يالربع كيف الخلاص من هالآدمي الملقوف خويي راعي الضبان قليل الحياء الليلة وكل ليلة أبرك معزومين عليلنا عرس لواحد من طرف الجماعة ويوم تعشينا وعينا من الله خير جاء أبو المعرس وجلس بجنبي يرددن بالسلام وكنت برفقة الوالدالله يحفظه.
يوم بغى يروح من عندي قلت نبي نغدي هالمعرس بكرا قال لاوالله يبون يمشون للعمرة بكرى العصر ولانقدر نربطهم وهو عاد مثل ماتشوف سراء مع خويته ولاندري لو ماينامون إلا بالرياض .
يخي يمار أبو ضبان أقرب من أبليس لأبو المعرس قلت أكيد سمع إنه ماوافق على عرضي عليه وبغى يتمدح يعزموه وهو معروف ماعمره عزم أحد وخذواه على جنب ودار بينهم الحديث التالي الذي ماعرفته إلا بعدما إستلم أبو ضبان المايك وأعلن للجميع عن العداء يوم غدا الجمعة الحوار:
قال يا أبو فلان لاتكسح أبو عارف هذا تشريف لكم وله وكرامة إن حضر ولدك وإلا البركة فيك وبهالربع والله ماترده كلمة تر أبو عارف يبي يزعل عليك ياشيخ قل تم قال يا الأجودي والله ماله داعي والمعاريس مسافرين الله يغنيكم قال أبد والله ماترده كلمة طالبينك تسمح أبو عارف هالمرة قال لاحول ولاقوة إلا بالله وبرأسك مدام ملزمين لكن تروني ما أضمن لكم جيت الولد يقصد المعرس قال بسلامته قال تم الله يقويكم قال جزاك الله خير.
خوينا إستلم المايكرفون وقال سلام عليكم وطاب مساكم ياجماعة الخير الحاضر يعلم الغايب الغداء عند أبو عارف بكراء الساعة الواحدة ظهراً ويقول لايتأخر منكم أحد الله يحيي الجميع,هنا أوجست لي برودة تمشي مع سيقاني وجهه فوق وغصة بحلقي ورجعت لي الكحة قال أبو عارف أبشرك أن الربع وافقوا على الغداء عندك بكراء بهالصالة الحلوة الله يوفقهم.
قلت حياهم الله تاكته العبرة مايدري كيف يتصرف وقع الفأس بالرأس.
رجع لي أبو الولد وقال إسمحلي يا أبو عارف يوم ماوافقت معك أول مرة لكن أخوك أو هو ولدك هذا والله إنه غصبني على الموافقة غصب ولكن الردة تعوض بالشردة الله يغنيكم جايينكم إن شاء الله ودنا والله لو إختصرتوها علينا يالمعاريس وعليكم ماودنا إنكم خليتوها عرس ثاني.
المعرس ذابح بعير جمل ببطنه جمل وعشرون خروفاً ينطح خروف إنهبل أبو عارف.
ماهو الحل مع المروح هذا الي يعزم الناس على الناس ؟
ماعندكم سلف إلى بكرا أو أحد عنده ذبايح ونرجعهن له العنز بتيس والتيس بخروف.
ماجاني نوم هي تفتح حظائر الأغنام بالليل؟
لاحول ولاقوة إلا بالله.
رد مع اقتباس
المفضلات