ابو دبي
السلام عليكم ورحمة الله وبركاته
يالربع لحد يشكك بعقليتي ولحد يقول منت صاحي
يالربع قاري لوحة مكتوب عليه ابو دبي والشبث يقولي انت تسذوب مافيه ابو دبي
وريال يقولي متى نمت طلعت تمشيت سويت شي يحسبن ماني مضبوط
المهم يالربع
أخوكم بالله رآح هكاليوم للأمارات وياعله ماعادت
قمت من النوم الا 2 من العيال بالمجلس يتحروني أقوم من النوم ...<_ موقتين لي
وأجي وأجلس بينهم بدون لاأحتسي ولاغسلت وجهي واتقهوى وأراعي لهم وأراعي لساعة واحد بهم راعي نذخ ومغازل يالربع معه ساعتين وحده بالليل ووحده بالنهار
قلت وش عندكم بشقتي خير وش تبون ؟
قالو المهم اخوك جحدنا ولاهو رايح معنا قلت متسدي بكم من يخاويكم انتم
اصلا أكبر غلطه انكم عيال عم ولا لو لا العيب متبري منكم مبطي
وأستحيت عقب من المطوع واقوم واحب لحيته قلت فلان ترن امزح قال ادري بك خبل خابرك
بس ياخي نبي نمشي تبي تروح ولا لا
قلت طسو هذيك الأمارات تدلونه ماأخاوي دلوخ
وهم يطلعون زعلانين وحسيت بتأنيب ضمير أركض بالشارع ابي ألحق عليهم وأقمز الا انا متمسك بالمساحات وعلمتي [خشتي ] على القزاز والسعابيل ماطلعت
قلت ابي اروح معكم يالربع لاتخلوني تروني ابتسي
ونمشي الحمدلله ووصلنا بالسلامة لأبو ظبي الساعة 3 ونص
وهو يروح المطوع لديرة يقاله بني ياس ______> لاحظو أني بديت أتوهق
قلت فلان تكفى وش عندك بهذا ؟؟ قلي انك ضيعت تكفى
قال لا ... المعرض هنا ونبي نتحرآه
وأراعي لجوالي الا الساعة توه ماأذن حتى الفجر وشككت بساعتي قلت فلان ابو الساعات شف كم الوقت بالساعتين بالله
ودريت اني وخذت
وهو يوقف بجنب له مسجد ويرجع المرتبة يبي ينام
وأقمز الا انا بينه وبين الدركسون وامسكه مع ثوبه واسحبه فلآن تكفى قلي انك تمزح تكفىىىىىىىىىىىىىىىىىا يابعد راسي لا تقول انك تبي تنام بهالشارع
وهو يدفن الا انا عاضن الطبلون قال الا نبي ننام هنا يما تفتح المعارض .
قلت متى يفتحون طيب ؟؟ قال الساعة ثمان <_ موسيقى وغد ميتين اهله قدامه
وأنزل وأمسك جوالي ابي اكلم اي بشر وهو يعيي يدق الجوال وافزع لجوالي الثاني ونفس الشي
دريت ان الأتصالات موبايلي غدرو بي
وهو يطري علي واحدن من العيال ساكن حولنا وأدق عليه من جوال المروح
وهو يرد علي ويتكلم إماراتي قلت هيه فلان تكلم سعودي أنا يوسف
قال بسم الله الرحمن من وين طلعت انت ...قلت اجل شو الرمسة هآه خياف يسفرونك يالهاجري هههههههههههههههههههههههههههههههههههههههه ه
وهو يجينا ونروح لبيته ونتقهوى وياحلو قهوتهم شكلي أبخطب منهم <_ فآهم الدنيا غلط
المهم ونروح الصبح للمعرض ونخلص الأوراق وكل شي وقلت ماتبون شاهد زور تروني حاضر
قالو العيال نبي نروح لدبي وقلت انا معصي انا ابي ابو دبي وينه دبروه لي
مواعد الشيخ محمد بن زآيد به
وهم يلعبون بي ويودوني لدبي غصب ... وأزعل عليهم وأروح أتمشىا لحالي
ليتن مارحت غديت وتبهذلت وسبع ساعات وانا امشي مشي بطاقة الصراف عيت تسحب
والحمدلله دبرت وهي تمسك معي اشتري كندورة وشماغ وشوحط
وأطق لكم هكالطقم وانا اطلع تقل بنقالي يخطط على الجنسية
ومافيه داعوس وشارع مادخلته مشي وبس أصور تقل فلبيني
المهم طخت براسي أني أقدم طلب أننا نحصل لنا ديرة ونسميه فلة حجاج
ويوم رجعت وانحلت أموري وحنا ننكس لأبو ظبي .
