يا مال الشام ...
[ALIGN=CENTER][TABLE1="width:100%;background-color:black;"][CELL="filter:;"][ALIGN=center]
يا مال الشام لما نقول يا مال الشام لأي شخص يروح عقله للحلويات
على اساس أن اهل الشام مشهورين بصنع الحلويات الشرقية
بس اليوم موضوعي ماله علاقة بالحلويات ولا بالحلى
بل بالأحلى و هو تراث الأجداد وكيف كانت المدارس أيام جدي رحمه الله
هذه الحكايات كانوا يحكوها الاجداد في ليالي الشتاء و إحنا كنا نسمعها
صيف وشتاء و بالأعياد
كيف ما ذهبنا لعند بيت جدي كنا نسمع نفس الحكاية ..
وكل ما جاء جدي عندنا كان يحكي نفس الحكاية ..
المهم ياكرام .. المدارس ايام جدي وهذا الكلام كان بمرحلة الثلاثينيات يعني
بين 1930-1940 ما كانت مدارس كان اسمها ( كتّاب ) و الكتاب هم الاولاد الذكور
يذهبوا للكتاب لتعلم القرآن الكريم والحساب بس ..
بينما جدتي كانت مدرستها اسمها ( خجا ) و الخجا هي غرفة في منزل كبير
تخصص لاستقبال البنات بس لتحفيظ القرآن الكريم و الأحاديث النبوية و الحساب
يعني 1+1=2 وهيك شي ..
جدي كان يقول كانت ألوان ملابس الكتاب ( المدرسة بذاك الوقت ) لونها اسود
و كانت فترة الدراسة من الساعة 7 صباحاً لغاية 4 مساءً و كان في مصلى
لأجل صلاة الظهر و العصر ..
بينما الاستاذ كان شكله مثل شكل الممثل المشهور ( عبداللطيف فتحي )
اللي كان يرتدي الثوب و العمامة و القفطان ويحمل بيده عصا ويا ويله الطالب
اللي مو يحفظ القرآن كان ينهال عليه بالضرب ..
جدتي كانت تذهب للخجا وهي غرفة بإحدى الدور الدمشقية المعروفة طبعاً
و كانت البنات تجتمع هناك لتتعلم القرآن والحساب
بس الحلو برواية جدتي عن الخجا إن المعلمة اللي كانت تعلمهم القرآن
كانت ماشاء الله و الله يرحمها ( سمينة كتير ) يعني لما تجلس بدها واسطة
ولما تقوم بدها مساعدة من اي بنت موجودة بالحلقة الدراسية ..
أما الطريف بالأمر هو طريقة التعليم شوفوووا كيف كان يتعلموا الطلاب
مو مثل ذي الايام كمبيوتر و آلة حاسبة ودروس خصوصي و مافي نجاح لأ
كانت الابجدية ع الشكل التالي
أ ( الالف ) لا شيء عليها اي مافيها نقاط
ب ( الباء) وحدة من تحتا أي نقطة تحت الباء بتصير باااء
ت ( التاء) 2 من فوقا اي نقطتين وتصير تاء
و الثاء كذلك
و الحاء لا شيء عليها
طبعاً الى أخر الابجدية العربية المعروفة ..
ثم تبدأ دروس القرآن الكريم وهي عبارة عن حلقة للتحفيظ و التسميع
و كان الطالب لازم يحفظ جزء من القرآن الكريم اللي هو ( جزء عما)
وفيه قصار السور كلها طبعاً ..
أما الحساب مثل قلت 1+1=2 بالقلم والدفتر و الممحاة
وجدول الضرب و الجمع و الطرح ..
كانت تلك الأيام فعلاً يامال الشام
للأسف راحت الشام وراح معها كل شي حلو
جيلنا صحيح متوفر له كل شي من كمبيوترات و دروس ومدارس
لكن للأسف مافي نجاح ومافي فلاح ..
سقى الله يامال الشام ..
[/ALIGN][/CELL][/TABLE1][/ALIGN]
رد مع اقتباس
المفضلات