ياثقل طينة هالآدمي أكيد تعرفونه
هذاك الي لابس أربعة ثياب وفروة وشماغ وشال لاف مساعيدهم من تحت حنوكه و رابطهم بالعقال قيض شتا ليل نهار ماعرفتوه ياشيخين هكالخبل أو هو يتخيبل ما أدري لو هو ضابط إستخبارات متنكر أو مسكين من هالمحرومين لكن ماخلى من الغث والقشارة شين أكيد عرفتوه.
هذاك ألي يأكل صحن فلفل حار ولاتدمع عيونه ويشرب ترمس شاي وترمس قهوه ثم يطلب لبن وعصير فواكه مشكلة.
عرفتوه هذاك الي يجيك كل يوم ويمدحك ويسب الناس كلها لازم عرفتوه منهو الي مايعرف الي يجيك وقت الغداء وإذا رحت بشغل تلقاو عند جارك وقت العشاء لو جارك من أقصى خلق الله يقول أنا عاني لجاركم هذا ولالقيته يتسذب.
مايغثن إلا سوالفه التي يستنطقك بهن غصب كل سوالفه على صيغة إستفهام وتعجب وتقريرية وهذا الشيء الذي يزعجني فيه.
يقول المريكان أطيب منا يالعرب صنعو السيارات صح وإلا لا؟ أكيد تقول صح ثم يقول بس حنا أكرم منهم صح وإلا لاء؟ وينطط عيونه بك ويشر عليك بأصابعه صح وإلا لا صح وإلا لا تقول صح قال لكن ماهو كل العرب طيبين صح وإلا لا تقول إلا يقول أنا أسكت ما أقول شين لكن البريطانيين نجسين صح وإلا لاء تقول نعم يقول لكن إنهم أفضل من اليهود صح وإلا لاء تقول يمكن يقول لا هم الي جابو اليهود لفلسطين صح وإلا لاء تقول نعم.
ينفز لليابان يقول الكايلكس ممتازه صح وإلا لاء تقول إيه ثم يقول لمن الكامري أحسن صح وإلا لا تقول لا يقول على الأقل اللاندكروزر أحسن منهم كلهم صح وإلا لا تقول صح يبتسم ثم يقول لكن شيخ السيارات الجمس عطي الله صح وإلا لا.
أكيد عرفتوه ولازم جاكم ملرة ويمكن بعضكم طرده وصك الباب دونه وهذا الشيء الي يبي يحصل معه مني في آخر المطاف صح وإلا لا.
أرشدوني ماذا أفعل؟
رد مع اقتباس
[/align]
المشاركة الأصلية كتبت بواسطة مصقال
المفضلات