كوزمين واهانه للسعوديه في ارض السعوديه

[ابو ضاري]

سلوكيات لا تمت لأخلاق المهنة
وتشويه لها بأسواء صورة
يفترض احالته لمحكمة مسلكية بتهمة الاساءة
و الحاق الضرر المعنوي
ومنعه من دخول البلاد ..
حسبنا الله ونعم الوكيل
مشكور اخي الضاري

هذه اللي طلعت معه المفروض ان يمسك اعصابه

شكرا شام لوجودك في الرياضي

[ابو ضاري]

والله يالضاري لا اهانه ولايحزنون ..

لكنه انتقام من الهلال ومن كوزمين نفسه ..

بداية الموضوع الرجل كان متحمس للسلام على الامير سطّام
وكان اول الطابور الهلالي للسلام

لكن (قذارة) رجال الامن في استاد الملك فهد وتعاملهم الهمجي
وطريقة دفعه ..
هي اللي اثارة حفيظة كوزمين
اما مسألة رمي الفانيله الرجل لم يرميها
نزله على خشبة التتويج وبأمكانكم مراجعة الفيديو

بالنسبه لامن الاستاد
ماهي اول مره ومعروفين بتعاملهم الوصخ اذا تتذكر المطيري اللي نزل بمبارة الاتحاد والنصر ..
من بكرى صرّح بالصحف ان رجال امن الاستاد شتمو ( اهله)

يارجل لحجي معوه اول متوسط وعطوه سلطه وش توقع منوه

فالمسأله كبروها زياده وهي ماتستاهل
لكن يظل الهلال هلال بكوزمين او غيره

احترامي

هدي اخو مشعل جيب راسك احبه

المفروض وانا اخوك انه يحترم نفسه حتى ولو غلطوا عليه رجال الامن

بعدين تصرفه غير لائق ...

مشعل انا هلالي واحب الهلال لكن مثل هذا التصرف غير لائق بمدرب وماخذ الكاس

معك الهلال يظل بغير كوزمين ..


اخير احب راسك ياخو مشعل ولا تعصب

[ابو ضاري]

وليش ما تقول ان رجل الامن الصناعي منعه انه يدخل ونرفزه


او حاقد على الازرق

ياخي رح شف المقطع واسمع التعليق عليه بعدين

من يقول انه يبصق على رجل الامن
http://www.youtube.com/watch?v=8zpQKUZ4h1Q

حتى لو ينرفزه يابو خليف المفروض يحترم نفسه ولا يمسح بالفانيله ويرميها

بعدين احسن انه ذلف صراحه اللي مايحترم نفسه لا يحترم

على فكره انا هلالي ولا ارضي من مدرب فريقنا ان يظهر بالصوره

[ابو ضاري]

انا صراحه اشوف المقطع عادي ... والمدرب لا اهان ذوي الاحتياجات الخاصة ولا شي

واضح انه معصب .... والشخص المعصب غير مسئول عن تصرفاته ... وهو بصراحه

مشكلته مع رجل الامن اللي يقولون عنه ما بين انه بصق عليه ولا شي والصورة لا توضح

مشكلته الوحيده رمي الفنيلة والمدرب تأسف عن ذلك .. وعلى كلن هذي ردت فعل متوقعه

اذا كان تنرفز على شي ومن منظورة ان هالشي يستاهل ... وسلامتكم

شامان معصب او غير معصب المفروض ان يحترم نفسه اما البصق واضح تابعها مضبوط

المفروض يكون اكبر من كذا

[ابو ضاري]

^
^
^
أنا شخص لا أمت للكره بصلة ..: وسابقاً لما سمعت هذا الخبر , ألحقت اللوم بهذا المدرب ..!

ولكن بعد مشاهدة هذا المقطع ..: نوجه اللوم , وبقوة إلى رجال الأمن , الذين وللأسف الشديد , هم مثال لدولتنا العزيزة على قلوبنا جميعاً ..!


رجال الامن ..: أنصح أن تقام لهم دورات لرفع مستوى الأخلاق في مثل هذه المناسبات ..!


تحياتي للجميع

يحتاجون الى دورات ..شكرا لك ياعبدالله لاهنت على المرور

[ابو ضاري]

الضاري ..

نصـراوي علـى بطنـك

ياخـوكـ .. كـوزميـن ما بصـق ولا شـي ..

وليـت القـرار قال كذا .. وانه مح بالنفيله خشمـه ..

لكـن القراار اللي صـدر ..

يقـول امتناعـه عن اللام على راعي الحفـل و خلـع الفنيلـه !!!


بعديـن قبـل كـل شـي في شـي اسمـه تحقيـق وانا اخـوكـ

الحاصود انا هلالي لكن مثل هذه الاخلاق لا تليق

بمدرب الزعيم

من عرفناه وهو معصب خله يروح ولا يرجع

[ابو ضاري]

قط الفنيلة اللي به صورة طويل العمر هههههههههههههههههههههههههههههههههههههههه هههه

رآح فيها هالأحامر



يمكن يكون أخطا العسكري او اللي هو بس قوية أمن صناعي

بس ماتوصل لأنه يستهتر لهالدرجة ... بس بالاول والأخير هلالي دآيم على حق



بعدين يالربع المدرب مايدخل قبل رئيس النادي يمكن الموظف اللي بشركة التنظيم قاله سقها خل رئيس النادي يدخل قبلك ... وهو معروف خلقه إنه عصبي





ليتن موظف بالجوزات ابي اختم على علابيه بعد

خالي رماها ولا حسب لها حساب بس بصراحه من عرفته وهو معصب وهذا لا ينفع ان يكون مدربه ...شكرا خالي على المرور

[حمـود]

اخي الضاري

شكرا لك على مشاعر الجميله

حتى لو كان العسكري جاهل

تحمل

بصراحه اخلاق زفت

اجل يمسح بوجهه العرقان من بعد المباره

بصور ولي عهد دوله

قمه الاهانه للدوله هذي

[حيل حليل]

لا اهانه ولا هم يحزنون
وواذا على العرق
اجل شلون يحطون صورة ولي العهد على فنايلهم وهم معرقين
المفروض يتروشون بعدين يلبسون التي شيرت اللي فيها الصوره
ورجال الامن وسلمان النمشان معروف تخبطهم من سنوات
وانتم تذكرون سالفة خالد رافع
وسالفة عبدالرحمن بن مساعد يوم يرفضون انه ينزل الملعب
تخبطات عديده من الاتحاد السعودي ومن ادارة الاستاد
ولكن يظل الهلال هلال
ا

[عبدالله المهيني]

أنا والله ماأشوف لا إهانة ولا غيره

أنا أشوف إن القائمين يصفون حساباتهم مع المدرب ومع مسؤول هلالي رفض تدريب المدرب للمنتخب






والله عفيه عليهم اللي أصدروا هالقرار

لأني مستغرب كيف قدروا يكسبون تصفيق الجمهور




الرياضية بمثل هذه القيادة

قل عليها السلام وبالعافيه على الدولة الخليجية المدرب الداهية