فواز البطه ومغامرات الفصل الدراسي الثاني
السلام عليكم
مرحبا يا شباب
عودة لمواضيع الفله
ولو اني زعلان على وضع الفله بالقائمة الخاصة بأعضاء المنتدى
بالطريقة هذي راح تقل نجومية ولدنا البطه فوااااز
عودة لمغامرات فواز البطه مع بداية اول يوم دراسي
للفصل الثاني عندنا في الكويت
مثل ما تعرفون من المواضيع السابقة
أن فواز يدرس في الصف الأول ابتدائي
يعني أولى \ 5 .
اليوم وانا موديه للمدرسة يقولي فواز صح يبه حنا عطلنا
قلت صح يا البطه ، قال : خلاص انا بصير بالصف الثاني
لأني عطلت العطله الكبيرة
( الظاهر حاسب أيام غيابه مع اجازة منتصف السنة )
طلع الصج ،، يا ولدي يا فواز شلون ما يصير انت بالصف الأول
للحين ما خلصت السنة
يقول مالي دعوة انا بروح الصف الثاني
( نادوا ليالي تشوف خطيب بنتها وش يسوي )
^
^
السالفة انتهت على خير وفواز جزاه الله خير تنازل
وقال بجلس بس هالسنة بالفصل الأول
وهذي أخر مره أطبق نظامكم البايخ ،
المهم انه عاد ومعااااه اليوم وااااجب لمادة اللغة العربية
وهذي سالفتنا التالية .
عاد ولدنا فواز للبيت وعنده واجب لمادة اللغة العربية ،
والمدرس قايله اكتب الواجب ثلاث صفحااات .
جاني قالي بابا خلصت ، تدرون وش مسوي يبي يمشيها علي البطه
كاتب الجمله في كل صفحه مره وحده ،
يعني كتبت الواجب في ثلاث صفحاااات
ولا هو مقتنع فيني اقوله اكتب اترس الصفحه يقول لا
،، قال ثلاث صفحااات المدرس
وانا كتبت الواجب ثلاث مرات في ثلاث صفحات وخلصت.
والله طلايب يا الله يا الله انا وياه وانا ويااااه ..
صراحه الولد اقنعني ،، لكن جبر بخاطري قالي علشانك
ابي اعيد اكتب الواجب ثاني مره ،
في كل صفحه اعيد اكتب الجمله مره ثانية
يعني طلعنا في كل صفحه كاتب الجمله مرتين فقط .....
شي زين في تطور اهم شي صراحه
انه جبر بخاطر ابوه الولد مطيع ويقتنع بسرعه <---- هين
تقبلوا شخابيطي وشخابيط فواز بصدر رحب .
رد مع اقتباس
...
المشاركة الأصلية كتبت بواسطة فتى البيداء
المفضلات