!!.. تـــدل الــبيــت .!!. شــآركنــا ..!!

[طلال]

السلام عليكم ورحمة الله وبركاته

.:.
مساء / صباح
النــور
.:.

.. حبيت اطرح فكره حلوه .. ياليت الكل يشارك برايه او يضيف لنا فكره افضل ..

.:.

قبل تقريبا ثلاث اسابيع .. مسكت براسي طناخه

قلت لاخواني انا اجيب عيالكم من المدرسه .. < صغار بـ الابتدائي

المهم .. سألتهم بالطريق .. قلت .. تدلون البيت ..!!

كلهم .. ما شاء الله عليهم ..!

قالوا : اعوذ بالله .. شلون ما ندل

قلت : اي هين ..

و كل يوم .. على واحد .. كأنه السواق .. !!

يقول : لف يمين الف .. يسار .. معه يسار ..

على هالحال اسبوع تقريبا ... صح ايام .. ما وصلنا الا قبل العصر هههههه

لكن فيها فائده كبيره ..!!

* الهدف منها :

معرفه الطفل مكان منزله .

* سبب الفكره / تخصصي تربوي .

.:.


.. ياليت الكل يضيف شيء بحيث تتطور الفكره ..



.:.
.:. لا عدمناكم كلكم .:.
.:.

[عجايب بنت الشايب]

ذكرتني بمره من المراريت


قمت اسمع للبزارين رقم التليفون وأسمائهم بالكامل



كذلك ...



مره جربت .. اترك واحد من اخواني بالمنتزه لحاله ورحت بعيد


هو صحيح جاب العيد


بس فكر وراح على طوول لرجل الأمن


يعني من الخطأ أنه يسأل اي واحد





فكرتك راعيه وأتوقع اني فهمت الموضوع >>لاتثق بنفسها أحياناً





لاهنت اخي طلال


طحياتي لسموك

[بنت الجبل آخت القصيد]

يعطيك العافيه موضوع روعه ومحد طرحه من قبل
والله ياخوي طلال فكرتك منتازه جداً


بحسب خبرتي مع الصغار فانا ياما سويته ايام وايام
يعني نروح للسوق مشي وحنا راجعين اقوله يالله انت دلنا

موضوعك ذكرن بموقف صار قبل شهر معي
كنت رايحه لمول ومعي ولد اخوي صغير عمره بين 5- 6 المهم دخلت المحل وقعدت الف بين الملابس
وهو جالس يتفرج لف وراه ماشافن على طول طلع برى وسمعت صياحه رحت له وبعدين جلست اتناقش معه
ليه تصيح وانت رجل واذا مالقيتن عادي ماتدل بيتنا
وهو جالس يبرر موقفه << مسوي رجال علي

واخر شي قلت له عادي لو ضعت محد ماكلك واوريه مكان الاداره والاستقبال اللي بمدخل المول
قلت لو تضيع رح لهم وقل ضيعت اهلي
وهم بالمكيرفون يصوتون وعادي نلقاك

كذلك شغله ثانيه مثل الاطفال اللي متعودين احد يلبسهم ولو لبسو لحالهم جابو العيد
يابلوزه مقلوبه او ثوب مقلوب تلقى المخابي والازره على ظهره

فقلت له تعال الحين انت ماتعرف وعلمته شلون يعرف هو مقلوب والا لا
وفعلا الحين صار يعتمد على نفسه

ومثلا اذا جينا من برى
نعودهم مايدرعمون بجواتيهم - اكرمكم الله - على الفرشات لانه ياتراب ياغبار ياطين << بوقت الامطار
حتى جاكيتاتهم رموهن على الارض نعلمهم يعلقونهن بالمكان المخصص

وعندك حال البنات الصغار
يعني انا شفت بعض الامهات الله يهديه ماتبي بناته يطبخون بحجه يحوسون وهي منظفه
وشفت ام ثانيه تقول لهم خبصو على كيفكم المهم تعلمو
حال الاولى بناته لو ترسلينه شيلي الصينيه ماتعرف ابد
وحال الثانيه بناته اللي باول متوسط وسادس تعالو شوفو حلوياتهم ومعجناتهم يعني الدعوى كله تربيه




اكتشفت ان عيالنا يستوعبون ويطبقون النظام لو لقو احد يعلمهم اذا صار كذا سو كذا حتى اذا اخطو دايم نشوف ان العقاب اسرع من البرق لهم

نادر نلقى اب والا ام يكون بينهم وبين عيالهم اي حوار
واذا كان بدون نتيجه



بس يبون صبر ومتابعه

مدري احس اني شطحت عن موضوعك
.
.
لي نكسه لو طرى لي شيء

[عبدالرحمن]

