@اقتراحات@ [ دعوهـ للنقاش ]

**عبدالله الجعيثن** · 25-02-2009 08:11

للجميع شكرا

انا وضعت الموضوع هنا لنناقشه بيننا.

ولا كان وضعته بالاقتراحات والشكاوي!!

وسأعود لكم واحد واحد

هات الكرسي والطاوله يالجثري

**عبدالله الجعيثن** · 25-02-2009 08:13

المشاركة الأصلية كتبت بواسطة ابو عارف

أصبر علي بس المنصب الجديد ورايح أشتتهم لك أخلي الواحد ينزل موضوع ربع سنوي بدلاً من هالإغراق الرهيب ماتعرف تقراء أو تكتب أو ترد ربشه كإن رئيسنا الجديد حال بينهم.

ماتعرف المنصب الجديد لا إسأل وتعرفه بس رشحني ياعبدالله

أنا معك جملة وخياطاً قصدي وتفصيلاً

شكراً على هالتقرحات المنتازة بجد.

تقبل تحياتي

عمو ابو عارف

انا ماحب التعسف وأحب الامر يكون شورى

الموضوع فلاوي وبنفس الوقت جاد

شكرا لقلبك....انحش جت عجايب

**عبدالله الجعيثن** · 25-02-2009 08:15

المشاركة الأصلية كتبت بواسطة سناعيسو

لا إقتراحك هاذا ماأعجبن ياأبوغازي
يعني وشوله
وش الفايده
ذالن توجعنا تسبودنا من القراييه
واستلم سلامي

هلا يالذيب

الموضوع اخذ عطا طال عمرك

السالفه ماهي منع بقدر ماهي توازن وترتيب

يعني بيوم تلقى ثلاث مواضيع وبخمس ايام مانلقى ولا موضوع

**عبدالله الجعيثن** · 25-02-2009 08:18

المشاركة الأصلية كتبت بواسطة مصقال

مسا الخير عبدالله

التعديل الأول من الدستور الأمريكي تنص مادته على مايلي :

يحق للفرد حرية الرأي والتعبير

ياخي خل الناس تستانس وتسولف

وانا اكثر واحد احب اسولف..بس نبي ترتيب مجرد ترتيب

ووشتبي تغمتهم وبالعكس هذا ينعكس بالايجاب على المنتدى

اقول سولفوا واستانسوا وماعليكم منه

هلا بمصفال

طيّب عطنا رايك واقتراحاتك

**عبدالله الجعيثن** · 25-02-2009 08:22

المشاركة الأصلية كتبت بواسطة حيل حليل

والله اقتراحات ممتازه
لكن انا مو مع الزام العضو بكم معين من المواضيع
لانه احيانا تمسك معك تكتب موضوعين بيوم
واحيانا موضوع بالشهر

وليه مايخلي المواضيع بملف على الوورد بسطح المكتب وينزّل موضوع كل 3 او خمس ايام
يعني الشغله مزاجيه بالدرجه الاولى

اما باقي النقاط اللي ذكرته انا معك بهن

وبعدين الظاهر مو انا الحول
اشوفك صرت اكثر مني بالحوله

ناسخ موضوعك ثلاث مرات وانت ماتدري

الظاهر حتى كمبوتري زعلان معكم..

قام يقرن مثل بارود الغيثي

تقلد فيدة الشبث

**الشبث** · 25-02-2009 11:27

انا اتفق معك يابو غازي في ان كثرة المواضيع من شخص معين

مثلا

الشبث ينزل كل يوم او يومين موضوع

ويطلع بالاسبوع منزل حوالي خمس مواضيع على الاقل

بيما يوسف تلقاه منزل موضوع واحد بالاسبوعين

انا مع كثرة المواضيع بشرط تعدد الكتاب

وانا اللي يخليني اكتب مواضيع كثيرة في الفترة السابقه هو قلة كتابة الاخوان

ولا ودي اترك الفله بدون مواضيع جديده يومياً

ومن ناحية الكتابه عن ظواهر اجتماعيه

راح ندرس هالفكره ونصيغه بالشكل المطلوب

مثلا

نكلف الكتاب للكتابه عن كذا

او مثلا

نحصر الاشياء التي نرغب في الكتابه عنها ونراسل الكتاب للكتابه عنها

راح يكون فيه اجتماع موسع ندرس هالاقتراحات

واعلن من هنا توقفي عن الكتابه لمدة ثلاث اشهر قادمه لفتح المجال للاخوان

اما من ناحية المزمزه فأعتقد يابو غازي ان مجرد اسمها هو ما سبب قفل الفله

فراح يكون فيه دراسه اكبر للمزمزه

ولاهنت

وتقلد تحيتي

**أحمد** · 25-02-2009 19:27

[align=center]
^
^
^

يالربع هالرجال ماينحارش

شبيثان عسى ماشر

وش ثلاث شهوروه وشو حشيشوه

اعقل بس هذا وانت العمده
[/align]

**ابو ضاري** · 25-02-2009 19:32

لاهنت على الاقتراحات

بعدين تبي تاخذ ثارك من المزمزه

المزمزه غيروها بطريقه افضل لانها ماتعجب الكثير

**حيل حليل** · 25-02-2009 19:42

وليش تتوقف ثلاث شهور
حنا اصلا مانشبع من سوالفك

بعدين يالربع لاتعقدون الشغله وهي سهله
شوفوا كم موضوع يكتب بالعام
تراه دبل اللي ينكتب بالفله
وبعدين مو لازم تقرا او ترد على الموضوع اول ماينزل
اقراه اذا فضيت
وبالنسبه للمزمزه
انا من رأيي اننا مانفتح موضوع خاص فيها
حتى ماتصير بيننا حزازيات
واذا كنتم تبون تفضفضون وسوالف وضحك
افتحوا شات لمدة 24 ساعه
ونجلس نتعلل فيه

**يـــوسف** · 25-02-2009 20:32

جاري تسجول الملاحظيات <_ يقاله مسوي مهم

حيل حليل أنا اتفق معك وانا ضد المزمزه ورافض فكرته رفضا مبرحا <_ برآآآآآآآآآآآآآآآآآ

الشبث وش عندك انت هآه براسك شي