نذخ x نذخ
[align=center]
السلام عليكم ورحمة الله وبركاته
يالربع النذخ ماهو زين
فيه شايبن مزيون وعيالهم يطرحون الطير من السماء وهي تمسك جنيتي على هالشايب
قلت ابي اخذ منهم
<_ على طول يقرر بدون مايشاور
وهو يصير عشاء عند عمي وموقف برآ انا أنتظر واحد يجي أطلبه
ماخذيت شوي الا هذا الرجال ومعه عياله 2 صغار <_ بأقل من جزء من الثانية الا كاشخ ووجهي قالبن على شكل قلب حب
وأرحب واهلي شوين وانقز على رجل من الوناسة
يوم دخل وأنا أخذ الدله واقوم أديره وفنجال ورا فنجال وعيوني صايراتن ورديات والعدسه على شكل ورده صارت
يوم خذيت شوين الا الرجال قلب وجهه ويالله يحتسي
من الحماس صبيت له فوق الــ15 فنجال
واصب له شاهي وبس اراعي للكاسة ابيه تخلص ابصب له خاف احد يسبقن <_ علشان يقولي وش وليدة هالعرب هذا ابزوجه
المهم أن الرجال ألتمس كل شوي يلتفت ويراعي لي انخرش قلبه <_ حسيت انه مطلوب امنيا ويحسبن بحث
وهي تجي اللحظات الحاسمة <_ يبي يقلطون العشاء
<_ حس ان الأضاءه طفت وأن الاضاءه مسلطه عليه وصوت موسيقىا وجماهير تصفق
وأروح امشي اعوذ بالله تقل ديك
وأشيل لي صحن مفطح لحالي <_ من حيل الله قوي
وأروح للمجلس ابحط الصحن قدام ابو نسب
وهو يصوت لي عمي ياولد هناك هناك وأقول بقلبي ماني مخلي ابو نسب يروح للمقلط سقها بس
يوم دخلت المجلس حسيت بأحساس كن واحد مدخل يده بالعامود الفقري ويسحبه قوه
وهي توجعن تسبدي وأجي طاير ابي الفكه هههههههههههههههههههههه
الا هذا صوت ابوي يصوت لي <_ منخرش قلبه من أبوه
كل شي الا ابوي عادي يمسطن بالعقال قدام الرجال ماعنده اي مشاكل
وأخذ فوق تحت على سرعه
وهي تزل رجلي واجيك اسابق الصحن للارض
وهي تنشب خشتي بذنبت الطلي
وأرفع راسي بسرعه وأراعي لأبو نسب وأتبوسم وهو يحب يده <_ حسيت ان حلمي بنسابته بدىا يتلاشا
وهم يشيلوني مع المطفح بس انا ودوني ورا البيت أبوي يبيني بكلمة راس أسرار عائلية لحد يتدخل
وهو يهاوشن أقول بقلبي كله فدا لعيونتس يافلانة <_ طلع اسم من عنده
آخر شي طلع الرجال ماعنده بنات
وكل هالنذخه والعجله ماأستفدت منه شي
والحين اذا شفته حتى ماأسلم عليه <_ راعي مصالح
توسدو إحترامي
[/align]
رد مع اقتباس
المفضلات