قلت ابو ميحد أعني الهاجري
قال هآه قلت هات بوسة <_ وهو يراعي لي المطوع وأنا أقوم اتصدصد قلت يالربع ترو الدعوه مزوح
وأنا أشيل هكالشيلة ______> خش جو إماراتي
والشوحط يلعب يمين ويسار وكل شوي داخل بخشم اللي بجنبي
قلت اسمع انت شغال بالحرس صح مع الشيخ ؟
قال ايه وش تبي الله يلعن الساعة اللي شفتك فيها
قلت ابيك تدخلن عليه ابي اعقد إجتماع معه سري ومابي الأعلام يدري <_ توه حلت سجنتك
وهو يوقف بنص الطريق يبي ينزلن يالربع والمطوع يقولي قرب ابشم فمك
وصلخ وذبح انا وياهم ويالله افك روحي
وننزل بأبو دبي قصدي أبو ظبي وأدبر نفسي وأدخل على الشيخ <_ قوية
وأدخل عليهم وأقصد وأنا امشي والعب بالشوحط يمين ويسار يوم قربت له وأنا أجلس على ركبة وأقوم أطق رقبة
قلت شف يالحبيب من الآخير ..أنا المندوب السامي لفلة حجاج
ونبي الله لايهينك مخطط جديد دبر عمرك مو شغلي .
ونبي وظايف لشبابنا ولبناتنا وتر عندنا عجز ومطلقات وعندنا كم صمل بلشنا بهم <_ يراعي للجثري
قال طيب أبشر ماطلبت شي قلت ياخوك انتم ماشاء الله اول مره اشوف مدينة تبنا وسط مدينة
وأول مره اشوف مدينه مابه حفريات <_ تذكر طريق ابو حدرية
ولاعمري شفت ديرة من تدخله يما ترجع كله نخل
ولاعمري شفت فندق بوسط مقطعه وهالفندق اطلق من فندق الفيصلية <_ منطقة يقاله المرفأ
ولاعمري بحياتي كله شفت طريق داخل مدينة بــ6 مسارات
حنا ياطويل العمر عندنا طريق يقاله القصيم الرياض ومستانسين بوه انه اربع مسارات عزتي لنا بس
قال معقولة يايوسف ؟
قلت لا وأزيدك من الشعر بيت
العام كنت بدبي أنا .
السنة هذي تصدق بالله ماعرفته من كثر مافيها عماير مبنية وخالصه
حنا يالغالي مشروع تشوف صوره والحاله حاله تقول وش هاللي يبي يبنونه
آخر شي يطلع دور واحد والأثاث اللي فيه نصه مستعمل
قال واحد يالله شو هالرمسة ههههههههههههههههههه
قلت اقطع واخس انت آخر من يتكلم يامجمع النعول اسكت
نرجع لمحور حديثنا يالشيخ
تصدق بالله ياشيخ مدري وش شغلت المهندسين عندنا ولاعمري شفت مهندس بميدان العمل على طول يحطونه مدير ولايداوم
قال معقولة قلت لا ياشيخ اصبر
أنا من يوم طلعت على الدنيا وانا امسك طريق الدمام الشمال على الأقل 4 مرات بالسنة
تصدق بالله ماأذكر ان ماصار بوه حفريات ولاعمري مريت بسفره ولاشفت حادث وصاير عليه 4 ساعات ومحد جاهم
وهم يقومون يبتسون ويلطمون وانا احط على عيوني سعــ... يعني اني ابتسي
قال من بكرآ تروح تجيب اهل الفلة واللي يبي يجي معهم ولكم منطقة كاملة بمدينة محمد بن زايد واي وظيفه تبونه ابشرو به
قلت انا ابي اصير مدير المملكة العربية ياطويل العمر
وهو يراعي لي وشكك بعقليتي وهم يمسكوني هكالعبيد وتكميخ ودب وجلد وعض بالحوش
وهم يعطوني بكيت دخان وقالو لانشوفك بهذا ومنع من دخول الأمارات
يالربع ادري قمت أمقس بس لاتلوموني
<_ يدعي على كم وزير عندنا ....
توسدو إحترامي
رد مع اقتباس
المفضلات