهم يعرفون الكشتات

بس المرة الجاية علميني وتطرفي عنهم شوين

وانا أوريك بهم حرام لسوي عاصفة الصحرا بهم

هذولا المفروض يطلعون بحدى الاستراحات ولا بالمخططات

**حيل حليل** · 07-03-2009 00:24

خميس من الخميسات اجل
ههههههههههههههههههههه
انا من قريت هالجمله ودريت ان الموضوع تحفه

يبي لتس نكسه

**فتى البيداء** · 07-03-2009 00:39

ماشأالله عليتس ياليالي .. أحس أنتي وروح حايل أخذات حقكن من الدنيا

وألي بهالراس مسوينه ..

موضوعتس حكره ..

**الشبث** · 07-03-2009 01:10

يا عيااااال

ادل محلهم

هالشعيب مريتوه ومتغدين بوه كم مره

لو انا دارين انكم هناك تسان مخرعكم خخخخخخخخخخخ

لاهنتي اختي ليالي على هالتميز

وتقلدي تحيتي

**ابو عارف** · 07-03-2009 08:08

يازين الكشتات أيام النبات مع حليب الخلفات في هالطلحات خاصة في الخميسات بعيداً عن نايل وعرب سات.

أثريك قرمة مثل عجبسات.

خوش كشته عسا معكم كبريت بس؟

لاوحلولات ألي شايفكم وخاطف غداكم ومنحاش به.

شكراً لتس ليالي

**يـــوسف** · 07-03-2009 08:24

^
^
^
عاش خالي

<_ يحب صورة أبو عارف

أقول ليالي والله ان تسبدي أوجعتن وش يحسون بوه الربع

طيب من الاول شنوح يطلعون

الا اللي تلحق وتصور به شي هي تأكدو افحصوها ههههههههههههههههههههههههههههههههههه

بس الوغدان اللي رآحو معتس زقرت

والعجز سالفتهم سالفه متهيضات والله بعذرهن طلعن من كتمت الرياض

لاهنتي ياليالي .

<_ يراعي لأسطبات الددسن ويتوجد

توسدي إحترامي