..( شتات الفراق)..

[ليلى بنت عبدالعزيز]

في عصر يوم الثلاثاء
الساعه الرابعه وعشرين دقيقه
عام 1/1/2007 ميلاديه
رحلت
رحلت الي حيث الفراق الآبدي

:

:

:

تركتني وحيده خائفه ضائعه ..

[ليلى بنت عبدالعزيز]

مدخل /
يبه حزنــك هلكني
وجروحــي كثرت وكبرت..
أبي مرسى يضم الخوف ..
أبي مـــأوى لأسفــــاري ..
أبي حضـــــنك ينســــيني
تعب أيامـــي وآلامــــــي ..

ياكثر الهموم اللي على القلب ورّاده
توارد على قلبي من العام واطردها
*

يطول السهر بمحارب الحزن وجهاده
طوابير همٍّ هد حيلي مجاهدها
*

تصبرت والحزن أكثر الصبر مافاده
خيالٍ مع الايام عندي يجددها
*

يجدد على جفني معاناه وسهاده
وحنينٍ يلوف الكبد مدري يقددها
*

سوات الغريب اللي من الشوق لبلاده
يعد الليالي والدقايق يعددها
*

وانا غايبي تحت الثرى غاب فالحاده
عزاي الدموع وونتي بس ارددها
*

حبيبٍ رحيبٍ كل الاجواد شهاده
مزاياه يظهر للبرايا ,, تفردها
*

حليف الوفاء والجود والطيب له عاده
من أول شبابه ساق روحه وعودها
*

على العود الأزرق وأشقر البن وقناده
وعلى حايلٍ بياعها ابطى مجودها
*

يمينه سخيّه فالمواجيب نفاده
وسجاياه من كثر المعاريف خلّدها
*

ضحوك المحيّا بين الاحفاد واولاده
دروب الوعر للي يباريه مهدها
*

ابوي وغلاي مقلد العنق بقلاده
من العطف هو واللّين روحي مقيدها
*

فقدناه واحتجناه مير الولي راده
والى وقّفت مافيه شيٍ ,,,يمددها
*

عسى الرايحات اللي من البرق وقّاده
تزايد مطرها كل ما دن راعدها
*

تهشّم على قبره وبيداه وانجاده
كسا قاعها عشبٍ من الوسم جلّدها
*

وعسى منزله في جنة الخلد ياساده
مع الاولياء روحه إلهي يخلدها
*

وعسى الله يصبرني على الوقت وعناده
وسهر عيني اللي كل ليله يزودها

مخرج/
يـــــبه أنــــاأغليك
ينادوني ,,, يا بنت عبدالعزيز
ويزيد بي اسمك فخر ليا
اه يــابــوي لـو تــــدري
كـــم ليالي(ن) مرت عليا
تمر الثانيــــــه ســـــــاعات
وأموت وأنا ميــــــــته بليّا ..

:
:

صارت الايام على موتك تعزيني

[ليلى بنت عبدالعزيز]

حالة انتظار ممزوجة بقلق وفرقعة اصابع
:
:
:
آه
..يارب سمعني خير

[ليلى بنت عبدالعزيز]

ماهي الأ،، سويعات قلائل
:
:
يافرحة جامحة
ياحزن جديد

يارب ...برحمتك أستغيث

[ليلى بنت عبدالعزيز]

8
8
8
كل يوم تقول غداً
وقلبي يزداد خفقه
متاهل للجرح أكثر من الفرح
إعتاد على ذلك
بل عشقه حتى الثمالة
/////

[ليلى بنت عبدالعزيز]

هنا فقط أتنفس وبعمق ...

[ليلى بنت عبدالعزيز]

I MISS YOU SO .....MUCH

[ليلى بنت عبدالعزيز]

:
:
من قبل خمسي تعانق معك خمس
وكفوف ../ قلبك تحتظنها كفوفي

غيرت فيني كل أحاسيسي الخمس
كني.../ قبل لقياك ماكنت أشوفي

[ليلى بنت عبدالعزيز]

أشتقت لك ...
وربي فقدتك ياغالي

[ليلى بنت عبدالعزيز]

قــــلبي ,,, لايغري بالدخول