حفظ ورحمة رب العالمين

[نوف الفهد]

الأخ القدير المحترم عبدالرحمن

كثر الله من أمثالك ياطويل العمر .. والله يلهمنا على ذكره وشكره وحسن عبادته إن شاء الله

والله يجعلنا من عباده الشاكرين

الله يسلمك .. وعسى الله يحفظك ولا يضرك ياطويل العمر

أسعدني وشرفني وجودك وردك على موضوعي المتواضع

دمت كما تريد أخي القدير

أختك
نــ بنت الفهد ــوف

[نوف الفهد]

أخوي الضاري

ياحياك الله ياخوي

نورت موضوعي المتواضع

شرفني تواجدك والله يسلمك

دمت بحفظ الله ورعايته

أختك
نــ بنت الفهد ــوف

[نوف الفهد]

الأخ القدير جداً سيف الدولة

وجودك في صفحتي المتواضعة إنما هو وسام فخر لأختك نــ بنت الفهد ــوف

أفادك الله ياسيف الدولة وحفظك بحفظه ورعايته

دمت كما تريد

تقبل أرق تحياتي

أختك
نــ بنت الفهد ــوف

[العَـــروب]

هلا يا نوف

موضوع فعلاً جميل

بالنسبة لي .. الموقف اللي حصل لي على كبر .. مو بأيام الطفولة ..

حصل لي حادث سيارة قبل فترة بسيطة << ما قلت لاهل المضايف علشان ما يحاتوني

منظر السيارة بعد الحادث يقول ان اللي كان فيها ما طلع حي

بس ولله الحمد ما طلعت الا برضوض بسيطة وعدّت الامور على خير

بصراحة شفت الموت بعيوني


والحمد لله على كل حال



شكراً نوف .. والحمد لله على سلامتج

[شامان]

مرحبا

موضوع مأساوي صراحه ... ولكن بفكرته جديد
تذكر مصائبنا يذكرنا بعظمة الله ولطفه علينا
ووجب حمده وشكرة .. واللجوء اليه في مصائبنا
والله يبعد الضر والسوء عنا اجمعين اامين يارب العالمين

نوف الفهد ... بصراحه قرأت جميع المواضيع
واحسست اني خدرت وانا أقرأ تلك المواقف

لا انسى يوم ان من الله علي ابني بالنجاااة ( حفظ الله لكم ابنائكم )
هذا سلمكم الله في يوم كنت بغرفتي وكنت بطلع مشوار
.. وكان عندي الولد واقف عندي وطلع من الغرفة
ومافيه دقيقه الا صوت بريك ( فرامل ) بالشارع واسمع لجه
وانزل اركض تحت حسيت ان هالصوت جاء بولدي
... نزلت حافي شفت اخواني بالشارع
والا في سيارة جيب واقفه بالشارع واسئلهم ؟
وين الولد قالوا بالسيارة اللي داعمته وابوي معاااه ...
طمرت بالكرسي الخلفي والا أبــوي
راكب جنب السايق والولد بحضنه وثوبه الابيض دم
ولا حركه يتحرك . . . والرجال صاحب السيارة يرجف
. . يقول والله ما شفته هو طلعلي من البيت فجأه
الاكيد انه ما حرك لين قاله ابوي هذا ابو الولد
اللي جالس بالكرسي الخلفي وترك السيارة
ويحلف ويقسم لي .. وانا ما بين عيوني الاالولد
قلت : يابن الحلال حرك نبي المستشفي الحين
واللي الله يكتبه راح يصير . . .
واذا توفى الولد لا قدر الله هذا ابوي يشهد ::
ترى انا مسامحك ما ابي منك شي
لكن حرك ودنا المستشفى
ورحنا وجاء اصدقائي للمستشفى ودخلوا مع الولد لغرفة الحوادث
وانا جالس انتظر لين بعد ربع ساعه
خرجوا والولد يمشي معاهم ولله الحمد
( طلع اللي فيه سحجات وجروح سطحية ) وكان بالسيارة ومغمى عليه .

