منصور
أول مرة أشوف هالمشروب الأحمر ( كود رد) لا ومن اليوم وأنا أقراه خطأ:)
بس ما شالله عليكم الثلاجة مرتبة >>>>شكلها عشان التصوير :)
صوري اليوم لها قصة (الحمامة وبيضها) :)
يوم من الايام وأنا جاية من الدوام ..وأنا ألاقي بنات خواتي بالغرفة داخلاتن تحت الستارة؟؟؟؟!!!!!!1
وأنا أسألهن وش عندك قالن فيه بيض حمام على الدريشة:(
ويالله كل يوم اجي من الدوام القاهن مترززات تحت الستارة والا الاقي اثارهن في الغرفة ..
والا في عز القايلة تختلني وتدخل وهي تجر كرسيها عشان ترقى عليه وتشوف بيض الحمامة..
ومرة يوم جيت من الدوام والاقيهن يطامرن على السرير ؟!!!!!!!!!!!!!!!!!
قلت خييييييييير وش جابكن قالن يوووووووووه ياخاله نبي نشوف الصوص متى يطلع ..؟؟؟؟
قلت ماهوب طالع لانكن كل شوي مطيراتن أمهن من العش ويبرد البيض... البيض لازم يصير دافي عشان يفقس ..
لا عاد وحدة تقول خاله نبي البيض ينفقش :)
والثانية تقول شكلي باخذ البيض واحط في موية حارة عشان يفقس ويطلع الصوص:)
هههههههههههههههههههههه
قلت لا ياخاله انت بتجيبين اجله..:)
ويوم جاء العصر وهن يقومني يصيحن ...<<<< ياركهها للفزعه من النوم لا ونومه القايلة
قلت وش فيكم؟؟؟ قالن طاحت بيضة من البيض ماعاد فيه الا وحدة ماندري وين راحت الثانية؟؟؟!!!
قلت اكيد انكن خوفتن امهم وطارت وطاحت البيضة أنزلن وشوفن يمكن تكون طاحت بالحوش..
ونزلت لقن البيضة منفقعه بالحوش..... ويقعدن يصيحن وينوحن على الصوص اللي فيها مات :(
ومن بكرة جيت ولقيت لهن آثار... المجرم لازم يكون لجريمته بقايا...
مسحباتن كراسيهن ومدخلاتها الغرفة .. عشان يطلن بها المطل :)
![](http://www.l5s.net/upjpg/e9W45919.jpg)
وأنا أرفع الستارة .. وأطل بشوف هالبيض اللي كل يوم يعسنه.. ألاه كد فقس >>> ياحرام أمس البيضة الثانية طايحه :(
وهذي صورة الصوص الوحيد ..
![](http://www.l5s.net/upjpg/Tjm45919.jpg)
هاه وش رايكم بها البنيات الغثيثات...
لا ترى ماسلمت منهن لين كبرت الحمامة وطارت ...
ومازالن يقولن ليه ياخاله الصوص طار؟؟؟!!
قلت خلاص صار حمامه زي أمه وطار :)
المفضلات