[mark=#000000]
[bor=000000]
السلام عليكم
تسيف انتم
وش اخباركم
وش علومكم
اليوم جايب لكم قصه تسويه ليدي الجميله
اليد التي لا تخطأ ابدا في لعب المصاقيل
المهم
والاخ طالع من مدينه المجمعه اكيد تعرفونه
ورايح وين ؟؟
رايح لهاوسي بيتنا >>على قولت ناصر
المهم
ومعي معزا يحبهن قلوبكم
ما مثلهن شي
وما لكم بالقصيره
وترتفع حراره الموتر
ام عزيز درايش هندل غمارتيين >>بعيدن عن الشفايين
وترتفع الحرارة
وكل شوين موقفه ومستريح وبعدين اعبيه ماء
طلع به تسريب
وكل شوين لاعب غميمه مع الصخال
اللي هم ملحان وملوح ومملوحه >>الاخوان سود
عاد العجز قالن لي وخر وش تبي تبنا نلعب لعب صخال
واخيرا وصلت القصيم وقبله بكيلوين رز
اقصد كيلوين متر
وقفت الملويه
وانا استعجل وافتح الطباقه حقت الاديتر
ومسوي وذف لابس تسوس (خفازات/قفازات) لغير الناطقين للغه التركمانيه
لا وجلد بعد
وسبحان الخالق
ويصيرن متشققات (متمزقات)
ويدخل الماء الحار ليدي اليمنى الرشيقه >>رشيقه من جنبه
المهم
وتسوا يديني والتفت الا كل من مر يضحك بعمق علي
ويطلعن سنوني من الفشيله
تسيف صرت مضحاتسه(مضحاكه) لخلق ربي
وتلوى واتمرغ(اتقلب على جمر الغضا واتقلب) بوادي الرمه
وطول الخط وانا مطلع يدي من الدريشه
وكل من عقبن قام يتشفى وش بالاخ واللي يطق اشارات تحدي واللي شوين ويقول بكم الصخال وامهاتهن والمعزا وبناتهن
على فكرة وش معنا
وغد
امسى بالليل اتابع فلم ويقول ايها الوغد
واسف على صغر الموضوع واتمنى ان يحوز على رضاكم
اخوكم بالله
ابو ناصر
الشاكي
Alnasser
الشيخ دكتور طيارسيكل متقاعد سنه ربيع الدمنه
لجميع اللغات
[/bor]
[/mark]
رد مع اقتباس
الحمدلله على السلامه
المفضلات