الله ستر وهذا من فضل ربي لله الحمد والشكر . . .
نوف الفهد ...
لازم تعوضينا بموضوع يحكي عن اسعد اللحظات

وبإنتظار هذا الموضوع

[لوليتا]

*
*

يالله


الدنيا ابتلاءات
ولو عددنا المأسى ما بنخلص

والله انا ما يحضرنى مواقف كثيرة
فى موقف اتذكرة من حكايا الوالد عنى وانا صغيرة
وكنت ما زلت وليده وفى بداية حركتى وكنت ضعيفة الجسم نوعا ما
وما دروا بى الى وانا اقع على الارض من على السرير
ويشيلنى ابى الا وانا فاقدة النفس ولونى يزرق ولا احط صوت ولا منطق
الا ربنا الهم ابى انى ينفخ فى فمى يسوى لى تنفس صناعى
والا والحمد لله يرد ربى لى الروح من جديد
وها انا ذا كبرت وصرت بينكم هنا
وهناك موقف اخر بس صار لبنتى الحقيقة وهذا انا عشت الموت معه
كانت توها صغيرة واغير لها ملابسها وهى نايمة على السرير
الا تلعب فى توكة شعر مدرى تسمونها شاباصة اظن
وتحطها فى فمها وهى نايمة على ظهرها طبعا
الا تدخل فى حلقها والبنت تزرق واقلبها على وجهها ما تتنفس واحاول اخرج التوكة ما تطلع
قلت خلاص البنت راحت فيها كنت منهاره تماما
ندق على ظهرها ما تتحرك ادخل اصبعى فى حلقاها ما تطلع
ونجرى جرى على المستشفى وكل هذا والبنت تزرق اكثر وجزع وهذه اللى بحلقها
الا واحنا بالطريق ومن كثرة ما حاولنا نحركها الا تطلع
يالله اتشهد انا كأن الروح ترجعلى انا والبنت ترجع تصرخ وكملنا للمستشفى لان حلقها جرع طبعا طببوها واعطوها حقن ضد التلوث وكذا


ااااه يا نوف
قلبتى علينا المواجع

موضوع حلو رغم مآسية
انسانى وتذكيرى باننا بشر اضعف ما نكون
وبين يدى الله وفى اى لحظة ممكن ننحرم من هذه الحياة وعلى ابسط سبب

سبحان الله الحافظ الحامى

تشكرااات غاليتى على الموضوع الانسانى

وفى انتظار المزيد

لكِ كل الود

*
*

[نوف الفهد]

العروب

هلا وغلا بأخيتي

يا حياك ربي يالغلا

وألف الحمد لله على سلامتك

غدى الشر إن شاء الله

تفداك روحي ماهوب حديد السيارة ياطويلة العمر

الله يحفظك والحمد لله إن ربي سلمك لنا يالغالية

الله لايضرك وأسعدني مرورك وشرفني ردك ياقمر

لا خلا ولا عدم والله يديمك لكل من يحبك وتحبينه

تحياتي لروعة قلبك

أختك
نــ بنت الفهد ــوف

[نوف الفهد]

أخوي الغالي شامان

أولاً حياك الله وشرفت صفحة أختك المتواضعة

ثانياً ألف ألف ألف الحمد لله على سلامة وليدك والله يحفظه لك ويخليه يارب ويتربى بعزك وعز أميمته

طبعاً رحمة رب العالمين وحفظه في المقام الأول هو اللي نجى الولد

وفي المقام الثاني جودك يا ابن الأجواد في مسامحة الرجال لو لا قدر الله صار للولد شي وإنك معترف بالقضاء والقدر

عساك تحيا وتدوم وعسى الله يبقيك ذخر لوليدك ولاخوانه وخواته ولزوجتك ولكل عين ترجيك

وإن شاء الله يارب تفرح بتخرجه ووصوله لأعلى المناصب وتزوجه وتزوج عياله وعيال عياله بعد

شامان أخوي ألف شكر على مشاركتك وحضورك الرائع وإن شاء الله تبشر باللي يرضيك وأنا أختك

إذا ربي كتب نكتب عن السعادة ياعلها فال كل من بالمضايف

دمت بحفظ الله ورعايته ولك مني كل التحية والإحترام والإجلال

أختك
نــ بنت الفهد ــوف

[نوف الفهد]

لوليتا ياقمر

حياك الله ياعيون أخيتك

شرفتيني بوجودك في الموضوع ياقمر

وألف ألف ألف الحمد لله على سلامتك وحفظ الله لك عشان نشوفك نور ينور مضايفنا

ثانياً ألف الحمد لله على سلامة البنت الله يحفظ لك إياها يارب ويحفظك لها قولي آمين

إنتي أم وأدرى إن قلب الأم مثل الورقة

ونعمة من الله انه ثبت على قلبك وعقلك وألهمك تنجزين شي

فيه ناس يتخدرون ومايدرون وش يسوون

لكن الحمد لله على سلامتها وتتربى بعزك وعز أبوها إن شاء الله

الله يديمك بحفظه ورعايته ياعسل

وألف شكر على وجودك وحضورك الرائع

دمتِ بحب

أختك
نــ بنت الفهد ــوف