يفترض ان يعطى الطفل جرعات الاعتماد على الذات تدريجياً
حتى ننمي اعتماده على نفسه مستقبلاً لكن اعتقد ان هذا الشيء
يغيب عن اغلب الاباء خاصة خاصة الجيل الذي قبل الذي قبلي!
حقيقة اخي طلال الكثير من الشياب يرفض ان يكلف ابنه الذي عمره فوق العشرين
بشراء ذبيحه او تصليح سيارته- سيارة الولد- فهذا الشايب هو من يقوم بكل شيء!
بحجة والله الولد ماعليه اعتماد ويغشونه وما الى ذلك من هذه الامووور!.

لك تقديري اخي الكريم طلال.

[طلال]

.:.
.:. عجايب .:.
.:.
.
.:. مرور و اضافه .. جميله .:.
.
.:. لاعدمناك يالغاليه .:.

[طلال]

.:.
.:. عطر .:.
.:.
.
.:. اضفتي موضوع داخل موضوع في الكم و الكيف .:. جدا رائعه .:.
.
.:. لاعدمناك يالغاليه .:.

[طلال]

.:.
.:. عبدالرحمن .:.
.:.
.
.:. اشكرك على تكبير مساحه الفكره .:.
.
.:. فعلا نعاني من هالشيء .:.
.
.:. اضافه و توسع لم اتوقعه و لم يأتي في بالي .:.
.
.:. الف شكر .:.
.
.:. لاعدمناك يالغالي .:.

[ميـاسـه]

روووووووووعه موضووعك وذكرني باشيييييييييييييياء مررره كثيره من بينها

ابتداءً نعلمهم اعضائهم وحواسهم الخمس وهذا تقريبا يكون بالسن السنتين <<<خبره بعيال اختها
والله يالولو تعبت وانا اعلمها يدها وين ورجلها وين بالبدايه رفعت ضغطي من كثر ماتغلط بس بعدين صرت افاجاءها واسالها هذا وشو تقول لي

وبعد نعلمهم اسمهم الكامل

بعدين نبدا باهم الارقام عندنا مثلا رقم ثابت ..لانه أأمن من انه ينفصل او يتقفل ..
نحاول تدرجيا نحفظهم العنوان اذكر الوالد جعله مغفور الذنب كان يعلمنا من ندخل المدرسه الارقام المهمه مثل الاسعاف المطافي البيت ..بعد يحفظنا العنوان ربي لاحرمه جنته
وبسن المدرسه نعلمهم مايقلون هالمعلومات الا اذا احد سألهم

بعد انا بقوول نقطه ليه زمان كانو يخفنا من رجل الامن رغم انه بالاسااس هو من يحمينا بعد الله
وانا لاني زمان كنت اخاف من رجال الامن حرصت اني انبه خواتي لهنقطه يفهمونها عيالهم

وبث اتمنى ماروحت هوون ولا هونيييك

وموضووعك للمره بعد المليوون رووعه روووعه روووووووعه لاهنت

[الشاهري العبيدي]

مثل هالشئ مهم في السوق او الحرم

لابد من تعليمهم يروحون مكان عند علم او لوحة خضراء او شئ من هالقبيل في حالة ضاعوا والأنتظار هناك



على طاري الضياع...شكل العدوة اصابت حتى الكبار ويحتاجون تعليم

في مول انا ومعي واحد المهم بعد ما خلصنا وحنا طالعين..... صرنا نتلفت يمين يسار..يا ولد انا متأكد هالصوب وهو يقول معصي بالجهة الثانية من المول وخذ من هالكلام..!

يابن الحلال اعقل تراك مضيع

المهم نص ساعة بالشمس لين ما حصلنا السيارة خلتنا نطبخ ونستوي بعد
فالدرس كان اني ما اطيعه بعد ذاك اليوم



ما قصرت اخ طلال على الفكرة

[عبدالله المهيني]

طلال

موضوعك تربوياً وإجتماعياً ومن باب الحكمة أيضاً
أكثر من رائع

أنا دخلت وقرأت موضوعك وأعجبتني الفكرة جداً
بس بعد الولد ممكن يضيع في أماكن غير البيت

لذا جت في بالي فكرة

وهي

قمت اسمع للبزارين رقم التليفون وأسمائهم بالكامل

هذه الفكرة جت في بالي
ووجدت أختي عجايب كتبتها قبلي



فالولد إذا ضاع في أي مكان كان
فرقم تلفون البيت أو رقم جوال أحد والديه وإسمه الكامل
أفضل بمراحل من دلالته للبيت



موضوعك رائع كما أنت أيضاً