بسم الله الرحمن الرحيم
طلال بن غازي من العليان من الدغيرات من شمر
شاعر وفارس وبواردي رحمه الله
وصلنا القليل من قصائده..
بعضاً مما قال :
[poem=font=",6,burlywood,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يالله يامنشي هبوب النسايم=تجلى صدى كبد براسه لجاجه
واشيب عيني واهني البهايم=ماميزن درب الخطا والعواجه
الله من كبد بها المر زايم=قامت تصفق ودها بأنزعاجه
وهنيت (دبٍ) دبّ الايام نايم=ماله حذا ماحط بالبطن حاجه
وشبنا وحنا مثل سود اللثايم=ولاظال من حاجاتنا بس حاجه
الله من العيرات والحظ قايم=تفضاة بالي من خطاة الزراجه
ياروحن مثل اختباط النعايم=متحريات البل ووصلن مداجه
ولحنا عليهن مال ناس صمايم=متثني في نقرة من هباجه
وصاح الصياح وغربطو بالهزايم=ولحقو على خيلٍ تنابط عجاجه
وتطابقو بقفوش حدبٍ ضمايم=والخيل عن وجه البواريد ماجه
واللي وقع حامت عليه الحوايم=على مطيحه سحم الظهور داجه
ضرتها لعيون زاهي الوشايم=ابي صخيف الروح يضحك حجاجه
ذا قول منهو ضاريٍ للغنايم=عوق العديم اليا تبين سراجه
ولاني بهلباجٍ يجي للولايم=ولا مديح النفس تروه سماجه
[/poem]
...............
ويقال ان طلال بن غازي يكثر من التغزل بالبنات
فنهاه عن ذلك احد الشعراء .. وطلب منه ان يكون هواه وتغزلوه بالهجن
هناك من قال عنزي .. وهناك من قال انه للشاعر شبلي بن غازي
يقول الشاعر :
[poem=font=",6,burlywood,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
طلال لايغونك الغاوياتي=اللي يحطن بالوجيه الدواوير
تر مابهن لك كود شيب الحياتي=وان مت ترهن يوردنك زمهرير
حط الهوى بالهجن لا ياشفاتي=ترهن هوى كل العيال المناعير
ولاتعتجن لاشفتهن عاطناتي=ارقب وراهن لين يقفن عن البير
ياحامي الوندات جوّد وصاتي=لاتضيع الفرصه بكثر المشاوير
[/poem]
رد طلال يقول:
[poem=font=",6,burlywood,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
البيض ماللقلب عنهن عزاتي=بأفراقهن ياقرم الاولاد لاتشير
هن لذة الدنيا مزال الحياتي=ويامت عند الله ولي التدابير
المرجله ماهن عنها قاصراتي=كود الذي تقصر حباله عن البير
قبلي فهيد من هوى قوت ماتي=مودع على خيل المعادي معاصير
ماقلت لك كله صحيح ثباتي=ودنياك من عقب الطرب مابها خير
[/poem]
...............
وله ايضا :
[poem=font=",6,burlywood,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
واشيب عيني شيّبه قلة المال=في ديرة فيها المساعر قليله
في ديرة ماعمر سفاره اكتال=من المال لو يجلب سمين جليله
شفي على العيرات عجلات الاهذال=اللي عليهن يردفون الدليله
ان وردوهن عقلة واديه سال=عقب الظما يقطعن منها الغليله
وارقب رقيبتهم وقال اقبل المال=وقالوا عليهم مع غتار الخميله
وادّب له المدب وراحن على فال=وقام يتنزح قدمهن كل اصيله
وعقب الضحى ياما يحوشن من المال=وافلس من الطمعات راع العصيله
وتجمعن البيض وغدى لهن اظوال=وكل تنشد وش جرى من حليله
خطو الولد ياتي من المدح مكتال=وخطو الولد تاتي عليه النقيله
وخطو الولد كسبه قراقير وصخال=وخطو الولد كسبه من البل جليله
[/poem]
................
وله كذلك يتغزل في محبوبته:
[poem=font=",6,burlywood,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
عديت في راس الطويل المنيفي=وصبحت من رقي الرجوم اتعباني
اخيل مظهور الحبيب يهيفي=بايسر قطن بين الموشم وباني
احقهم بالشوف شوفٍ نظيفي=ياما غدى باقي العرب ذيهباني
وحولت من راس الطويله معيفي=ماني لوضّاح الثمان ارجواني
ياراكب من فوق عجل الزفيفي=مامون قطاع الفيافي عمّاني
يشبه نعام جافل من ذريفي=اول شكوك وتالي الزول باني
اقفى يومي بالجناح الخفيفي=والريش شالته الثنادي السماني
عليه من يوصل سلامي حليفي=عياد شوق مفلجات الثماني
عياد حيثك بالمعاني ظريفي=وتقلط ياليا هاب الذليل الهداني
حالي على مضنون عيني عنيفي=وصايفٍ ماهن على مودماني
ياغصن موزٍ ناعمٍ مستريفي=متمرجحٍ بين اللزى والسواني
صخف بلطف للنسايم يهيفي=نبونوب لاوبنه ولابه مثاني
رجلي اليا شافت عشيري تقيفي=تحير رجلي ماتعدى مكاني
له مبسم من كل ذرب نظيفي=يضفي على اللي كالزهر قحوياني
[/poem]
رد مع اقتباس
المفضلات