صلاة الجمعة<_ الشبث أفزع

**يـــوسف** · 04-02-2009 04:53

[align=center]
السلام عليكم ورحمة الله وبركاته

أسعد الله صبآحكم أعزائي الفلاوين واسعد الله مسائكم واللعن ابو هيك بس <_ متحمس

العنوان لايمت للموضوع بأي صلة بس طرت علي فزعة الشبث وقلت احطه عنوان

يالربع مبطي يوم انا بالمتوسطة بالعربي ثالث متوسط <_ من زين هالتاريخ

وكنت طالب بالحلقة ومواريي مواري مفتي بس الشيطان خسيس عليه لعنة الله <_

المهم اننا بحدا الأيام بصلاة الجمعه وزي عادتي احضر بالمسجد قبل المذن ناشب له بحياته هههههههههههههههههههه

وأروح بآخر المسجد أقرا قرآن وراي تسميع وجلد ومنفضخ قلبي

وهم يجون ويجلسون جنبي اثنين للأسف اني طاوعتهم

وقالو يايوسف فلآن مغرز بالبر ونبي نروح نفزع له قلت هآه

واتلفت يمين ويسار محد يراعي لنا وآدق اللطمة واسبقهم للددسن

وهي تخرب الطواعة والددسن له ددخنة تقل داخله مقهى واللي بالنص يهز كتوفه مدري وش بلاه عاد بعدين سئلناه قال متحمس

ونروح ونفر يمين ويسار الا هذا فلان فوق غمارة الجراندي ياشر بشماغه وأنا أدعس البنص حيل

متحمس

وهو يعلق وهو يقوم للدسن طقــ.... ودخنته من ورآ اعوذ بالله

ويوم قربنا لوه واطفي الددسن واحطه بثاني وهي تجيك على جنب وشميغي يقووووووووووووول

<_ يميل يمين يعني يوريكم شلون الشماغ يروح

ونراعي لسيارة الرجال الا ماهي باللي تبون ناشبه اعوذ بالله

ونحفر وحالتنا حالة وكلن حاط ثوبه بسرواله ونجمع رضم وقواطي <_ القواطي وش تبون بهن

وقالو يايوسف انتله بالددسن ....

هنا انا قلبي بدا ينبض تخبرون قصة حب انا والددسن وماآداني عليه

<_ يراعي لصورته بالبوك

قلت يالله الشكوى لله وأروح وامسح على كبوته قلت عوجا ياخلفهم انتي ارفعي رآسي

أدري به مامن حيل

ومالكم بالطويلة طلعنا السيارة وغرزتي ددسني

يوم نكسنا نبي نكمل الصلاة لقينا خلق الله طالعين

وأبوي موقفن برآ يتحراني يوم اقبلنا عليه نتشاور وش نسوي وكل مالنا نقرب
جاين معي أبوي تخبرون ولده مطوع يكشخ بي

وأنا افتح باب الددسن واطبق وهم يطبقون أخوياي والسياره تمشي

مارده الا جدار المسجد

وأهدر دمي هكالايام من قبل أبوي وبعض الشيبان اللي يجونه

<_ يالربع يعلمون ابوي بكل شي كرهوني بهالحياة يعني اننا نغليك يابو يوسف

وآشوآ الحمدلله جت عوافي بس تمحيط بالعقال لمدة 3 ساعات متواصله وانتفاخ بمنطقة ماحول العينين واخضرار شديد اللون على الشدوق

ابو غازي لاتشتكيني تجاوزت 7 سطور

توسدو إحترامي

[/align]

**شنقل** · 04-02-2009 05:03

[align=center]
ياخي قصتك جرحتني

<<< موضه هاليومين الجرح

..................

وانتقلت الحاله من عجايب الى متكي

ماتقول منزل موضووووع هالفجور

شعندك ؟؟

لاتكون من اللي يتعاطون ترافيان

والله اخر مابيني وبينك

ابو جعيثن

معك المايك
[/align]

**ميـاسـه** · 04-02-2009 05:13

اترك عنك العنووان الحيين

وبينما وانا اتجووول استوقفتني جمله stop مالكم بالطويله والسالفه صارت مجلد
امسحها بوجهي يا ابو غازي <<<تفزع مدري على وش

تفداه مجلدات مضايف
والله اني احيي ابوك على ولده المطوع

لافض فووهم اللي قومووك من عز اندماجك بكتاب الله .. تستاهل الضرب <<<تبي تنجلد اليوم

يلا مثل ما ابوي يقوول كريكو <<<لاتسألني وش معنااها بس الظاهر انها ملاطفه

مايخالف مايخالف لاجووك عيالك طلع حره الشايب فيهم <<<شريره (^_^)

سلمت على هيك موضووع الله يوسم الفرح على محيااك

هييه هييه وانا اول من يرد حط لي نجمه هع هع

**ميـاسـه** · 04-02-2009 05:19

شنقل حطمت فرحتي

جرحتني

**يـــوسف** · 04-02-2009 05:23

المشاركة الأصلية كتبت بواسطة شنقل

[align=center]
ياخي قصتك جرحتني

<<< موضه هاليومين الجرح

لاتنسىا تقول جرحتني وتقووووووووووووول هلون علشان القصيصة تلعب

..................

