عــصـــر ـالخـمـيــس
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
عصر الخميس براس عالي تعليت = ياليت مزموم الحجر مارقيته
هلة دموعي يوم لرجم نطيت = رجم الشقا من دمع عيني سقيته
يارجم شرفبي على ماتمنيت = اوصل نظر عيني لدار(ن) بغيته
جوهة شرا فيحان خصه بتثبيت = شفي علوه بالنظر ياهديته
ديرة هوا بالي لقربه تمنيت = اللي هواني بالهوا واهتويته
عانيت من بعد اريش العين عانيت = الحزن من فرقا حبيبي جنيته
ياصاحبي غالي علي لو تغليت = ابطي لغيرك قامتي ماحنيته
يابو خدود(ن) كنهن شارق الليت = بزين النبا قلب المشقا سبيته
اذهبتني ياداعج العين غثيت = قلبي وانا مغثتك مانويته
يسيح بالي لذكر اسمك ليا اطريت = واحس بلحظات الفرج يا قريته
لحيك وميتك ياهوا بالي اغليت = لو تنشري نفحة نسمكم شريته
اشوق لنفحات النسم به تداويت = حتى السقيم يطيب يامن عطيته
وخلاف ذا لمدني البعد دنيت = يم الديار اللي بوصلي نويته
ياركب اللي ماركوبه السرابيت = من مصنعه توه جديد (ن) قنيته
ياصارلي لازم بركبه تهقويت = لولاه يقضي لازمي ماشريته
لو سيم بالغالي على على الجيب عييت = تر راس مالي لازمي ياقضيته
لبو طواري لحامل الخط مشيت = يضحك حجاجه ليا انطرق باب بيته
تلقا الجماعه حاضبينه لياجيت = ترتاح لو ان المساري سريته
يبهج حجاجك مجلسه ليا تحليت = قبل نشوفه سامعين (ن) بصيته
من اخواة سعدا مشيدة كاسر البيت = لو ابعد فعولهم ماحصيته
عضدي ليا مني عن الحق قزيت = ادناهم اللي يفرحك يا نخيته
يافهيد الجبهان بالخير مسيت = طال الزمان وحاجتي ماقضيته
غصة بحلقي قالتي واستخفيت = بعض الخطا مابه بركة (ن) خطيته
مليت من كثر المراجات مليت = وانت الفهيم لمقصدي وش عنيته
رجواي ثلاث سنسن وقت توقيت = وتحطمت امال حلم (ن) بنيته
وان ماحصلي داعج العين وليت = ولحد(ن) يحس بجمر غل (ن) وطيته
الا انت يلي بقو رايك تقديت = انت الجنب لساقتي واحتميته
عن واهج الجوزاء بذرك تذريت = جمل المحامل للمدالي سنيته
الحر عن حامي لهيبه توقيت = عضدي على قضي اللزوم اعتبيته
على موارد صاحبي يوم اطليت = اقصيت عنها والركايب نحيته
وانا على عهديلها ماتخليت = لو كلفن ما املك عشيري شريته
عهدي على وضح النقا ما تبريت = مضمون انا دروب الردا مامشيته
تحصيل حاصل ليت ماينفع الليت = عليك حبل الياس بيدي طويته
ناجيت نجوم الليل معها وغنيت = دوك الجروح بوسط قلبي كميته
اضناني سهر الليل وقته سماريت = اخذت همه والسعاده رميته
مهو تخيل واقع ماتجنيت = طمحت لكحل العين لكن عميته
ليت البدايه مابدت يوم سجيت = وليت النهايه لقصتي مابديته
خطيت خطوه عقبها ما استقريت = ليته جزاني بالجزا ماجزيته
دقة نواقيس الخطر واستفزيت = واطعت مزبور النهد ماعصيته
ازريت من صرفة بعض ناس ازريت = عوج الهروج الهوج غصب كليته
اجي على نفسي ولو كنت ما اخطيت = اداريه و موق عيني رعيته
اللي ذرف دمعه علي يوم مريت = اتوق له واللي بكاني بكيته
سجدة سهو اسجدلها كان زليت = خلي ملك نفسي وطيفه وليته
في كل ما املك من احاسيسي اصغيت = طيف يطوف ومن ضلوعي كسيته
اشوفها في ناظري ليا تمريت = واسج سجات بخيالي نعيته
بسمي وبسمه لتعابير خطيت = نبي الفزع من طير شلوى نصيته
سمي سموه واضح لسمه اطريت = قطعت وصله عقب جاني وجيته
خاب الرجا في بيرق العز ما اوميت = كاس العسل زين الطعم ما احتسيته
لاسالي (ن) عني وانا ماتسليت = ينوح نوح الورق وانا عويته
رجواي له رجوا الذي يرجي الميت = ظروف الزمان اللي جمعتنا هجيته
حتى ولو اني على شوفه اشفيت = افطار صايم حسبة ٍ ماقضيته
ذنب كتبه الله وانا ما استعديت = الله بلاني فيه وانا ابتليته
عفواً تحملت المتاعب وكليت = منك السموحه ياعشيري نويته
وفيت انا بالعهد كامل وكفيت = واللي نضنه ماهقيته لقيته
ناس على بعدك عني تشعل الزيت = لو ان اجروحه في يديني دويته
هذا خلاصة ماذكرة وتنقيت = ليت النظر عن شوف زوله وقيته
ونهايته على افضل الخلق صليت = على محمد والـه وصحبه وبيته
[/poem]
رد مع اقتباس
نعيم ابوالمجد
المفضلات