وجهي يخم القمر

**سطام الزميلي** · 28-02-2009 01:08

بسم الله الرحمن الرحيم ..

يسرني ويسعدني أن أنظم لكوكبه شعار مضايف شمر ..وهذي أول قصيده لي عندكم ..
وهذا لي أكبر شرف أنا أنظم لموقع له صله بقبيلتي قبيله شمر ..

أتمنى هذه القصيده أن تنال رضاكم وأستحسانكم وأتمنى أن ترتقى لذواق الشعر النبطي ...

تقبلوني شاعر عندكم ..

شرعت بيببان الفكر وامتلا جوي….مطر
وانهمر بصدري نهر….ودقات قلبي رعود

ومادمت ياصدري للنهر سيل و مجــــــــر
ابحرن يابنات افكاري ..والوجهه سنــــــود

ما انا اخو حمسه كانك ماجبتن …..درر
ولاقصيدي قصيدي كانني بالدرر مااجــود

البارحه عرفت ليه بعض الاوادم…ينتحر
لان الرجل لا انقهر يموت موتة صمــــود

راسي ينوش الثريا ووجهي يخم…القمــر
تزود السماء فوق وازود وتزود …وازود

لين وقفلي سماها وجيتها كلي ….طــمر
وقل للحسود يموت من القهر قل للحســـود

واليوم ابنخى وابي اطوح عقلها والغتـــر
مادامني عن ديرتي دار الشمــــــال محدود

هموم وغموم وساويس ونوح وســــــــهر
يالله عساها للذهاب ويالله جعلها ما تعـــــود

ياراعي الجوف جيتك وابي فزعة عمـــر
يوم اكثر الناس شحت ويومن مثلك يجــــود

ان كان غيرك يطيب ..خابرن طيبك بحر
شوف عيني يوم حبل الطيب بيديك معقـــود

وانت عود …….وطيبك من حره جـمر
والعود لولا الجمر مافاحت ريحة العــــــود

ابوسلطان دامك ظهر وعزتي للي ماله ظهر
ابنخاك يوم انك بالمراجل ماتقاد وتقـــــــود

مثلك وش مثلك اخاف اقول وينكسر..شطر
لان من اسمك ابياتي يجيها ذهول وبــــــرود

ياعقاب عقاب الفيافي لاصفقها….بالنحر
يكش جلد السماء لاهد ….والصيده طــــرود

والله لايبطن كل العذارا من بيض وسمـــر
يجبن مثلك….ولوهي كل سنة(ن) ولــــــود

ومادام يابو سلطان عني وصلك الخــــبر
ارجي عساها من وراك ……سهود ومهــود

وختمتها بالعود الازرق وصوت النــــجر
تفك مغاليق الصدور…..وترقصلها النـــــود

أخوكم الشاعر/ سطام الزميلي ..

**((عبدالله بن غيث))** · 28-02-2009 03:29

حياك الله أخ سلطان ../ ويامرحبا والله ومسهلا ..!
نتشرف فيك أخ عزيز وغالي ..!

صح لسانك .// والله يوفقك ننتظر جديدك الاجمل ..!

**أبو روز** · 28-02-2009 03:33

صح لسانك يا سطام

قصيدة جزلة ومن راس جزل

والله يحقق مطلبك

**سطام الزميلي** · 28-02-2009 07:09

صحة ابدانكم جميعا واشكركم علي المرور

**عبدالله معيوف المويس** · 02-03-2009 08:50

صح لسانك يا سطام

ابيات ممتعه

بداية رائعه

ننتظرمنك الكثير

**الحاصود** · 02-03-2009 11:03

تقبلوني شاعر عندكم ..

أخوكم الشاعر/ سطام الزميلي ..

أخـوي سطام ...

أبياتـك تفتقـر لـ الـوزن ...

وانـا أستغـرب إصـراركـ علـى كتابـة الشاعـر ؟؟؟

وأستغـرب أكثـر

سكـوت الأخـوان عـن نقـدكـ ؟؟؟

وتـركـ القصيـدهـ إلـى الآن فـي مضيـف الشعر النبطـي ...

وعـدم نقلهـا إلـى المحـاولات ؟؟؟؟؟

سطـام ..

أنا مأني ناقـد ...

ولا أقـول جميل او لاء !!!

لكـن الشعـر وزن قبـل كـل شـي ..

شكـرآ لـك

أخـوكـ

**سطام الزميلي** · 02-03-2009 15:46

الحاصود كلك ذوق

وعمر القصيده هذه تجاوز نقدها...... وعرضت على شعار كبار بالساحه ولم اسمع اية ملاحظه

بس يمكن لاني كنت القيهااااا بلساني.
حبيت اذكرك انه(الغاء الشعر يختلف عن قرأته تماما) وهذا جعل اكثر الشعار لايحبون النشر بالمجلات وماشابهها......
الحاصود.... الاختلاف بالراي لا يفسد بالود قضية...........
بس ياليتك كملت طيبك واشرت الي الخلل بعينه
راح تسمع كثير عن سطام الزميلي داخل او خارج المنتدي بس اتمني تجهز نقدك البناااااء

ولا تستغرب من كتابة كلمة شاعر فأنا لست كاتبها وانما الشعر كتبهاااااااااا؟
يقول الله تعالى(واما بنعمة ربك فحدث).......
يقول حبيبنا ومعلمنا فهد عافت....اردا الشعر قول يجيك بمحله....واحلا الشعر قول محله يجي فيه

(تيك يور تايم تو اندرستاند ات)
وشكرا

**الحاصود** · 02-03-2009 15:56

((الحاصود.... الاختلاف بالراي لا يفسد بالود قضية...........))

سطـام كلـك ذووق إنـت وللـه ...

بـس اذا إنـت متـأكـ مـن إملائـكـ .. ما أعتقـد إنـي قريتهـا غلـط ...

يعنـي هـو ما هـو شطـر ولا بيـت ولا بيتيـن ..

القصيـدهـ كلهـا ما عرفـت لهـا جـال وانا أخـوكـ ...

علـى العمـومـ ...

أنا ما أشـكك فـي شاعريتـكـ .. ولا أحكـم عليـكـ ..

هـي مجـرد وجهـة نظـر ..

وانـت يبـدو من كلامـك إنـك تقـول هالقصيـدهـ قديمـه !!!

آتمنـى نشـوف لـك نـص غيـرهـ قريـب ..

ويا هـلابـك وحيـاكـ

أخـوووكـ