[poet font="Simplified Arabic,14,black,normal,normal" bkcolor="" bkimage="" border="double,4,gray" type=0 line=200% align=center use=sp char="" num="0,black"]
تخيل لو تموت الناس وتبقى وحدك بهالكون=وحيدٍهايمٍ تبحث بهالدنيا تبي انسان
صحيح انك ملكت الارض غنيٍ واغنى من قارون=ولكنك وحيد ولالك اصحابٍ ولاخلان
تشوف الناس جثث وعظام تناديهم ولايردون=تشوف امك وابوك اموات واصحابك والاخوان
تركض في ظلام الليل هايم كنك المجنون=ولاتسمع سوى صوت الرياح تلاعب البيبان
ترى بالموت منجاتك وتنادي تبي منه العون=تنادي هاك خذ روحٍ طواهاالهم والاحزان
تحاول تنسى احزانك ولكن ياترى وشلون=وشلون بتنسى وانت اللي مالك درب للنسيان
ترى ذي حالتي من يوم فارقتك وانا مسجون =بدنيا الهم والوحده اصارع قاسي الحرمان
ترى انت بعيني كل الناس وبغيابك هم يموتون=والله مايسلوني عقب فرقاك يالفتان
ولكن باقيٍ فيني امل انك ترد وتصون=عهدٍبيني وبينك وننسى البعد والهجران
متى اشوفك هنا جنبي حبيبي والزمن مأمون=ونسافر في ما الفرحه نعانق نشوة الفرحان
ارجع لي وانا خلك ارجع لي وانا ممنون=مع اني ماني الغلطان سامحني انا غلــــطان
[/poet]
رد مع اقتباس
المفضلات