يكون عندك اخو اصغر منك نزغه عادي
انه يكون عندك اخو بالمتوسط مثل سناعيسو عادي
يكون عندك اخو عله ونشبه ودلوع مايخالف
لكن يكون عندك اخو عمره ماكمل 15 واسلوبه اسلوب
واحد 51 هذا اللي مايخش المخ
هذا يالربع عندي لي اخو عمره حول هالخمس طعش
اسلوبه اسلوب شايب الا شايبن خالص بس ماله لحيه
للحين
يعني على سبيل المثال
تقوله وش امنيتك بالحياه وش ودك تسوي ودك تدرس
تصير دكتور طيار يقاطعك وانت تكلم ويقول ماتودينن للمعزا
ولابي لك شي
افضل الاوقات عنده اذا تطارح مع صخل او حوار قبل يومين جيته
فاغصن لوه حوار على الشبك ههههههههه
شعندك يافلااااان قال عشان اذا كبر يذل مني<---سياسي التسلب
خوذو مثال ثاني
قبل تقريبا اسبوع ونص بالاختبارات خلق الله يذاكرون وهو عندي انا
على النت الساعه 12 وهو حاط الكتاب عند رجله ويراعي للتلفزيون
وجالس بسروال وفنيله قام من عندي مافطنت الا لابس ثوبه وشماغوه
ولابسن [ جبه ] عندوه مايمشي الا به قلت وين تبي يافلاااااان
قال ابنام
ماينام الا متلطم بشماغه اصلا شيبان هالوقت ينامون بهاف
وهو متلطم وكاشخ
حاولت اغير اسلوبه ابيه تلحلح شوين مار مامن فايده
فاللي عنده نفس الحاله يشاركنا لعلنا نجد له حل
اللحين هذهو وراي مصخن ولابس التطقيمه ثوب ملون شماغ
مهو متسوي متلطم لابس شرابات العايله وداهن رجلينه بفازلين
ويقول ودوني لابو خلف ابيه يتسوينن عن الخشه
بالله هذا وغد ؟
وش اسوي ؟
رد مع اقتباس
[/align]
المفضلات