مساكم با أهل الفلة
هذا مرة أيام الدراسة بالجامعة والواحد مننا توه خاط شاربه ومسوي فيها رجال غصب
(مهو مثل ألحين الواحد الشنب نص أو صفر ) عادي عولمة
المهم لو تطلب منه أي حاجة قال بهالشارب
حتى لو تسأله كم الساعة ؟؟؟؟؟؟؟؟؟؟ قال : بهالشارب الساعة عشر ونص
طيب وش دخل الشارب بالموضوع أبعرف ليه ؟؟؟؟؟؟؟؟؟؟؟؟
الوكاد ومسوي الواحد مننا رامبو ولا عنتر وتلقى كل سوالفه
مرة مسكت واحد ودبيته ومرة تحاشموا علي شباب وأنا اصفق واحد منهم وأنحاشوا الباقين
وكان معانا واحد من هالطقة
وكان يسولف لنا وكنت معجب بسوالفه لدرجة أني حطيت صورته عندي معلقها على الجدار علشات أصير زيه
لكن كنت أتمنى أني أشوف له هوشة (live ) علشان أتعلم منه فنون القتال
لكن مرة من المرات أنكشف الزيف والخداع و سقطت ورقة التوت من عليه
راح مرة يجيب لنا عشا من مطعم بخاري ولكنه أبطى وأيامها مامن جوال علشان كنا طلاب وعلى
قد حالنا المهم بدت التساؤلات شفيه فلان أبطى ؟؟؟؟؟؟؟؟؟؟
ولكن كنا نقول فلان ما ينخاف عليه ذيب وقدها بس الله يستر عليه كان ماسووا له كمين
شلة من 11 واحد مدججين بالسلاح ويجونه غدر
المهم مادرينا ألا وجرس الشقة يدق
درررررررررررررررن درررررررررررررن
وقمت بسرعة تقول محمد الدعيع وأقمز على الباب ويوم فتح الباب
وأشوف واحد مسكين حالته حاله وثيابه مشققة ووسخه سكرت الباب بوجههه
وأنا أراعي وجيه خوياي مفهين كلن فاتح أفمه والهوا يدخل بفاميهم وهم مادروا
وقلت لا ماهو خويننا مسكين الله يستر عليه
لحظة ولا ألي ورا الباب يصوت أفتح الباب فتح الله راسك أنا خويكم فلان
وبعدها خيم الصمت على الجميع حتى واحد من العيال معاه الريموت كان حاطه على قناة
الجزبرة يسمع الأخبار سكر الصوت وبدا يسمع الخبر الأهم
رجعت فتحت الباب ولا خوينا مندب له دبة تقول محمد علي كلاي حاقد عليه
أثاري الغبي متحرش بـ 2 شباب في مواقف المطعم وحصلها
قعد يلتقط أنفاسه ويراعي لي ويقول ( بث ماعليك وريتهم الثغل )
مع قدحة شرار بعينه
والله العظيم ماحلفتوني إن فيه طبعة نعل على علباه وصدره
وبعدها من بكرة رحت للمطعم وقص علي الأفغاني السالفة كلها
وطلع خوينا ممسوح فيه الرصيف
ومن بعدها صار ماعندك أحد وصرت أنفخ عليه وصار حق مزمزة نمزمز عليه كل ليلة
وحتى هو قام يتقبلها بكل ود ورحابة صدر
وكل مانمر من عند المطعم أقول له هاه ماودك نتعشا رز بخاري
يقول لا خلها شاورما أحسن
وشكـــــــــــــــــــــــــــــــــــــ ــــــرا
[/align]
رد مع اقتباس
المفضلات