زماااان يوم انا شباب كبر بناخيي ابو عارف >> فلصت التسذبه
ماكان لي بالهوى والحب والعشق نصيب
كنت على قولة اخواننا اهل العشق فضيخة قلب
همي انام واقعد واكل واروح العب كوره بس
مافيه اي شي ثاني
لدرجة اني اي مكان فيه حريم ولا بنات ما اطيق اصير قريبن لوه
وفرت الايام واستدارة عجلة الدنيا
وهي ترسلن امي للبقاله بالليل تبيني اجيب له غرضان عازمتن عجز الحاره باتسر
يوم طلعت من البقاله ولا فيه بنت شباب
وطبعاً من ورا النقاب اسكت تقل عيون ظبي
والغالبيه منهن تطلع عنز
المهم انه قرصت لي عينه بعد عين ( يعني غمزت بعينه )
تخبرون شافت هالولاد المدغبج اللي تقل شرقانن بماء هو وسبلتوه يوم شافه
وانا اقوم اتليه
وراه
ومن جهه لجهه
ومن طريق لطريق ليما وقفت عند باب بيتهم وهي تشر لي
طبعا انا فهمته يعني اندزلع يالخبل لا تنكبنا معك
وانا اديور
بس ياشيخين مهو حفظت البيت الا اضيع بيتنا ولا اضيعوه
وانا راجع للبيت وانا اقوم اهوجس
واول ما دخلت على امي قالت هااااااه جبتس البزااار
قلت بزااار مين والناس نايمين ياااااايمه
قالت وشبلاك تقل تبي تنصفر
قلت ان العيون التي في طرفها حورون .. لعنن جدف بزار مامتنا
قالت اقوووول وشبلاك
لايكون ناطن لك جني بصم الله عليك
واقط البزار عليه واروح لغرفتي
واتحظن وسادتي
وطول الليل اكتب من هالقصايد
واتبطح على سريري
وانواع الغيوم فوق راسي
احلاااااااام هبلت بي
هالحين ما ادري وين ابلقاه مرتن ثانيه
ولا فيه جوال ولا بيجر
الوكاد وكل يوم وانا عند البقاله
وهو يجي هكا اليوم ولا هذي هي
يوم شافتن وهي تبتسم
قولوا شلون عرفت وهي متنقبه
ورمن شدوقه صارت تقل مضروسه من الطرفين ( بين انه عوبا )
وهي تدخل البقاله وانا ادخل معه ( غرت عليه من الهندي عبدالمؤمون )
واول ما طلعت وانا اقوم اتليه
خبل ما اعرف اتلي لاصقن لكتفه
وانا اتشجع
واكرب على روحي
واعض لساني
من الحماس بغيت اصفقه كف
قلت ممكن تتزوجيني ( ياويلي ياحبت عيني مخلص )
قالت اللي يبيني هذاااااااك ابوي رح يموه
قلت ايه اروح يموه ليه انا ذالن منوه
قسم بالله العن جدفوه
قالت منهو
قلت راع البقاله
وهي تكشر
وانا اغول نفسي بالشارع من الحماس والنذخ ( بغا يذبح روحوه الخبيل )
يوم دخلت وسكرت الباب وانا اطقوه
وهي تفتح
قالت نعم
قلت ابي ابوتس
قالت وش تبي بوه
قلت ابخطبوه قصدي ابخطبتس
قالت هالحين
قلت ايه اجل تحسبيني امزح
وهي تثور لجاجتنا
شوي ولا هذا ابوه جاينا
قال خير وش تبي
يالربع وهو يوجعن راسي من كبر الادمي
قلت انت ابو هذي
قال ايه وش تبي
قلت ابخطبه
قال رح خل اهلك يجون
قلت طيب ياخوي انا ماني كفو
قال ايه كفو بس خل اهلك يجون ويخطبون
قلت تكفى بس ابشوف
قال وش تشوف
قلت النظره الشرعيه
قال ياخوي هو كل من جانا دودلنا وجه بنتنا عندوه
انقلع من هنا
قلت واللي يرحم امن جابتك ابشوف
قال ياخوي ضف وجهك من هنا ( بداء يفقد اعصابوه )
وانا ادخل راسي مع الباب قلت ماني ماني ماني ابشوف
الله يجيركم وهو يمسك شوشتي ويصفقن بالجدار
انا حسيت اسلاك نحاس طلعن من هامتي من قو الضربه
قلت ماتعرف تمزح يادب
وهو يغولن ويشيلن فوووق
وانا اقوم ارفس بالهوا تقل تيسن معلق
قال تبي تدخل هااااااااااااه
وهو يدخلن بالحوش ويسكر الباب
وهو يبطحن بالحوش
وانا اقوم ابي اهرب
وهو يصفقن بنعلتوه بالاذن
تسيف احس طبلات اذني اجتمعن يسار
وهو يتكوم علي
وهو يقوم يرداني
حتى شعر سيقاني نتفوه
وهو يقطع فنيلتي
ويقطن بالشارع
واخذلي حول ص ساعه متمدد ماقدر اتحرك من الضرب
ويالله اجمع روحي واحبي للبيت
ومن هكا الحين للحين ما اداني اقرب لبيتهم
ولا اداني طاري النظره الشرعيه
حتى يوم تزوجت قال ابو المدام تبي النظره الشرعيه
وانا ابتسي عند الشيخ قلت ترن بوجهك
وتقلدوا تحيتي
رد مع اقتباس
: هههههههههههههههه
خخخخخخخخخخخ
المفضلات