قبل سنين طويله
تقابل رجالين في مكان
وكل واحد منهم شعرراسه ابيض من الشيب لكن باين عليهم انهم مهم كبار بالسن
فقال الاول
سلامات خير ان شاء الله ليه راسك شيب يالحبيب ؟
قال الثاني
انت هالحين معجبك زين لون شعرك
انا وانت بالهوى سوا
قال الاول
والله يالغالي انا صارت علي سالفه وشيب راسي
قال الثاني حتى انا والله صارت لي سالفه شيبت بشر سيقاني مهو بس راسي
قال الاول حلوووو ليلنا سوالف
اجل ابقولك سالفتي وانت تقولي سالفتك
قال الثاني تم
قال الاول
انا كنت رجالن داشر
لا شغل ولا مشغله
واموري كله دبور
وين ما اطقه عوجا
وكنت عايش على السرق والنهب
واعيش على اللي اسرقه خصوصا من البدو اللي يرحلون
اذا شفت عرب راحلين امشي وراهم
واذا جاء الليل وناموا
اجي لاخر بعير واسرق اللي عليه اي شي عليه
كنت عند نفسي بليه مصيب ما احس فيه احد يقدر ياقف بوجهي
وبيوم من الايام
كنت امشي ورا عرب راحلين
ويوم جاء الليل وناموا وانا اشيل اللي على اخر بعير واحطوه على كتفي
وفجأه
ما انتبهت الا هاللي شالني انا والغرضان وحطني على كتفوه
ابي اتحرك
يمين
يسار
ياعدل
يابدل
يالربع وش هاللي شالني
وش هالمصيبه
ويمشي بي
ويخش بين شجر
ويدخل بي بمغاره
ويصفقبي بالقاع
ويربط رجلي اليمين بيدي اليمين
ورجلي اليسار بيدي اليسار
ويبطحني على بطني
يوووم فتحت عيوني
ولا هالشيفة القشرى
ادمي بس مهو ادمي
عيونوه تقل طماطن منفقش على جدار
تقل والسنون ياربي يا كافي
والجسم بعير مرهم ادمي
واشوف النار مشبوبه ( بس مهي سالفة دلال وعلوم رجال )
وفيه رجالن مربوط مثلي
ويبدوا ان الحبيب على وشك
وهو يقوم المعزب ( امحق معزب )
وياخذ ساطوره
ويضحي بالضعيف اللي قدامي ( ياربي لك الحمد انوه يمشي بالدور )
وهو يحطوهعلى النار ويقوم يشويه
يوم خلص المشوي وهو يقوم يقطع وياكل
وهو يقطع ويحط بأفمي ويقولي كل
بغيت اقول كل تبن بس ذليت يشويني
يوم خلص ابو الشباب وهو يراعيلي
قال هذا عشاي الحين
وانت باتسر غداي
بقلبي اقول ياااااعله ما تطلع شمسك يا مجررررررم
وهو يحط راسوه ويجعصه نوم
وانواع الشخير
وانا اقوم افكر ياااااربي وش اسوي
ميت ميت
صرت مثل اللي يقولون يشوف موته ولا مات
ومن فرفرت عيوني حولي طاحن عيوني على النار
وهي تجيني فكره
وانا اقوم ازحف ليما جيت النار
وانا احط يديني ورجليني بالنار
ابي النار تقطع الحبل
ويالله ينقطع عقب تشلوطت
وانا اقوم
وانا اعض لساااني
واراعي للمروح ليمار يشخر
وانا اخذ الساطوووره
واصفقوه بالجبهه
وهو يصيح هكا الصيحه ( الله العالم هي اللي شيبت بي )
وانا احط رجلي
وادوووس كل طبلوني
يوم خذي شوين
ولا هذا هو يلحقني
والساطوره بجبهتوه
وعندك عندك
وعندك عندك
وكل شوي يقرب لي
لين بغا يمسكني
وربك
وهو يضرب شي مادري وشو لاني عيوني طايراتن قدام واركض بكل امانه واخلاص
ويوم طاح وانا ارجع عليه واخذ الساطوره
وانواع التكميخ
ليييين مات
وربك فكني منوه
وهذي سالفتي اللي شيبت بي
وانت وش سالفتك
قال الثاني
ايه والله ودي اقوله لك
بس الشبث يقول طولت على الاخوان
وبعدين تقوله لهم
نتابع قصة الاخ الثاني بالمرات الجايات
واسف على الاطاله
وتقلدوا تحيتي
رد مع اقتباس
سالفه تخوف
المفضلات