[poem=font=",6,white,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الجوع كافر .. (والاقشر) من عقب شبعه=والقول هيّن .. لاشك الوقت وحضوضه
والورد ضامي على جالٍ نشف نبعه=وباقي المواريد يانوّخت مخضوضه
والحظ ياسعود مقفي ( اقفاية الضبعه)=ولاكل يومٍ تجيك النفس محضوضه
هقواتنا من صروف الوقت منجبعه=وحبالنا وسط (قاع البير ) مقضوضه
ان غبرت دنيتك .. (مانزبن الربعه) = ننطح مهبه .. ( دروب الذل مرفوضه)
وكان الردي ( شحذ خلق الله) من طبعه=نشوم غصب .. ولنا الشيمات مفروضه
انا احمد الله دروب العــز متّبعه=يوم ان ولد ( المريّه) دنيته فوضه
من يومه اكبر همومه ( يكشخ بقبعه)=الحال فله وكل يومٍ وله موضه
عطني تواريخ نشرك .. واذكر الطبعه=والنشر حصري وخذها ( حقوق محفوضه)
(( ان ماقبلت العشر.. لاتقبل السبعه))=خطه على صفحة الايام ملحوضه
[/poem]
مشعل حاشم الشمري
رد مع اقتباس
المفضلات