مرقوق
[align=center]
السلام عليكم ورحمة الله وبركاته
يالله صبآح خير
تسيف الواحد حسرتن عليه يشبع نوم قبل هالدوام الغثيث
ياحلالاة بس لو أفصل
دق علي مشوين واحد من العيال وطرت علي سالفتن لنا العام بغينا نهفي بس الله فكنا
المهم اننا رحنا للنعيرية وحنا 3 بس نبي نتمشىا ونرجع بنفس اليوم ولابغينا نرجع طول عمرنا
خوينا راعي السيارة مطفوق الله يهديه وعجل ومقرود ويقرد روحه
وقصيرن ونتفه وشيفه وشاري جيب ويالله يتشبط بالدرسكون هههههههههههههه
مرتن جبت له شداد هديه قلت حطه تحتك
المهم اننا وصلنا النعيرية ونروح نتمشى بالسوق الشعبي
فقدنا خوينا المقيريد ياولد وين فلان اركض دور يمين يسار والشبكة ماتمسك
وحنا نمشي الا العالم متجمعه وندخل بوسطهم الا هذا خوينا يالله يحجزونه هادن على له شلة والواحد كبر البعير وهو نتيفه صغير لاشفته تقول عمره 10 سنين وهو يباري الــ27
وأوقف بجنبه وآراعي لوه قلت فلان بك بلا انت مختل حنا جايين نتمشىا وش تبي بهالعالم
قال شنوح يراعون لي والله لاافقع عينه يبي له واحدن يالربع لو يمسكه يمكن يفغصه فغص ماتسمع الا طقيق عظيماته
يالربع ودي أجيب لكم صورته بس تخبرون الحياة غالية وأنا ماأضمن ان هالشيفه يذبحن
عاد من زين الطبايع والحلايا مربي لوه شوشية وشعره خشن خلقتك والعافية
ومسمي روحه عقيد القوم
المهم اننا رحنا على خط الساجي وأبعد بنا هو وخشته حيل ماحولنا صبح
وتغدينا وخلصنا وخوينا الثالث يموت ويستانس لاصرنا لحالنا يرفع ضغط النتفه يما يخليه يقوم ويضربه
المهم انهم تناقرو وانا بوسطهم اصور ولي ضحك
وهو يزوده حيل على النتفه وهو يمسك شوشته ويرغ علمته بالقاع ههههههههههههههههههههه
والنتيفه يرافس تقل تويس
فكه خوينا وهو ينحاش له ركض وهو يقمز النتفه ويرتسب الجيب ووراه يبي يصدمه
وخوينا هذاك ضعيف ومعصقل وسريع وماامداهم بأقل من دقيق وهو يلف حيل النتفه
ويصفق له رمثه ويجي هو وجيبه على جنب
يالربع الله رآحمه والله اني اراعي له يقلب تقل ماسكه احد وينزل الجيب شوين شوين
وأنا اقوم لي ركض ومابين عيوني الا مخيخ النتفه طالعن مع آذانه
يوم اقبلت عليه وخويي من الجهه الثانية وهو يطلع علينا من القزاز اللي قدام وجهه مغبر وشوشته طايره وعلمته متسثيه اعوذ بالله ويقول اسحبونن طلعونن اويلي ابموت
يوم طلعناه وهو يقوم له ضحك <_ انسفه الليد من الخرعه
يافلان تعوذ من الشيطان بسم الله عليك وهو ينصفر بين يديني واشيله تقل وغيد يالربع ياحليل زمته ابد تقل زامن لك وغد ابو اربع شهور
وسعيبيله على طرف يقطر هههههههههههههههههههههههههههههه
ونغسل وجه بالماء وهو يفتح ويطير عيوناته ويقوم يدعي ويستغفر ربه
وهو يقوم آشوا مابه شين واقوله بالله امش شوين ابشوف انت طيب اكيد ولا لا وهو يمشي يوم خطا الخطوه الرابعه وهو يقوم يجنح يمين يسار وهو يجلس بسرعه
يالربع والله اني بغيت انجلط من الضحك ههههههههههههههههههههههههههههههههه
وهو يتربع ويقوم يضحك وشويشته طايره ومغبره وثويبه مدري وش قطعه
وآشوا الحمدلله سلم بس أن بوه دوخه وحنا نبلش شلون نعدل الجيب والشبكة ماحولك شي اسمه شبكة تسمع شي يقاله جوال
عقب 7 ساعات مر من جنبنا راعي جيب ونوقفه وطلعو عايله وحنا نبلش قال خويي معنا وغيد وياشر على النتفه مقفي هذاك وجالس يراعي للجيب أشوا ماشافو شنبه ههههههههههه
وفزع لنا الرجال بيض الله وجهه ومشينا والنتفه طول الطريق راتسبن ورآ ويفكر بالحرمه
عرسه هالصيف <_ اتوقع مرته تزمه هههههههههههههههههههههههههههههههههه
سناعيسو تسمع السالفة لارحت للبر لاتبعد ولاتمزح بالسياره
توسدو إحترامي
[/align]
رد مع اقتباس
المفضلات