قال ايش جدة غير
هذى سلمكم اللة من عدة سنين ايام قولة مشينا قم مشينا واللة من الفضاوة
الأشخاص الذين نتكلم عنهم والقصة واقعية :
ركبنا نحن الخمسة متحاشرين بهكا السويويرة وين يم جدة نبي
السلام على واحد من الزملا بالجامعة وررررررر على طريق حائل المدينة
منتفخة روسنا ولنا شهر وحنا نبشر الناس مستانسين اية نبي جدة ....
المهم بعد تعب ومشقة (هكالحين مانعتبرها مشقة وناسة سوالف وضحك)
وصلنا جدة؟؟؟؟تخيل الساعة وحدة ونصف ليلا ماكان فية جوالات ولا بياجر
وين سييييدة على سكن الجامعة ونجي عند البوابة ؟؟؟؟؟؟؟
عسى ماعادت من جية .
الباب مغلق والدنيا تقل مافية احد واللة وحنا نلقى هكالحجازي
ياولد ؟ رد علينا : واد في عينك بلا ؟ قلنا:أفا من اولها دبغي
وبعد مشادة تكللت والحمد للة بالنجاح المنقطع النظير .
وحنا نتشاور ياشباب السكن مسكر وش الحل ؟ والمادية ترقل
الزريقاء توجد لدينا بقلة ؟ وش الحل ؟ مافية الآ البحر خلنا نتسدح
ونتمرمح الين الصبح ؟ بس الطريق وين ؟ماجينا البوابة الآ بطلعة لروح
بعد بحث وتتقص وبخشيش على قد الحال وصلنا للبحر ؟
الحالة عند الوصول :
الجوع (واجد) ؛ الفراش (مافية) ؛ الماء (صحتين حارات )؛ الرطوبة
(الجسم منها حارب الثياب ) ؛ النوم (لافرش ولا مخاد (مساند) ) .
واللة وحنى نلقى هاكالمكين ور الآحنى متسلقطين فية ؛ نزلنا
ننظر يمين يسار الآ بجنبنا واحد سوري او لبناني ماندري اييييييية
تدرون وش يسوي ؟؟؟؟ يشوي ياناس واللة يشوي ؟؟؟؟ ااااااة من القهر ؟
بس ولا يهمكم اللكاعة موجودة وللة الحمد وبكثرة ؛ تدرون وش سوينا ؟
قمنا نطول اصواتنا من الجع ( ماندل لامطعم ولاشي ) نحسبهم مثلنا من
عشاهم مسكرةالمحلات تدرون وش نقول : ااااااة يازين المشوي ؟ يازين
شوي الشامي ؟ هذى الشغل للي يبي يشوي ؟ من هالكلام الرجال يسمع هلكلام
وزجر (انتفخ راسة ) ( أغتر ) شوي الآ يوم خلص المشوي ؟؟؟؟؟؟؟
وحنا كل واحد يقول بصوت واطي جدا ( اية ياملا الزاغد )( ياملا كسرة الضرس )
نتدعا علية من الجوع المهم وحنى الواحد بلشان بس انتمطق ؟
مافطنى الآ المشوي بالصحن بيننا (ماندري هو رحمنا ولا من تزجيرنا فية )
قال كلمتين ايلى هالحين ماندري وشي (ماحنا يمة ) يم هالصين وبثواني
لآتكاد ان تعد هذاك علمك بالمشوي ؟؟ عسى ماتكونون مشوي بيد جوعا
ايييييييييية هالحين نبي ننام وش السواة ياشباب ؟ كلا يدبر روحة
واحد قام يدور رضم(حجر) يبية وسادة والثاني لقا كرتون والثالث بالسيارة
بهكالحر والرطوبة والرابع جمع قصادير ولففهن نبي وسايد للراس
والخامس اقعي على الشاطي قزاء النوم من عينة مايللام .
المهم طلعت الشمس ؛ تقل ارتحنا شوي ؟ بس متى يفتح السكن ؟
ياااااااة الوقت يالربع وقف ياللة يمشي ؛ قلنا نبي نغير المكان نبي
انتعلم السباحة بس مانبي احد حولنا ؟مستحين تخيل مستحين ؟
انتهى الجزى اللآول .
الي لقاء في الجزء الثاني :
* ماحصل في البحر
* الدخول للسكن
* التجول في الآسواق
* الحجازي المنسم
*التشليح
* العودة
اخوكم ابو فيصل
رد مع اقتباس
.
المفضلات