وانتقلت الحاله من عجايب الى متكي

ماتقول منزل موضووووع هالفجور

شعندك ؟؟
النوم ياشنقل محارب جفوني .. ابتسي واصيح ياهوىا البال وينك

<_ من اسباب خراب الشعر

لاتكون من اللي يتعاطون ترافيان

والله اخر مابيني وبينك

ياعلي اموت تساني ألعبه ياعل خشمي يطول اكثر من ماهو طويل تساني ألعبه
أعوذ بالله ياشنقل وش هالهقوه عوذا

ابو جعيثن

معك المايك
[/align]

ابو غازي نيمن بالحوش اليوم ولابسن فنيلة غازي وطالعن سرهـ

تبينا نصوره

لاهنت ياشنقل باشا على هيك مرور

توسد إحترامي

**يـــوسف** · 04-02-2009 05:27

المشاركة الأصلية كتبت بواسطة ميـاسـه

اترك عنك العنووان الحيين

وبينما وانا اتجووول استوقفتني جمله stop مالكم بالطويله والسالفه صارت مجلد
يابنت الحلال ماشفتي شي
روحي اقري اللي وصلن 40 سطر
امسحها بوجهي يا ابو غازي <<<تفزع مدري على وش

تفداه مجلدات مضايف
والله اني احيي ابوك على ولده المطوع

لافض فووهم اللي قومووك من عز اندماجك بكتاب الله .. تستاهل الضرب <<<تبي تنجلد اليوم
هذولا يسمونهم الزمرة الفاسده
على ذمة امي لاقالت وينك قلت مع فلان قالت ولعنه تلعنك وتلعنه لاتمشي مع الزمرة الفاسدة

يلا مثل ما ابوي يقوول كريكو <<<لاتسألني وش معنااها بس الظاهر انها ملاطفه
كريكو عوذا

مايخالف مايخالف لاجووك عيالك طلع حره الشايب فيهم <<<شريره (^_^)
أنا ماني معرس حالف ماأعرس يما تعرس آخر عانس بالمملكة تخبرين تضامن مع بنات الوطن

سلمت على هيك موضووع الله يوسم الفرح على محيااك
الله يجزآتس خير وينحجتس وتتخرجين وتخلصين الجامعه وتتوظفين وتعرسين وتجيبين عيال وتزوجين عيالتس وتشوفين أحفادك عقب تموتين

هييه هييه وانا اول من يرد حط لي نجمه هع هع

تبين نجمه تلصف ولا تبين نجمة مائية ولا تبين بشطخة قلم حمر

لاهنتي يامياسة على هالمرور

توسدي إحترامي

**ميـاسـه** · 04-02-2009 05:36

احفادي اشوفهم عقب ما اموت احس اني زعلت
جرحتني

ههههههههههههههههههههههه

نجمه بالقلم لاهنت وتحت الى الامام

ههههههههههههههههههههههههههههههههههه

إنشكح بـسلآمي

**عبدالله الجعيثن** · 04-02-2009 07:53

وش به ابوغازي متولجينه

شنقل...

مايك يتنتف على راس عدوّك

تعال انت ياوجه الفلس

ايه انت ...كني ما اسمعك

وش لون راعية العوجا...هي شرت جوال

الله يرحم جدتي دبيشي ... مالحقت على الجوالات حده بيجر مترولا

الا القواطي...وش سالفتهن معك.....ياكثرهن ورا البيب

**εïз خزامى εïз** · 04-02-2009 08:28

انآ مااحبكـ
انت كل ابو دايم تستاهل طق عقال
شرير مرهـ بس تدعي لسناعيسو وانآ انآشد بالدعاء للجميع بالتوفيق
ادع لي <<تشر بصبعهآ السبابه <<ترى هذي قمة التهديد يعني خف حبتين لا تدق كبريائي
يآحلو مياسه داعيه للكل
عتآوي <<وهـ ياحلووو هالاسم ليتك تقلبه كذا احسن
انأ بعد احب اددسن بس الشاص "اوسم" منه
لقيت لكم صوره انت وربعكـ في ذاكـ اليوم
انت "اوب" قلت محمسين؟!
طيب شف
هههههههههههههه

ههههههههههههههههه
لا تنسى تدعي لي
بعد ساعتين امتحاني
شرير
جعيثن وماجد حتى انتو <<تتامر اليوم <<عطوني فرصه والا بزعل <<بالطقاق
ميرسي عالسالفه كثير
سيووو